بناء قفص أرضي ثابت للسلاحف البرية والمائية >>
 

كلنا منعرف اهمية اشعة الشمس في تطور ونمو الزواحف (انتاج الكالسيوم لبناء العظام), من هيكا لازم تعريض السلاحف بشكل يومي لاشعة الشمس الغير مباشره ان كنا عم بنربيهن جوات البيت, والمفضل تربيتهن بالخارج برات البيت, لانو بالخارج بيكون النمو والتطور طبيعي اكتر.. (بس ئبل اخراجهن لازم نفهم ونعرف درجة الحرارة اللي بتحتاجها السلاحف البرية والمائية)..

وعنشان هيكا جبتلكوا طريئة لذيذه وسهله لصنع قفص أرضي ثابت لنريي فيو السلاحف خارج البيت, وبينفع للسلاحف البرية وكمان السلاحف المائية.. متل هادا:



طريئة بناءه كتيير سهله وبتحتاج لشخصين لينفذوه.. بالنسبه للمقاسات ما حطيتها لانو ممكن نغيرها ونلائمها حسب نوع السلحفاة وكمان مساحة الارض المعنيين بناء القفص فيها.. مع انو الخطوات واضحه بالصور بس كمان بيرافقها شرح بسيط..


- الخطوة الأولى:
اختيار المكان المرغوب فيو لبناء القفص, مفضل انو يكون معرض لاشعة طول النهار, بس يكون فيها زاويه اللي بتظلها مظلله وما بتوصلها الشمس.


- الخطوة التانيه:
بعد اختيار المكان , نحدد حجم القفص المراد حفره في الارض, وحفر الارض بيكون بشكل يلائم ارتفاع اطار القفص اللي مخطط للبناء.



- الخطوة التالته:
تجهيز الاطار بالحجم اللي تم تحديدو على الارض وئت الحفر (ممكن استخدام الواح خشب كبيره اللي بيستخدموها بارساليات البريد الكبيره), وتثبيت 4 أرجل خشبيه بكل زاويا الاطار, عنشان نضمن عدم حراكه وهو داخل الارض.


- الخطوة الرابعه:
بعد الانتهاء من تجهيز الاطار الخارجي للقفص, نضع شبكه (ممكن استعمال اشباك اقفاص الدجاج) بقاع المكان المحفور بالارض, لنمنع السلاحف من الحفر والهرب, ومنثبتها منيح بالحجاره حتى ما يكون مجال انها تتحرك, ومن بعدها نضع الاطار الخشبي داخل الحفره, بحيث تكون الارجل الخشبيه هي اللي في الداخل على الشبكة.




- الخطوة الخامسه:
على جوانب الاطار من الداخل نضع الواح من البلاط حتى انو نمنع السلاحف من الحفر على الجنوانب والهرب, ومن بعدها وضع التراب على الالواح لتثبيتها اكتر.




- الخطوة السادسه:
نملأ جوانب الاطار الخارجيه بالتراب وما نترك ايا فراغات, ومن الداخل نملأه بالتراب الناعم مع الرمل (حتى تجد السلحفاة صعوبة بالحفر).



- الخطوة السابعه:
تجهيز غطاء شبكي للقفص وذلك لحماية السلاحف من الحيوانات (الكلاب والقطط وحتى الطيور متل الغربان اللي ممكن انها تنقر وتكسر درعهن).
حجم الغطاء بيكون بنفس حجم اطار القفص, وتثبيتو بيكون من الزوايا بالبراغي والمسامير, وبعد الاننتهاء نثبت الشبكه من الجهة الداخلية بواسطة مسامير صغيره.



- الخطوة التامنه والأخيره:
ادوات ممكن انو نضعها بالقفص متل زرع نباتات, مخابئ للسلاحف, وعاء ثابت بالارض للشرب, ادا كانت السلحفاة مائيه ممكن انو يكون الوعاء اكبر عنشان تئدر تسبح فيو.

رد: بناء قفص أرضي ثابت للسلاحف البرية والمائية >>
 

رد: بناء قفص أرضي ثابت للسلاحف البرية والمائية >>
 

يسلمووووووووووووو

رد: بناء قفص أرضي ثابت للسلاحف البرية والمائية >>
 

موضوعع رائع

رد: بناء قفص أرضي ثابت للسلاحف البرية والمائية >>
 

رد: بناء قفص أرضي ثابت للسلاحف البرية والمائية >>
 

موضوع رآآئع

ماشاء الله

ابدآع

لآ تحرمينآ من جديدك

رد: بناء قفص أرضي ثابت للسلاحف البرية والمائية >>
 

كتير حلو
انا عامل مثلة و لكن بلا غطاء و لا شبك الارضية بلاط وواضع حاجو خشب و سلك و فارش بطانة رملية

مواضيعك دائما متميزة عروس الجليل

رد: بناء قفص أرضي ثابت للسلاحف البرية والمائية >>
 

اهلين فيك hellboy مره ومرتين..
تسلملي كتييير يا مشرفنا,
وبشكرك عالمرور والرد الأحلى http://up.g4z4.com/uploads/96e9a5aa8f.gif

مرورك هو الأروع يا 3ns.

خيا رعوود..
اول اشي خدلك كباية بارد لانك بمواضيعي جديد http://up.g4z4.com/uploads/0fa34dc926.gif
أكيد انك شرفت الموضوع بمرورك..
ويسلمو لالك كتيير عالكلام الحلو http://up.g4z4.com/uploads/1857e6b4fb.png

عاشقهـ الحيوان~ تسلميلي يا حبوبه..
مشكووره عالمرور اللذيذ,
ولا تحرمينا منك!

محمد ادا انت شايف انو المواضيع مميزه فهي بتكون أكيد عنشان الاعضاء المميزين والغاليين..
بنعمل اللي علينا والبائي عليكو ;)
ومشكووور عالمرور.

رد: بناء قفص أرضي ثابت للسلاحف البرية والمائية >>
 

يعطيك العاافيه

رد: بناء قفص أرضي ثابت للسلاحف البرية والمائية >>