|
لحقوووووني
هاي
انا خبرتي كلش موصوب الحمام والسوالف هذي بس قبل فتره باضت يمامه من هاللي على رقبتهم اسود بالدريشه وفقس البيض قبل اسبوع يمكن وماشوفها تي حق عيالها الا مره باليوم موهذي السالفه السالفه انا حاولت اوكلهم جم مره وامس شفت على ايدي شي مثل النقطه صغييييير يدور لونه اسود! وغسلت وكان بها الحين اطل عليهم اشوف نفس حجم الشي هذا يتمشى على الدريشه وعليهم ولونه ابيض!!!! الحل ياجماعه! موهاين علي اشيلهم واقطهم واخاف اخليهم جذي تدش هالحشرات وتسببلنا امراض بالبيت واخاف ادخلهم عندي البيت هم يعدوونه شالحل؟ |
رد: لحقوووووني
[ لوول فطوم انتي نفس حالتي بدريشتنا هذي حمامه على قولتهم بر < مادري شسمها ] بس هذي صورتها مو ُ http://farm2.static.flickr.com/1387/...94ac473387.jpg [ بخصوص الام اكيد تيي حق عيالها مستحيل :P يعني انتي مراقبتهم 24 ساعه ! لانها تعطيهم الاكل وتروح ] [ وبعدين نظفوو الدريشه وسديها بالقطنه علشان ماتدش الحشرات ونطري لما يكبرون حرام تدخلينهم داخل البيت وهم حرام انج تقطينهم ] [ والشغله الاخير مراح تسبب امراض ان شاء الله ] http://www10.0zz0.com/2009/05/14/06/379524102.gif |
رد: لحقوووووني
لاتخافين عليهم انا صارت عندي هالسالفة وكانت امهم تجي وتأكلهم وتروح وخلااص من يكبرون بيروحون في حال سبيلهم ولاعاد بتشوفينهم ولا بتشوفين امهم لكن اهم شي ما تدخلينهم بيتكم لانه ممكن يكون فيهم امراض لانهم عايشين في البر اما بالنسبة للحشرات الي عليهم هذي هي البراغيث وكل الحمام موجود عليها هالحشرات ومافي خطر انهم يموتون بسبب هالحشرات |
رد: لحقوووووني
ماعليها خوف بإذن الله .. بالنسبة للفراخ من ناحيه الاكل الام ماراح تقصر بأي شي من ناحية الاكل لاكن ياليت ماتفتحين الدريشه على الفروخ او تحاولين تشيلينهم .. عشان تكون الام مطمأنه في المكان اما الحشرات .. مافيه منها مشكلة بإذن الله وطبعاً ماهي مثل النمل تدخل في البيت و بأعداد كبيره .. هذي تكون كم حشره بس .. و ماراح تخلي فروخ الحمام و تدخل البيت .. بالتوفيق |
رد: لحقوووووني
امبيه
امبيه امبيه الحين بتذبحوني اذا عرفتو انا شسويت سويت مصيبه انا طليت من الدريشه وشفت ملاين من هالحشره موكم حشره يحوسون عالحمام الوانهم احمر وابيض واسود ومثل ماقتلكم قبل يومين لقيت وحده بجسمي وانا خفت انه هذا قمل وراح يعديني وشلت الفروخ ونظفو المكان وحطيتهم بالحوش لاتقولونلي حرام شسوي موبكيفي امي لمه عرفت صابتها حاله هستيريه وماكو حل ثاني:(((( انا المصيبه الي سويتها اني حممتهم!! :((((( شسوي قلت يمكن يروح الشي هذا واردهم مكانهم لانه مكانهم كان وايد وصصصصخ صارلهم سبوعين فاقسيت وموصخين المكان كلههه اوساخ وبقايا اكل واليوم الصبح امهم كانت تحوس عند شباكي قلبي عورني بس موبيدي نزلت جبتهم من الحوش وليلحين عليهم بقايا الحشرات هذي غسلتهم مره ثانيه وحطيتهم بالدريشه بعد ما اكلتهم بيض مخلوط مع طحين واكلو شوي وشربو ماي :( انا سالت بكذا منتدى ومحد فادني وضطريت اسوي جذي والحين احس بتانيب الظمير لاتقولونلي شويه حشرات لالا عليهم ملايييييين من هالحشرات وتتمشى عالشباك من بره وداخل شسوي ماقدر اخليها:( الحين ابي اعرف هل هذا قمل وممكن يعديني؟ |
رد: لحقوووووني
انا فضل انج نردينهم مكانهم قبل لا تنساهم امهم وماترد الدريشه مره ثانيه وعلى سالفه الحشرات خليهم واللي الله كاتبه بيصير وسلامات مره ثانيه :)
|
رد: لحقوووووني
الحين انتي رجعيهم محلهم الاولي واحتمال ان امهم ماترجع لهم بسبب ابعادهم عن العش واذا مارجعت المفروض تتكفلين باطعامهم!!
|
رد: لحقوووووني
انشالله ترجع:(
اهي اليوم الصبح كانت موجوده والظهر اذا مارجعت راح اتكفل فيهم شسوي بعد: |
رد: لحقوووووني
[ حرآم عليج وربي !! وبعدين هالطيور هذي ماتتسبح !! بالعمر هذا ] [ وبعدين ثاني شي جم اعمارهم ؟ لانه مايكالون حب لانه لازم من الام فيها حويصله تعطيعم بعد ماتتطحن الاكل علشان مايصير ثقيل على المعده ] [ وثالث شي هذا مو قمل وعلى كلامج بالملايين دامهم مااذوو الصغار معناته مو مضر بس مثل ماقلت لج سدي الدريشه الفتحه الي تحت حق التهويه بالقطنه ونظفي المكان وبس ] |
رد: لحقوووووني
هاوية طيور شسوي حطي نفسج مكاني تشوفين البراغيث هذي تتمشى فبيتكم وامج تعصب يعني يا انج تقطينهم يا مادري والدريشه مافيها فتحات اصلا بس اهما مجهرين ممكن يندعسون في اي مكان ويدشون!!:\
عالعموم حتى بعد السباحة صحتهم ميه ميه وكلتهم بيض مع طجين وكلو حطيتهم بالدريشه وطارو في حال سبيلهم وامهم مسكينه تدورهم:\ |
| جميع الأوقات بتوقيت GMT +3. الساعة الآن 07:54 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو