|
افيدوني
السلام عليكم ورحمة الله وبركاته
هذي مشاركتي الاوله اتمني ما اكون ثقيل علي قلوبكم .....، حبايب قلبي انا اشتريت امزون بلوفرنتد عمره 7شهور علي كلام صاحب المحل وحجل اصلي الببغا خايف مرا وما يتقبل الاكل من يدي له يومين عندي احسه ما يكل بس نايم ومتصلب في مكانه مع العلم لمن كان في المحل كان جدا جدا جدا لعوب ماشاءالله جلست تقريبن ساعه ونص اتفرج فيه وهوا يلعب ومرا عجبني ماشاءالله الحين لا يلعب ولا ياكل وخايف حتي لمن افكله باب القفص يطلع ويحول يطير ويطيح علي الارض ياريت تعلموني انا ما عندي اي خبره في الامزون بس مرا عاجبني الطير ....، انا عندي خبره بسس في الافريقي .... اتمني الرد علي سؤالي ولكم جزيل الشكر وتقدير انتظر ردودكم |
رد: افيدوني
غالباً بعض الطيور اذا اختلف عليها المكان ما تأكل و تخاف و ما تتكلم وما تصفر
احيان الطير يكون جريء ويتكلم واذا وصل مكان ثاني يسكت لا تستعجل اصبر كم يوم وبإذن الله تلقاه مثل اول وافضل اهم شيء بالبدايه لا تطلعه من قفصه وحاول ما تضايقه لين يرتاح الطير لك وللمكان الله يطرح فيه البركه |
رد: افيدوني
امين يارب الله يسعدك ويريح بالك
بس ابغا اعرف كيف ابدا ادربو |
رد: افيدوني
مراحب اخوي mohannad اولا مبروك عليك البلوفرنتد الجديد وان شاء الله تشوف خيره غالبا الطيور لما يتغير عليها المكان والاشخاص تظل خايفة وحذرة لفترة ومن ثم تتعود تتدريجيا وترجع لطبيعتها .. اهم شي انك تخلي الطير بمكان هادي وتبعد عنه الازعاج لمدة يومين حتى يستعيد الثقة بنفسه ومن ثم تبدأ التدريب ... طيور الامازون وبالذات البلوفرونتد هي طيور نفسيـه مرة تشوفها توب ومرات تقلب شرسة وتعض ..مرات تشوفها نشطة تلعب وتتشقلب ومرات تظل ساكنة ما تتحرك ... مرات تتردد الكلام بكل طلاقة وتصفر ومرات تصير بكمه ولا تنطق حرف ... ماعليه هي مسألة وقت وان شاء الله تتعود علي طيرك... اهم شي عاملة بالحنية وخل الثقة موجودة واغريه بالفاكهة وخله ياكل من يدك .. تقبل ردي مع كل ودي |
رد: افيدوني
الله يسعدك ياخوي وما قصرت مشكور
|
| جميع الأوقات بتوقيت GMT +3. الساعة الآن 09:33 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو