كاسكو هدية
 

السلام عليكم ورحمة الله وبركاته


كيف الحال جميعا؟!!

وياكم أختكم ظبي داري .. وهذا أول موضوع لي فالمنتدى

أولا أشكر الجميع على هذي المواضيع الرااااائعه وإللي فعلا الواحد يستفيد منها وااايد :rolleyes:



ثانيا عندي كذا استفسار ..

أنا من 4 أيام تقريبا وصلني ببغاء كاسكو هديه :shy:

وأنا لي تجارب في تربية الببغاء بس الكاسكو أكيد غييير


وهذي صورته ما شاء الله علييه :shy:


http://img40.imageshack.us/img40/3420/dsc06222z.jpg


إللي عرفته إنه تقريبا بعمر الأربع أشهر

وهو الحمدلله أليييف وأقدر أشله وأحطه على إييدي .. بس مشكلته إلا يبا يركب على راسي :p

المهم .. حبيت أعرف عشان أكله ..

هو جاي وياه علبة السيريلاك الخاصه فيه

وقالولي اعطيه 3 مرات فاليوم .. بس اضطر مرات أعطيه 4 لأنه أحسه يوم يجوع يسوي ازعاج

ويتحرك ويجعر ولمن يشوفني جايه وأنا أقوله ناكل يتحمس ويهدا لمن أبدا أأكله :freind:

حاليا المشكله فالمقدار .. أنا أعطيه ليمن يكتفي بنفسه وهو تقريبا بمقدار الابره

تقريبا 30 ومرات 40 ml << هل هذا مناسب وإلا يعني هل أقلل وإلا يفضل ليمن يكتفي بنفسه؟؟


وبعد حاولت أغير شوي من أكله .. مثلا البطاطا الحلوه المهروسه أعطيه بإيدي يتذوقه مره ويخليه

الذره الناضجه وكذلك ما ياكله شو الحل؟!! وإلا عشانه صغير بعده :confused:


ثاني شي هل في اسلوب معين عشان أعلمه يبتدي الكلام .. لأنه إللي عرفته إنه أحاول أربط

الكلام بالفعل.. طبعا بفضل منتداكم الكريم هالتعليم :cool:

مثال : لمن يجي وقت الأكل .. أقوله ناااكل ناااكل

وأول ما أشوفه أقوله هلا هلا :D

هل هذا الاسلوب الصحيح وهل فيه اسلوب ثاني لازم أتبعه؟!!!

وترا أنا متحمسه عشان يتكلم .. هل في عمر معين يبدا يتلفظ بالكلمات وإلا يعتمد على

النوع ناهيكم إني ما أعرف من أي نوع بالضبط؟!! ولا حتى جنسه :shy:


واحم .. إللي عنده أي اسم يقترحه حلو يقولي عنه لأني بعد ماسميته :p


وأخيرا هل فيه نصايح مهمه تنصحوني بها؟!!


والسمووحه لأني طولت عليكم .. وشكرا مقدما لكل من دخل الموضوع وتابعه

والشكر الأكبر لأصحاب الخبره إللي بيجاوبوني << واثقه من حصولها على الإجابة :88:

رد: كاسكو هدية
 

السموووحه لو الموضوع مب في محله :shy:

رد: كاسكو هدية
 

رد: كاسكو هدية
 

ألف شكر لك أخويه على هذي النصايح القيمه فعلا

يزاك الله خير

ونسيييت سؤااال ..


بخصوص شرب الماء .. لانه ألاحظ إنه مايشرب ماي أحاول أعطيه مرات بالإبره مايتقبل دايما

إلا لو يشرب من وراي من العلبة إللي فالقفص بس بعد المنسوب مايقل وايد

هل هذا شي عادي وإلا شوو؟!!

رد: كاسكو هدية
 

http://www.2zoo.com/vb/showthread.php?t=139969


ادخلي على الرابط وراح يفيدك ان شاء الله

رد: كاسكو هدية
 

مشكووور أخويه .. قدني قاريه هذا الموضوع

بس أنا سألت لانه الطائر بنفسه يسوي ازعاج لمن يريد ياكل

ويوم ياكل تحسه بنفسه يرتد عن الأكل .. فهل هذا الاسلوب زين يعني أخليه ياكل ليمن يرتد بنفسه

وإلا أقلل .. ومثل ماذكرت الكمية ماتزيد عن 40 ml

وللأسف الموضوع مب ذاكر شي عن الماء


وأخيييرا أشكرك أخوي شكر جزيل على تفاعلك مع موضوعي ^_^

رد: كاسكو هدية
 

http://www.2zoo.com/vb/showthread.php?t=123957

رد: كاسكو هدية
 

السلام عليكم الف مبروك عليك الطير وبالنسبة للأكل حاولي تقللي الكميه شوي شوي ولا تعطيه اكثر من ربع الابرة لان طيرك المفروض يبتدي ياكل بالحالة وخلي الحب معاة على طول ليما يبدا ياكل بلحاله والسريلاك سويه بمويه دافية وعطيه الابرة بتأني مو بشكل قوي علشان ما يدخل في رئته ويسبب له الموت لسمح الله

رد: كاسكو هدية
 

naasooh

ألف شكر والله على هذا الرد ..

وعشان التغسيل عرفت إنه المفروض ما أغسله وأحاول حتى قد ما أقدر يوم أحاول أشربه إنه مايتخرس ماي وايد

وبخصوص الصبر صااابرين ولله الحمدلله لأنه ما عندي شغله غيره ^_^


على العموم تسلم أخويه على هذي النصايح وان شاء الله بكمل قرايه للمواضيع

ربي يعااطيك العافيه

رد: كاسكو هدية
 

عبدالإله

اممم .. الحمدلله أحاول أعطيه بتأني ولا استعجل علييه أبد ..

وبخصوص الحب أطلع اللب وأعطيه وإلا أخليه بروحه يحاول يبطله لانه ما أظن يعرف؟!!