منتديات تو زوو - مرحلة الفطام مع تويتي .. + مشكلة !

منتديات تو زوو (http://www.2zoo.com/vb/index.php)

- قسم هواة الكروان ( الكوكاتيل ) (http://www.2zoo.com/vb/forumdisplay.php?f=61)

- - مرحلة الفطام مع تويتي .. + مشكلة ! (http://www.2zoo.com/vb/showthread.php?t=115637)

مرحلة الفطام مع تويتي .. + مشكلة !

بسم الله الرحمن الرحيم
السلام عليكم ورحمة الله و بركاته ..

نزلت موضوع قبل عن تويتي ..
و شفتوه ماشاء الله .. طبعا هو للحين مافطم ..

عمره شهر و اربعه ايام ..:D ماشاء الله

انا ابيه يفطم على بدايه رمضان كذا ان شاء الله ..
يعني قدامه تقريبا اسبوع و نص ..
مدري تكفيه يفطم فيها ولا لا ؟

امس رحت شريت له قفص بـ 49 ريال
و فيتامينات و حبوب مخلطة بـ 22 ريال
<< بالله شوفوا لي الاسعار حلوة ولا غاليه ؟؟:D

امس انواع الصياح و التجعير و التصفير العالي ..
بس عشان اول مره يدخل فيها قفص .. ؟
هذا شي طبيعي ولا لا ؟؟

انا خفت و طلعته شوي و دخلته القفص و صرت العب معاه و خليته يكمل صياح :p

اليوم ماشاء الله صار يطلع على العصا اللي بالقفص بس اول مايوقف يرجع يطيح ..

و أخرت عليه السيرلاك .. ولاحظت انه ماشاء الله تبارك الله ..
صار يشرب مويه بنفسه:eek: .. ماشاء الله تبارك الله ..

والله من جد فرحت و خفت بنفس الوقت .. خفت انه ممكن يشرب خطا او شي ..
و انه صار يكثر من الموية و ما اعرف هو شي مضر ولا لا ؟؟ :(
قمت شلت المويه عنه و صار ياخذ من الحبوب و يرمي .. شكله قاعد يستكشف ..:p
بس قاعده افكر اني بس احطله حب شمسي اخاف يشرق بالحبوب الصغيره ..؟:eek::confused::confused:
لاقدر الله يعني ؟؟
يعني قد فرخ شرق فيها ولا لا ؟؟

بس ماشاء الله عليه اليوم يصفر و عادي ..
و شوي راح اعطيه السيرلاك ان شاء الله ..

اللحين ابس اعرف هل انا اخفف في الوجبات عشان يفطم بسررعه او اني ااخرها له و اخليها نفس العدد ..

يعني انا احياان اذا اكل ابرتين اعطيه 4 وجبات
و اذا اكل ابرتين ونص او ثلاث اخليله 3 وجبات باليوم ..

و احيان اعطيه وجبه الصبح و ترووح علي نومه و ما ااككله الا متأخر ..
<< عشان كذا ابي افطمه .. ابيه يعتمد على نفسه لأنه اتعبني بصراحه بحكاية الاكل ..:(

و بس نجي للمشكلة

تويتي ماشاء الله عليه مرره حركي .. و اذا اكل مايحب احد يمسح له الا بالقوة ..
ولا اقعد اضحك عليه امسح على راسه بيدي و اليد الثانيه امسح منقاره ..
و احيان ااكله ابره و احط الابره قدامه و امسكه امسحه عشان يثبت :D
و بعدها اعطيه الابره الثانيه.
لكن المشكلة بعد ماصار يتعلم يطير صار يتفلت مني .. و يعض المنديل احيان و احيان عادي يخليني امسح له ..
المهم
هو لما تشوفوه تحسوو ان ريشه كامل ماشاء الله ..

بس لما يرفع راسه تلقو رقبته ماطلع فيها ريش لسى .. عاد نزلت نقطة سيرلاك ع الجلد .. و نشفت و لا هي راضيه تطلع و هو بس يشد فيها و اخاف تجرحه :(

طبعا جبت له مويه دافيه في منديل و عصرته .. و مانفع لأن السيرلاك نشف..
و حاولت بالزيت زيتون .. و بلع نصه:D

و نفس الشي عند منقاره الريش اللي حول المنقار ..
اللحين امكن نتف له 3 ريشات صغار :( .. !
و أحس انه يتألم .. و مابقيت شي الا وسويته .. :(
و اخاف احطله كريم ولا شي يتسمم:D..!!!

ابي اعرف احد قد مر بحاله زي كذا .. و كيف عالجها ولا تركها للطير ..؟؟ و اذا عالجها وش سواا ؟

افيدوني الله يجزاااكم الجنه .. هذا اول فرخ لي:(

و الصور ان شاء الله انزلها باقرب وقت .. ان فضيت :)