منتديات تو زوو
الصفحة 1 من 2 1 2
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   سؤال و جواب لقسم هواة الكلاب (http://www.2zoo.com/vb/forumdisplay.php?f=38)
-   -   رجاااااااااءً ساعدوني..بتبنى كلب من الخارج (http://www.2zoo.com/vb/showthread.php?t=104521)

المحامي 27-05-2009 06:23 PM
رجاااااااااءً ساعدوني..بتبنى كلب من الخارج
 
مرحباً بالجميع ....
اخواني انه من البحرين و قررت اني اربي كلب ، و الحمدالله لقيت الكلب الي ابيه و هو نوع مالتيز MALTESE ، صاحبته وحدة انجليزية من لندن واهي عارضه يراوتها الثلاثة للتبني " يعني ببلاش " اهيه سالتني جم سؤال عشان تتاكد من ان الجرو الي بتبناه بيكون في يد امينة، والحمدالله وافقت علي و قالت لي انها بتطرش لي الكلب من لندن واهي بتحجز التذكرة وكل شي بس انه بدفع قيمة التذكرة وهي 250دولار في فرع شركة الطيران بالبحرين .. فحبيت اسال اصحاب الخبرة هل في اجراءات معينة لازم اسويها مثل اني اطلع تصريح للكلب او اي شي من هالقبيل ؟؟ وهل في شروط معينة ؟؟؟

بليييييييييييييز الي عنده معلومة او جرب انه يستورد كلب من بره البحرين يقولي و اجره عند الله

g.man 27-05-2009 06:56 PM
رد: رجاااااااااءً ساعدوني..بتبنى كلب من الخارج
 
لا اخوي انت اتروح الشركة وتوقع بعض الأوراق

المحامي 27-05-2009 07:11 PM
رد: رجاااااااااءً ساعدوني..بتبنى كلب من الخارج
 
هلا اخوي g.man شكراً على الرد السريع ..
بس اي شركة تقصد ؟؟ شركة الطيران ؟ ياريت توضح لي اكثر و بالتفصيل اذا تسمح

boobee 27-05-2009 07:38 PM
رد: رجاااااااااءً ساعدوني..بتبنى كلب من الخارج
 
اخوي اول شي تروح الهيئه
وتقولهم نوع الكلب الي بتييبه
يعطونك تصريح باسمك عشان اول ما يوصل تستلمه فيه + اول ما يركب الكلب الطياره
يعطون صاحبيه ورقه خل تدزلك نسخه على الفاكس او ايميل
وعندنه بالكويت في رسوم بسيطه عشان تخليص الاوراق

ومبروك على الكلب والله يهنيك فيه

المحامي 27-05-2009 08:11 PM
رد: رجاااااااااءً ساعدوني..بتبنى كلب من الخارج
 
مشكور اخوي بوبي على الرد ...
آنه لقيت على الانترنت استمارة طلب تصرح لاستيراد الكلاب من الخارج وهيئة الثروة الحيوانية حاطين بعض الشروط مثل العمر و التطعيمات الي المفروض يكون الكلب اخذها و انشاءالله انه باجر بكلمهم عشان اسنفسر اكثر ..
بس سؤال ثاني اذا تسمح ، اجراءات استخراج التصريح تطول ؟؟

boobee 28-05-2009 01:16 AM
رد: رجاااااااااءً ساعدوني..بتبنى كلب من الخارج
 
لا وانت واقف تاخذ التصريح
5 دقايق يكون خالص

الكلاسيكي 28-05-2009 01:41 AM
رد: رجاااااااااءً ساعدوني..بتبنى كلب من الخارج
 
اخواني ما كأنكم تسرعتو في الأجابه شوي ..

في سستم معين وقوانين قبل لا يدخل الكلب ومن اهما نوع الكلب ..

في بعض الدول سامحين انواع وفصائل معينه التي يسمع بدخولها فا اكيد البحرين نفس الشيء ..

فـ ارجو منك اخي التأكد هل هو موافق على نوع الكلب ولا .. لا ..

عشان ماتجيبه وتتوهق بعدين ..

واذا اخذت الموافقه على النوع والفصيله بأمكانك بعد ذلك تكملة الأجرائات ..

وتمنياتي لك بالتوفيق ،،

عاشق الروت وايلر 28-05-2009 04:59 AM
رد: رجاااااااااءً ساعدوني..بتبنى كلب من الخارج
 
اخوي انت تقول انه سعر التذكره 250 $ دولار امريكي صح ؟!
طيب روح اشتر ب250 كلب من بلدكم اريح لك واحسن لك بدال تتعب وتتوهق
الله يوفقك

المحامي 28-05-2009 07:03 AM
رد: رجاااااااااءً ساعدوني..بتبنى كلب من الخارج
 
اخوي الكلاسيكي شكراً على مشاركتك و النصيحة الي قدمتها .. كلامك صح مليون بالمئة بعض البلدان تسمح بفصائل معينة ، بس حسب خبرتي و من الي اشوفه ان عندنا في البحرين مافي تشديد وايد من هالناحية يعني تقدر تقول ان معظم الانواع مقبولة عندنا بسبب وجود عدد كبير من الاجانب الي عايشين في البحرين .. بس عشان اكون مطمن راح استفسر اكثر .

المحامي 28-05-2009 07:07 AM
رد: رجاااااااااءً ساعدوني..بتبنى كلب من الخارج
 
اقتباس:
المشاركة الأصلية كتبت بواسطة عاشق الروت وايلر (المشاركة 891022)
اخوي انت تقول انه سعر التذكره 250 $ دولار امريكي صح ؟!
طيب روح اشتر ب250 كلب من بلدكم اريح لك واحسن لك بدال تتعب وتتوهق
الله يوفقك
ثانكس اخوي عاشق الروت على مشاركتك .. كلامك منطقي بس المشكلة ان عندنا في البحرين اغلب الانواع الموجودة اهي انواع كلاب الحراسة مثل الروت و البيتبول و الجيرمن و انه مابي كلب حراسة .. على العموم اذا ماصار نصيب و مايبت الكلب من بره مافي الا اخذ بنصيحتك و ادور الي ابيه عندنا بالبحرين .... عشان نشجع الصناعة الوطنية :p:p:p


جميع الأوقات بتوقيت GMT +3. الساعة الآن 08:26 PM.
الصفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو