|
قطوي مريض و مب عارفه وش مرضه !!
السلام عليكم ورحمة الله وبركاته كيفكم وشو اخباركم وحشتوووووووووني المهم ادخل في الموضوع على طوول قطوتي كيتي حملت و ولدت وجابت 3 كيتينز حلووين الحين اعمارهم شهر و 18 يوم ... 2 ما شاء الله صحتهم حلوه .. الثالث مريض و نحيف و مب عارفه شفيه .. انا بقول لكم الأعراض اللي عنده و كلام الدكتور ... الأعراض : 1- عنده امساك ويتألم لما يتبرز " أكرمكم الله ". 2- بطنه منفووووخ و قاسي مع انه نحيف . 3- طوووووووول وقته يصيح بصوت جدا عالي لدرجة ان صوته صار مبحوح ... ينام 5 دقايق و يصحى يصيح و يجلس على هالحال طول الليل و النهار قطع قلبي . 4- كل فتره وفتره يطلع لسانه و يرجعها . 5- لما ينام او يجلس ما يرحي عضلاته دايم متكوم على نفسه و احيانا ما يقدر يمشي . 6- خوااااااااااف يرتاع من اي شي حتى لو حركه بسيطه او صوت . 7- ما يلعب كثير مع اخوانه . 8- ما عنده توازن يعني وهو يمشي يطيح . كلام الدكتور : الدكتور حطه في الارض و شافه و هو يمشي و بعدها مسك بطنه ... و قال لي .. للأسف ما رح يعيش ... عنده عيب خلقي في المعده ... و اعطاني قطره قال اعطيه مره في اليوم .. وقال لي اعطيه دراي فود من رويال كانون و اخلطه مع حليب السعوديه و بس . بليييييييييييييييز اللي مرت عليه مثل هالحاله لا يبخل علي بأي شي ممكن يساعده و اللي يعرف دكتور شاطر او عياده زينه في جده يرسل لي اسمها او رقمها عالخاص آسفه على الاطاله و شكرا مقدما |
رد: قطوي مريض و مب عارفه وش مرضه !!
أنتيي شو عطيتهم من الاكل :)
|
رد: قطوي مريض و مب عارفه وش مرضه !!
يـوووووووهـ خيييييتـوو :( ..
طوويب الأمسآآكـ لهـ علاآج .. الأنتفاخآت الي بالبطـن يممـكن ديدآآن .. !! االلسآآن ..يعني انهـ عطشآن كثري لهـ موويه .. ولا تعطيهـ أكل كثير خلي بطنهـ فآآضييه وعطيه موويهـ على اسآسس الأمسآكـ يخف . . |
رد: قطوي مريض و مب عارفه وش مرضه !!
يا قلبي رحمته..:(
شوفي موضوع عاشقة الفراشات بخصوص الامساك وعلاجه.. وبخصوص البطن..شيلي عنه الدراي فود..وحطي له حليب قليل الدسم.. أو لبن منزوع الدسم..حتى يلين بطنه.. وبخصوص لسانه .. اما ان المكان اللي فيه حار..مش مكيف.. أو مثل ماقالت بنكي..عطشان..واذا كان مايشرب مع اخوانه.. جيبي له سرنجه (الابرة مالت الدواء..بس شيلي الابرة ان كانت موجوده) وحطي فيها قطعه لينه مثل سدادة اطارات السيكل..وجلسي شربيه بالراحه.. وبالنسبه للخوف..كل مرة تمرين عليه مسحي على راسه.. راح يهدي من روعه اشوي.. وحطيه بحضنك ومسحي عليه..وكلميه بصوت خفييييييف..مع ان هالنقطه ممكن تكون غريبه.. الا ان القطط ترتاح للصوت الخافت واللطيف..:o وبالنسبه للعب..مثل ماقلت لك..خليه يتطمن للبيئه اللي هو فيها..وبتشوفينه يلعب ان شاء الله:) وبالنسبه انه يمشي ويطيح..عندي سؤال..هو يرضع من امه كفايته..؟ ولا يرضع اشوي و لا ياخذ كفايته..؟ اذا كان كذا شربيه انتي حليب قليل الدسم.. او اشتري له حليب مخصص للكيتنز بمحلات الحيوانات..لأنه ممكن مناعته قليله اذا ماكان يشرب كفايته من امه..:( وترضعينه بنفس طريقة الماي.. واتمنى يطيب في اسرع وقت..:o |
رد: قطوي مريض و مب عارفه وش مرضه !!
طيــــب أختـــي هذا الرابط حتلاقي فيهـ اللي يشفيهـ
إن شااءالله يفيدك http://www.2zoo.com/vb/showthread.php?t=109639 وجربي خذيه لبيطري ثاني |
رد: قطوي مريض و مب عارفه وش مرضه !!
اقتباس:
وجربي بيطري ثاني .. وممكن يكون معه امساك ولا ديدان الله العالم .. بس انا سارت لواحد من اصحابي مرا مثل كذا مع قطته .. وطلب نصيحتي واني اكشف عليه .. والي اتضح لي شيء عجيب ومحد يمكن يصدق .. القطه شعرها طويل ولما توسخ كانت ماتنضف زين وسارت عنها انسداد مع الشعر .. وتقفلة فتحت الشرج .. قمت بـ اخذت خرطوش الماء مع فوطة نظيفة .. وقمت بتنظيفها وبعد ذلك ادخلت القليل من الماء في داخلها .. وخلال ثواني .. ومجرد ما ابعدت يدي عنها قامت بقضاء حاجتها وذهب الأمساك عنها .. سبحانه الله .. فا يعني يا اختي لا تتكلين على كلام شخص واحد واتمنى .. انك تذهبي لتقابلي كذا دكتور .. |
رد: قطوي مريض و مب عارفه وش مرضه !!
منوره قلبو .. طيب هل هو يرضع بس ؟؟ أو ياكل شي ثاني ؟! هل يخرج من نفسه أو بمساعدة أمه ؟! جربتي تعطينه كم قطره زيت زيتون ؟! أحتمال كلام البيطري صح لو فعلاً ماياكل ومعتمد على حليب أمه .. ياحياتي عليه يعاااني ،، :( أن شاءالله لو أحد من جده يفيدك ،، بس فيه واحد مرره شاااطر وأتعامل معه هنا بالشرقيه عندنا ممكن أعطيك رقمه تستشيرينه بحالة القطو .. وطمنينا عليه .. |
رد: قطوي مريض و مب عارفه وش مرضه !!
مسسسكين :( والله ممكن كلام البيطري صحيح كل شي جايز .. بس تيب انتي خذي بالسرنجه شربيه شويه زيت زيتون .. بيلين معدته ان شاءالله وبيقدر يخررج واقطعي الدراي فود عنه حاليا .. اعطيه من زيت الزيتون ودجاج مفروم مع المرقه حقته مع حليب الأم و دايما خليه يرضع من أمه .. لان سبحان الله حليب الام يحتوي على كثير فيتامينات تفيييدهم وأعطيه مضاد حيوي يومياا .. مثل بيتاموكس او دوكسيسيروب وكلمي بيطري ثاني او روحي لبيطري ثاني .. لا تعتمدين على كلام بيطري وااحد والله يشفيـــــــه ياااربي .. قطع قلللبي .. كان عندي قطو بس جاه التهاب بعينه وصار طول اليوم يصييييح .. من جد يعووور القلب :( طمنينا عنه فديتج |
رد: قطوي مريض و مب عارفه وش مرضه !!
إذا إنتي من جدهـ
فلا تروحي عند فيفـــا الدكتوور مو كويس روحي العيادات البريطانيه ممتازه جدا وفي محل ثااني بس تعطيه وصف المرض يقلك أيش هو هو في مول بكارول مول وفي كثير إذا تبي قولي وإن شااء الله يتعاافي |
رد: قطوي مريض و مب عارفه وش مرضه !!
Octopus pinky Luis عاشقة الفراشات الكلاسيكي آنو سي سي مون تسلمون على اهتمامكم و ردودكم ربي يجزيكم جنة الفردوس الدكتور اللي قلت لكم عنه شاطر وفاهم و العيادة اللي يشتغل فيها تعتبر من افضل العيادات في جده وما اظن بلاقي دكتور افضل منه الحمدلله راح الامساك و صار" يتبرز " اكرمكم الله بس احسه يوم يطيب و يوم يرجع أسوأ من اول سي سي مون تقولين اعطيه دجاج ماقدر لأنه لما يآكل يتعب مررررره وربي يحزن يبي يآكل بس اخاف يزيد عليه الألم هو يرضع بس مو كثير اصلا امه ماتهتم فيه و مهملته لما يجي يرضع تقوم مع انها ترضع اخوانه صرت اعطيه حليب مخفف و لما يخف شوي من الصياح اعطيه دراي فود مع حليب انا قلبي متقطع عليه لأنه يصيح بطريقة غريبه وتحزن ربي يعين و يشفيه ان شاء الله |
| جميع الأوقات بتوقيت GMT +3. الساعة الآن 01:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو