منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة طيور البادجي (http://www.2zoo.com/vb/forumdisplay.php?f=98)
-   -   مشكله صارت بين الزوج (http://www.2zoo.com/vb/showthread.php?t=357208)

النينو 03-02-2016 01:29 PM

مشكله صارت بين الزوج
 
السلام عليكم احبتي
لدي مشكله اول مره تحصل معاي عندي زوج بادجي الزوج متوالفين والذكر دايم ياكل الانثى وسبق الانثى باضت بس ماتخصب البيض ورميته
الموضوع الاهم امس بالليل سمعت محاربه بينهم رجعت اراقبهم من بعيد شفت الانثى تعتني بالذكر والذكر ياكلها طمئنيت ورحت واليوم الصباح لقيت الذكر جالس بالبياضه والانثى برا ورجعت لهم ثاني لقيت الكارثه الذكر برا ووجه عليه دم والانثى بالبياضه جالسه المهم انا فصلت الذكر عن الانثى بقفص خارجي لوحده
ابغى من الاعضاء ومن لديه خبره يفدوني ويعطوني الحل الله يجزاك خير

Besa 03-02-2016 08:59 PM

رد: مشكله صارت بين الزوج
 
وعليكم السلام

طبيعي بعض الإناث يتغير سلوكها للعدواني
وخاصة في مرحلتين التزاوج والبيض
يعني لو شافت إنو الدكر يشكل خطر على البيض راح تهاجمو
لأن بعض الدكور تكسر البيض وساعات تموت الفروخ
عشان تجبر الإناث على التزاوج
كمان ممكن يكون سبب الدم من البياضة
يعني من جوا تحصل مسمار أو دبابيس زي وحده عندي
هيه الدبابيس تكون مسطحة بس لوجيت بغفلة أو بطريقة غلط تجرحك
لولقيت شيء زي كدا حاول تعدلو بطريقتك أو غير البياضة
عشان حتكون خطر على الزوج وعلى الفروخ بشكل خاص
ممكن تسويلهم إصابات مميته بحكم إنهم صغار وحساسين
إنته كويس عزلت الدكر وشوف مصدر الدم وحجم الجرح
لو شيء بسيط فيك تمسحو بالبيتادين تطهير للجرح
مع الإهتمام بتغدية الدكر كويس عشان يشفى الجرح بسرعة
بس لو كان عميق لازمو طبيب بيطري
عشان لا يتلوث الجرح ويسوي مضاعفات
وبالشفاء يارب

النينو 03-02-2016 10:26 PM

رد: مشكله صارت بين الزوج
 
البياضه تمام مافيهاا شي يجرح ميه ميه وانا حريص من الناحيه هذي اللي صار بسبب التشاجر
يسلمووو افتديني كثير

Besa 03-02-2016 11:06 PM

رد: مشكله صارت بين الزوج
 
السلام عليكم

خلاص دام الحمدلله البياضة مافيها شيء
ركز على جرح الدكر وخليك عازلو لين يشفى
عشان لورجعناه دحين ممكن يتشاجروا
وتسوء الإصابة أو يتعور تاني
أعطيه البيض والفيتامينات ونفس الشيء مع الأنثى
مع الأكل المتنوع والفيتامينات إن شاءالله يشفى الدكر وتهدأ الأنثى
والعفو منك ماسويت غير واجبي
وبالشفاء يارب

النينو 06-02-2016 09:48 AM

رد: مشكله صارت بين الزوج
 
تسلمي اختي


جميع الأوقات بتوقيت GMT +3. الساعة الآن 03:09 PM.

Powered by vBulletin® Version 3.8.8 Alpha 1
Copyright ©2000 - 2018, Jelsoft Enterprises Ltd
الحقوق محفوظة لمنتديات تو زوو