منتديات تو زوو - أمر مضحك....بس أستغربت منه

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - أمر مضحك....بس أستغربت منه (http://www.2zoo.com/vb/showthread.php?t=107652)

أمر مضحك....بس أستغربت منه

حصل لي موقف مع الكاسكوو
أستغربت منه

كنت قاعد أعد موضوع للمنتدى وقلت حق بنتي اتصور الكاسكو وأشرح لها
كاسكوي يموت بشئ أسمه كتف يحب يقعد على كتفي وهذا الموضوع ألي كنت بكتبه انشاء الله

كنت أكلم بنتي
وهو قاعد يصعد إلى كتفي ويحاول

http://www2.0zz0.com/2009/06/16/10/286864280.jpg

و ماهو قادر ويحاول ويحاول ومصر ألا بيصعد
وهو يحاول يصعد عض كتفي :eek:

لا شعوريا رميت نفسي للخلف فجأه
قعدت أضحك أنا والبنت على الموقف وشصار ما صار

أي
الحين قاعدين أندور الكاسكو :confused: ما أحنا لاقينه!!!!!!!!!!!!
قمت أدوره حصلته خلف طاولة التقديم كان يطالع فينا طول المده ألي طافت وأحنا مو ملاحظينه

وجيت كالعاده أمد أيدي وأأشرله :) أركب حبيب
وهو يطالعني
أركب حبيب!!!!!!!حبيب
أتصدقون طنشني والله طنشني نقدت على نفسي
وخر عن أيدي ومشى رايح صوب القفص

جيته مره ثانيه ونفس الحركه ما يطالعني
امد أيدي يوخر عنها ويكمل طريقه

حاولت بنتي معاه نفس الحركه :eek: ماعبر أحد

ومسرع ضحكني يوخر عنا شلون اللاعب ألي يعدي الاعبين يبتون بينهم جذي

من الدوانيه لما القفص بتوينات بينا وأحنا أنطالعه ونضحك والله ضحكنا عليه ضحك :D :D على الحركه ألي سواها
و أنا أضحك وبنفس الوقت مستغرب
شلون هالطير عنده هالردة الفعل يزعل ويشره علي
والله راكب القفص أعطي ألأكل ألي يحبه ....لاتفكر...... أمد أيدي ....لاتحاول

أصدقون
أرضاوته
أنه يصعد المكان ألي طاح منه ويالله ردة العلاقه مره ثانيه

والله أنا أقول ترى الطيور وكل الحيوانات لها أحاسيس شعرنا بهذا الشئ أم لم نشعر لازم ما نؤذيها
ودينا أمرنا بالرفق حتى بالذبح ((القتل))
فما بالك بالي محبوس عندك وأعتماده بعد رب العالمين على مربيه

بس
الحمدالله

الحمدالله

الحمدالله أنه مو زوجتي