|
سؤال بخصوص فترة حضانة البيض
السلام عليكم ورحمة الله وبركاتة
الحمدلله الان الانثى وضعت البيضه الرابعة والحضانه من الانثى والذكر وغالباً اذا الانثى داخل العش الذكر واقف عند بوابة العش للحماية السؤال الاحظ فيه اختلاف في وجهات النظر كثيرررر خاصة بين الاعضاء الى نسميهم خبره مثل وضع البيض المسلوق والخضروات وقت الحضانة فنجد معارض للفكرة وأخر ناصح للفكرة بالنسبة لي قطعت البيض والخضار عنها ومن يومها وهي في صيااااح ولا يدخلو العش كثير ورجعت البيض لها والخضار واسكنت عقوووولهم وصاروا اخلاق ويدخلو العش ويجلسوا فيه كثير :D النقطة الثانية الان ايضاً نجد عضو ينصح بفصل الذكر وقت الحضانة الى ما يسير عمر الفروخ اسبوعين ونجد في نفس الوقت عضو أخر يقول من المهم تواجد الذكر وقت الحضانة وبعد التفقيس واتذكر ملاحظة لبعض الاعضاء المهمين (( الخبرة )) يقول انه لاحظ عند فصل الذكر تموت بعض الفروخ وعندما يكون الذكر موجود تعيش اكثر الفروخ ثالثاُ وقت حضانة البيض هل تختلف من فصل الى فصل يعني هل في الصيف تفقس في وقت ابكر من الشتاء بحكم حرارة الجووو الدفئ الحاصل للبيض . وكم المدة من واقع تجربتكم عارف انها تختلف المده من طير لطير لكن من واقع تجربه ما بين كم وكم رابعاً انا بضطر اسافر لمدة اسبوعين وراح اترك الطيور واعتقد والله اعلم راح يكون تفقيس البيض وقت انا غير متواجد فما ادري كيف اسوي فيهم وكيف الاكل اللين احطه لهم بعد التفقيس الان الوضع سهل حطيت لهم حب بكميات كبيرة وماء بكميات كبيرة لكن بعد التفقيس هل يكفي الحب والماء ام لا وشكراً لكم |
رد: سؤال بخصوص فترة حضانة البيض
كيفك يالغاليَ..~إن شآءالله طيب...
مهمآ أختلفت الاراء لآتآخذ إلى من رأي مجرب..:) بالنسبة للخضروات يالغاليَ..~يفضل قعطها..حآلياً..~والخضروات تقطع حتى يصبح عمر الفروخ أسبوعين...حلوو..! بالنسبة للبيض مآتقطعه أبداً.~.وخصوصاً..وقت الفقس والحضانه...لأن به كالسيوم وعناصر غذائية يحتاجها الزوج والفروخ نجي لـ فصل الذكر.. الذكر يفصل إذآ..لوحظ أنه أمآ..ينتف ريش الفروخ أو يقلتهاُ..~ وسبب قتله للفروخ رغبة له بالتزاوج مع الانثى وإنتاج جديد... ولآكن نصيحتي لاتفصل الذكر فـ هو مساعد ممتاز للأنثى..والكوكاتيل بالطبيعه يتعاون الزوجان لـ رعايه الفروخ... إلآ..إذآ..لآحظت الذكر يقتل الفروخ أو ينتف ريشها فـ أفصله...!! وبالنسبة لأن الذكر لاكان موجود تعيش الفروخ فـ هاذا صحيح .. عندي زوج ..وفصلت الذكر بعد فقس الفروخ أغلبهم مات..وإلي طلع نحفان وإلي وإلي..إلخ.. لآكن بالانتاج الاخرخليت الذكر و الحمدلله عاشت كل الفروخ..:) نعم تختلف فـ هي تزداد بـ فصل الشتاء وقد يتأخر وقت الفقس لـ يوم أو يومين... آمآ..بالصيف فـ يفقس طبيعياً.~. بالنسبة لـ التغذية .. أكرر أبعد الخضروات حتى يبلغ عمر الفروخ أسبوعين على الاقل... وبالنسبة للبيض فـ لآتقطعه...فـ هو مفيد للفروخ وللزوج ولـ نمو الفروخ ... وضع لهم عظام الحبار...فـ هو مفيد كذلكـ.. وعند الفقس أو الحضانه أبعد الفتامينات الصناعيه... بالنسبة للحب والماء يكفي أم لآ..! كآآفي يالغاليَ~.بس أفضل وأحسن ...تضع لهم البيض بالبقسماط..وعظام الحبار... بالتوفيق يالغاليَ..~://:) |
رد: سؤال بخصوص فترة حضانة البيض
يعطيك العافية ابو عبدالمجيد
طيب المدة المتوقع لفقس البيض |
رد: سؤال بخصوص فترة حضانة البيض
كمـ ـآآ قـآل لـك آلـآخ آلكريـم..{آبـ ـوو عبـد آلمجيــد}.. وطبعـ ــآآ مـدة فقـ ـس آلبيـ ـض مـن 18 آلـى 21 يـووم لك أجمل تحية |
رد: سؤال بخصوص فترة حضانة البيض
افادك الاخوان الغاليين يالغالي ,,^_^,,
لكن انا ابي اتكلم في جزئية اراء الاعضاااااء !!!! يالغالي الله يقويك لابد تعرف وتيقن حااااجه وحده وبعدين انت احكم تربية الطيور ماهو حفظ يعني شخص يقلك سوي كده وانت تجلس تطبق الكلام بالتفصيل وفجأه تلاحظ ان طيرك مازبط معاه او ما نفع معاه هذه الطريقه ,, ر اح يجي في بالك ان الشخص اللي افادك كلااامه غلط !!!!!! بالعكس كلااامه صح ميه ميه ,,,, لكن المشكله يالغالي في طبع الطير طير الشخص اللي افادك طبعه يختلف عن طيرك يالغالي فمن المؤكد ان طيرك ماراح يتقبل ولابد يالغالي تجرب طريقه ثانيه الخلاصه يالغالي اللي ابي اوصلك ايااه يالغالي لابد تعرف طبع طيرك يالغالي حاول انك تجرب في المشاكل التي تواجهك في طيرك بأكثر من طريقه علشان انت تعرف وتفهم طيرك يالغالي مثال بسيط يالغالي ,, زوج كروان موت فروووخه او قتل فرووخه او طردهم يالغالي وما اكلهم ؟؟؟؟؟ راح يجيك عضو يقلك شيل الذكر وقت التفريخ !!!! هذه الطريقه صحيحه وراح يجيك عضو يقلك انتبه لا تشيل الذكر ممكن الانثى تبطل تطعم الفرووخ !!!! وهذه الطريقه صحيحه وراح يجيك عضو يقلك يالغالي شيل الفرووخ وحطهم في اسفل القفص !!!! وهذه الط ريقه صحيحه لاحظ يالغالي كل الطرق صحيحه ,, لكن الكلام هنا الزوج اللي عندك هل نفس طبع الزوج اللي عند الأعضاااء اللي افاادوك العضو الاول كلاامه صح وطريقه صحيحه العضو الثاني كلامه صح وطريقه صحيحه العضو الثالث كلامه صح وطريقه صحيحه لكن الطريقه لاولى ما نفع معاك ,, راح تنفع معاك في الطريقه الثانيه ويمكن في الطريقه الثالثه المقصد يالغالي لا تعتمد على طريقه معينه وتشوف ما نفع معااك يعني انت انتهيت او يأست بالعكس يالغالي طبع طيرك يختلف عن طبع طيره واكيد في طريقه ثانيه علشان وينها انت تبحث وتشوف بنفسك يالغالي واعذرني علــ الاطاله يالغالي ,, لكن انا نسان شوي تفصيلي احب اوصل المعلومه بللي في راسي |
رد: سؤال بخصوص فترة حضانة البيض
يعطيكم العافية
بخصوص رد الأخ أبو ريمان صادق في كلامك لكن نقطة الاختلاف الاولى والاهم الى طرحتها هي الاكل يعني ممكن طير لطير يختلفوا في الطباع من ناحية الالفه ومن ناحية التغريد ومن ناحية الخوف .. الخ يعني هل في اشياء علمية أو طبية مثبتة ان اكل معين مضر لطير فترة الاباضة ..؟ ام كل انسان يذكر تجربته . وليش العضو ما يدعم المنع باصل الكلام الى استند عليه . يعني مثلاً نقول ان المشروبات الغازية مضرة للحامل (( الانسان )) .. استناداً على استنتاج او بحث طبي مصدرة كذا وتاريخة كذا ... انا اقولك الذكر عندي من زمان مدمن جرجير يعني لو يشوفه في يدي وانا جاي يكسر القفص الى ما اوصل له والانثى كانت لا لكن بعد ما توالفت مع الذكر صارت تاكل مثلة وزي ما ذكرت في الموضوع اني منعته يومين وقوه تصفير وازعاج من الذكر خاصة حتى واضح انه ينتظرني اجيب الجرجير . ووقت شفت كلام اخوي عبدالمجيد امس رحت واعطيتهم جرجير الانثى طلعت من البياضة ماشية مليوووووووووووووووووووووووووووون تقول انها ما صدقت شافت الخضار من بعدها لاحظت الاستكنااان والهدوووووء يعم ارجاء القفص ودخلو العش بعد الاكل ولبدوووو لبده لم الاحظها مسبقاً خلاصه الكلام ودي الى يقول لا تعطي صنف معين يذكر السبب ومن وين جاب المعلومة للفائدة |
رد: سؤال بخصوص فترة حضانة البيض
العفو اخوووي الغالي !!!!!
ذكر السبب يالغالي للعضو نفسه شي راجع له هذا يرجع لطلبك انت يالغالي لكن اغلب الاعضاء طرح طرقهم من باب الخبره لا اكثر ومن اخذ الفاائده من شخص اخر |
| جميع الأوقات بتوقيت GMT +3. الساعة الآن 02:44 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو