|
موضوع مهم للمختصين في تربيه الافريقي
السلام عليكم
وعيدكم مبارك اخواني المشرفين والاعضاء موضوعي للمختصين :انا عندي افريقي مشاء الله متكلم من الدرجه الاولى ذكي جداً وولافته 80% يطلع على اليد مباشره من يوم اقوله اطلع بس اوقات مايقبل احط يدي على راسه وهو بر القفص بس على يدي يقبل هذا اول شيء الشيء الثاني الطير مو جريء يعني مايتكلم وانا قدامه ولا زي ماقلت انه ذكي الكلمه ارددها اليوم بكره يرددها فارجو من كل من عنده حل او راي لهذي المشكلتين انه مايبخل عليه فيها ومشكورين:freind: |
رد: موضوع مهم للمختصين في تربيه الافريقي
المشكله الأولى عادي ممكن يكون مشغول بشيء أو يتفقد الوضع , لابد تعرف ان الطير مزاجي الشغله الثانيه في طيور شعبيه تتكلم بالوجه وجريئة والعكس بالي عندك ممكن مكانه بعيد عن الناس ولا هو حواليهم وماتعود , أو حالة الطير بهذا الوضع عموما ً الحاله متشعبه وصعب تحديدها بالنسبه للكلام بالوجه وخير من يحدها مكان الطير وأنت |
رد: موضوع مهم للمختصين في تربيه الافريقي
السلام عليكم ..
يتعود مع الوقت ان شا الله بس حاول انك تعطيه الجراه وتخليه مايستحي يعني قرب منه وقله بوسه مثلا ولا سلم عليه باصبعك يعني كانه بيصعد على يدك بس لا ترفعه خله يمسك اصبعك برجله وقله سلم وبعد فترة ان شا الله بيتعود ويتكلم على ايدك مع العلم ان بعض الببغاءات ما تتكلم الا عند راعيه وباقي اناس تستحي وبعضها يتكلم بالقفص بس وغيره من المزاجات فانت لاتخليه على مزاجه وعطه الثقه التامه ... أتمنى اني أفدتك واذا بغيت تسأل ولا تستفسر عن أي شي كلمني عالخاص وشكرا. |
رد: موضوع مهم للمختصين في تربيه الافريقي
اقتباس:
وعليكم السلام وتقبل اله طاعتك أخوي ما حددت كم صارله عندك الكاسكوو أذا ما صارله وقت فالنقطتين أن شاء الله مع الوقت راح تروح أذا هوو متجاوب معاك بالتدريب وبالنسبة للنقطة الثانية في كواسكوو ما تتكلم أمام الناس عسى الله يبارك لك في طيرك |
رد: موضوع مهم للمختصين في تربيه الافريقي
الدعو لكل من رد علي وافادني في هل الموضوع وانا صايم ان الله يجزاه خير الجزاء
والحقيقه انا شريته اخر جمعه قبل رمضان وانشاء الله انه زي ماقلتوا مع الوقت يتعود وما انحرم منكم ولا من مساعدتكم والف شكر لكم |
| جميع الأوقات بتوقيت GMT +3. الساعة الآن 10:19 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو