|
وين ألقى فروخ كاسكو أعمار صغيرة أيام أو أسابيع
السلام عليكم وين ألقى فروخ كاسكو أعمار صغيرة أيام أو أسابيع يعني تغذيتها عن طريق اليد . اللي يعرف يا ليت يدلني ... تحياتي ... |
رد: وين ألقى فروخ كاسكو أعمار صغيرة أيام أو أسابيع
السلام عليكم ورحمة الله
أنا ما اشجعك نهائياً هذي الفترة من العمر صعبة جداً ولاأظن تجد من يبيعك هذه الفراخ بهذا السن اقتباس:
|
رد: وين ألقى فروخ كاسكو أعمار صغيرة أيام أو أسابيع
"مجرد علامة";992231]السلام عليكم ورحمة الله أنا ما اشجعك نهائياً هذي الفترة من العمر صعبة جداً ولاأظن تجد من يبيعك هذه الفراخ بهذا السن شكراً أخوي ( مجرد علامة ) وأنا والله عارف إن تربية أي طير وهو فرخ صعبة جداً جداً ومرهقة ومهيب مضمونه .. وبأي وقت يمكن يموت الطير .. وخاصةً الكاسكو وما شابهه من الطيور الناطقة . بس أنا بغيته مجرد هواية وتضييع وقت ... وفي نفس الوقت جميل جداً إنك تربي طير وهو صغير . تحياتي لك .. ولاهنت على النصحية . |
رد: وين ألقى فروخ كاسكو أعمار صغيرة أيام أو أسابيع
الله يوفقك وييسر أمرك
انا حبيت اني اوفر عليك معاناة فقدان الطير او ان تتسبب له بحروق الحوصلة او التهابات او عادات غذائية سيئة بسبب الفطام كل هالأشياء توفرها على نفسك بشراء طير صغير ومفطوم بنفس الوقت وترى خطأ حكاية ان الطير اللي بتفطمه بنفسك بيكون طائر افضل وفالك البيرق :) يارب عفوك |
رد: وين ألقى فروخ كاسكو أعمار صغيرة أيام أو أسابيع
الفروخ الي من انتاج البلد تقدر تحصلها وهي مو مفطومه
وبالتوفيـق |
رد: وين ألقى فروخ كاسكو أعمار صغيرة أيام أو أسابيع
ياغالي .. شوف اذا ماعندك وقت فراغ
ابعد عن الفروخ بتاتا لانها محتاجها عناية واهتمام بالتغذيه انا عندي الان كاسكو ماخذه وعمره شهرين انتاج محلي والى الان ينغر .. فلازم تكون منظم وقتك والاهم يكون عندك وقت للاهتمام فيه[/ والاهم انك صعب تحصل عليه في عمر اسابيع اوايام.. لان الطير في هالوقت محتاج عنايه شديده وحضانات .. والطير مايؤخذ من امه الا بعد اكماله لاسبوعين عمر شهر ونص شهرين معقوله اما بها العمر صعب |
رد: وين ألقى فروخ كاسكو أعمار صغيرة أيام أو أسابيع
خوفتو الرجال على غير سنع كل انسان وقدراته ياناس يقولكم هوايه وتضيع وقت يعني فاضي للطير المفروض نشجعه الله يكتب لك الصالح وتلقى مبتغاك
|
رد: وين ألقى فروخ كاسكو أعمار صغيرة أيام أو أسابيع
مرحبا بكم جميعا الاخ فارس مجهول انت تقول انك اشتريت فرخ انتاج محليا فياريت تعطينا رأيك بك صراحه فيه من جميع النواحي سواء الصحه او الشكل او التدريب وكل الامور . اما من ناحيه التغذيه فهذا شئ طبيعي اي مخلوق وخاصه عندما يكون صغير يحتاج الى عنايه اكثر لمده معينه حتى الانسان فأنت تتعامل مع روح وليس مع جهاز بأمكانك تخزينه .
ملحوظه : طائر الاخ فارس مجهول مسحوب من امه وعمره خمسه ايام ويوجد صوره له بذلك وياريت يتكرم ويضع صور الطير الذي عنده الان وقدا بدأ في الطيران وهو بصحه جيده فأين مصدر الخوف . |
رد: وين ألقى فروخ كاسكو أعمار صغيرة أيام أو أسابيع
اقتباس:
المواقع الأجنبية وهي تبع ناس غير مسلمين تحذر وبشدة من شراء فراخ " غير مفطومة " وكلما جيت موقع للبيع يقول لك "ملاحظة : نحن لانبيع طيور غير مفطومة " هذا وهم ناس لاملة ولامذهب كيف عاد حنا يالمسلمين ، الموضوع ياخي الحبيب اكبر من مجرد تسلية اقرأ مواضيع وفيات الطيور بالموقع اغلبها فروخ ورح شف اليوتيوب وشف شلون اطعام الفروخ الشغلة ماهي خذني جيتك وتذكر الأحاديث الشريفة تحكي لنا شلون دخلت النار امرأة بسبب هرة وكيف دخلت الجنة مومس سقت كلب وهذي مجرد نصيحة من اخ لك يعلم الله مابي لك الا الخير ولا أريد تخويفك "على غير سنع" الله يرضى عليك تقدر تلقى فروخ مفطومة وعمرها صغير 6 او 7 شهور وربي يوفقك يارب عفوك |
رد: وين ألقى فروخ كاسكو أعمار صغيرة أيام أو أسابيع
انا انصحك تأخذ واحد توه مفطوم .. ! ..
بحكم تجربتي اشوف ان فروخ الكاسكو حساسه جداً .. وومكن تموت في أي وقت . . |
| جميع الأوقات بتوقيت GMT +3. الساعة الآن 03:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو