|
ممكن تساعدوني ؟
السلام عليكم يا اعضاء و مشرفين هذا المنتدى عندي سؤال و ابيكم تساعدوني قطوتي missy ما تحب الاكل الناشف اصلا ما تاكله بس تحب المعلب بس امي تظايقت من الريحة لان ريحة غرفتي مو حلوة بعدين امي قالت اذا ما علمتيها على الاكل الناشف راح اقطها بالشارة (يعني راح تحرمني منها ) بعدين قمت استعمل الاكل الناشف بس ما تاكلة قمت ابطل حلجها و احط فيه شوية هم ما تاكل فقمت اخلط معاة شوية اكل معلب بس اهيا تاكل المعلب و تخلي الناشف شسوي انا احب قطوتي وايد و ما ابي امي تحرمني منها بلييييييز ساعدوني :confused: :confused: :confused: |
رد: ممكن تساعدوني ؟
أهلاً و سهلاً بيكي يا أختي.
إنتي ليه بتأكليها في غرفتك!! عوديها تاكل بره في المطبخ و إعمليلها طبق مخوص ليها واحد للماء وواحد للأكل و إن شاء الله هي حاتتعود بس كل ما تنونو إنها جعانة شليها و حطيها عند طبقها و لا تأكليها كتير الأكل الجاف أكليها معلبات و إن شاء الله مش حيبئى في رائحة كريهة بس طمنينا. |
رد: ممكن تساعدوني ؟
في بعض الاكل الجاف بالجمعيات القطط ما يحبونه حتى لو يواعه ما ياكلونه .. حاول تعرفين الاكل اللي تحبه .. اذا ما نفع حاولي تعطينها دياي مشوي أو مسلوق و تطحنين الدراي فود و تحطينه على الدياي أو اي اكل اهيا تحبه .
هذا نوع القطط تحبه من ماركة Purina Cat Chow للقطط اللي داخل المنزل : http://www.petfooddirect.com/store/i...3013624_lg.jpg هذا نفس الماركة اذا كانت missy صغيرونه : http://www.homegrocer.com/images/pro...ten%20chow.gif و هذا واااايد وااااااايد يحبونه : http://www.petco.com/Assets/product_...780056614B.jpg |
رد: ممكن تساعدوني ؟
انا استعمل الاصفر kitten chow و الازرق من نوعية purinacat chow all ages
|
رد: ممكن تساعدوني ؟
انا قطوتي عمرها 3 شهور و يا اخي انا احط اكلها بالحمام عند رملها
|
رد: ممكن تساعدوني ؟
ربنا معاكي يا kitten بس أنا بفضل طول عمري أحط أكل قططي في المطبخ مش عارفة ليه بس تقريباً علشان مش بحبهم ياكلو في الحمام :p .
على العموم هي لسة صغنتوته وربنا يسلمهالك و يخلهالك. |
رد: ممكن تساعدوني ؟
ما انصحج بالأزرق لانه حتى بالجمعيات قامو يشيلونه الحين ..
بس 3 اشعر بعدها يمكن صغيرة و تحتاج كالسيوم أكثر عطيها جبن او بيض او حليب (خالي الدسم).. الصغار ما يفضلون الاكل الجاف بس شوي شوي يتعودون عندي قطو كان ما يحب ياكله بس انا مخليته عنده 24 ساعه بس ييوع شوي يضطر ياكل .. في نوع من المعلبات ريحته مو قويه اسمه felix اختاري الدجاج او اللحم يكون مخلوط مع خضار .. هذا نوع جيد لان مافيه ريحه وايد . |
رد: ممكن تساعدوني ؟
حطيلها الناشف مع الحليب ...
|
رد: ممكن تساعدوني ؟
اهلين اختي
انا بعد من راي امج الاكل المعلبات الخاص للقطط اولا ريحته خايسه وثانيا يسبب اسهال وانتو بكرامه وانا جربته وصج ريحة الغرفه تلووع الجبد انا بنفسي كنت اتضايق وكل شوي ابخر الغرفه وبعدين ماقمت اعطيها كلش منه لانها صابها اسهال منه وتاذيت لما رحت للدكتور البطري قالي يمكن من اكلها وسالني عنه ونصحني اعطيها من اكلنا وانوع لها وراح اقولج بعض الاكلات اللي تحبها القطوه من تجربه شخصيه عطيها بيض مسلوق بدون ملح ولا اي شي حااف وعطيها عيش شوويه ودجاج نتفيه لها بدون لا يكون فيه عظم لانه يضر القطاوه وعطيها جبن مثلثات خالي الدسم وعطيها حليب خالي الدسم ومرتديلا بعد بدون طبخ ولا شي بس قطعيها صغار صغار واتمنى اني افدتج ولوو شوويه |
رد: ممكن تساعدوني ؟
مشكورين كفيتو و وفيتو بس سؤال الحليب ما يطيح شعرها ؟
|
| جميع الأوقات بتوقيت GMT +3. الساعة الآن 09:56 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو