|
عضو جديد و يبي مساعدتكم بهامستر
السلام عليكم
ممكن اماكن بيع الهامستر في البحرين وكم اسعار الجوز و هامستر الواحد وكم سعر القفص البلاستيكي وشكرا مقدماً |
رد: عضو جديد و يبي مساعدتكم بهامستر
مرحباً بك في تو زوووو .. والشهر عليك مبااارك منوور أخوي .. وإن شاء الله أخوانا اللي من البحرين يفيدونك :o |
رد: عضو جديد و يبي مساعدتكم بهامستر
بالنسبة للهامستر سعر الروسي القزم 3 دينار ويرتفع السعر الى 4 خصوصا هالفترة لانه مو موسمها ، اما السوري او الجولدن سعره تقريبا 5 الى 6 دينار .
اشهر محل يبيع هامستر هو مركز الحيوانات الاليفة ومشهور باسم راعيه " عزام " يصير بعد جدحفص بعد مجمع الهاشمي وبعد معارض السيارات في نفس الصفة نفس المزرعة على الشارع تصير . وتحصل في محلات اخرى في جدعلي مثلا بس مودايما موجود يعني عليك بعزام . انا خذت من عزام زوجين وماشالله منتجين عندي 2 بعمر شهر و10 ايام و5 بعمر 10 ايام . |
رد: عضو جديد و يبي مساعدتكم بهامستر
مشكوور اخوي وماقصرت ومبارك عليك الشهر mr lion وكم سعر القفص البلاستيكي
|
رد: عضو جديد و يبي مساعدتكم بهامستر
الاقفاص اسعارها متنوعة المحل اللي قلت لك عنه " عزام " اسعاره فوق شوي ، وفي محل اسماك زينه في شارع جدعلي عنده اقفاص هامستر خذت منه قفص قبل شهرين شكله حلو والوانه جذابه ومو كبير وايد حتى تدور له مكان مناسب وسعره رخيص على ما اذكر 6 ونص او 7 دينار والقفص في عجلة ومشربة ماي ونفقين ويتكون من 3 طوابق .
|
رد: عضو جديد و يبي مساعدتكم بهامستر
اخوي تكفى قلنا الاسعار بالدولار حتى احنا بنعرف ...
يا حظكم الروسي ارخص من السوري... |
رد: عضو جديد و يبي مساعدتكم بهامستر
شكراً لك ولد_البحرين على الإفاده :)
و 3 د.ب يساوي 7.9 دولار حاليا :) |
رد: عضو جديد و يبي مساعدتكم بهامستر
شكرا مشرفتي
|
رد: عضو جديد و يبي مساعدتكم بهامستر
[ ..بـ ـسـ ـمـه تـ ـعـ ـالى.. ] [ ..الـ ـسـ ـلام عـلـ ـيـ ـكم ورحـ ـمـ ـة الله وبـركـاته.. ] مشكووور أخوي ولد البحرين على المعلومات إنزين أخوي بالنسبة لعزام.. هل الروسي القزم متوفر عنده بشكل مستمر؟؟ أنا دليت المكان بس يبيله مشوار أخاف أروح ومافي :\ وبالنسبة للمحل اللي بجدعلي.. ممكن إذا ماعليك أمر تعطيني إسمه أو مكانه يصير عند وين تقريبا؟؟ وفيه أشكال من الاقفاص الأسلاك والبلاستيك ولا بس نوع واحد؟؟ والسمووحة [ ..مـع ألـف سـلامـة.. ] |
رد: عضو جديد و يبي مساعدتكم بهامستر
Miss lexus girl
مرحبا اختي شوفي عزام ما يكون عنده الروسي إلا في مواسمه يعني اذكر كنت اتردد عنده كذا مره وما كان عنده شي ويقول انه بعد كم شهر راح اييب منهم يعني احتمال الحين عنده او بعد شهر او شهرين ،، بالنسبة للقفص اللي خذته كلهم شكل واحد بس الالوان مختلفة ،، والمحل يصير على شارع جدعلي بعد دوار محلات ديسكفري في روضة علاء الدين تتركينها تحصلين عقبها محل طيور واسماك زينه متلاصقين بعد تتركينهم تمشين جدام بتحصلينه في الصفة على ايدج اليسار اذا كنتي ياية من صوب ديسكفري ويصير ملاصق لمحل مفروشات والمحل محل اسماك زينة اساسا بس عنده هالاقفاص ،، عزام عنده اشكال وانواع وفيها حركات وانفاق بس شوي اسعاره مرتفعة يعني ما تقل عن 16 دينار ،، وعندج محل على شارع البديع ملاصق للعجينة الذهبية في اقفاص حلوة بس ما سألت عن اسعارهم وفي بعد محل في مجمع الدانة يصير مقابل لشاكازولو ملاصق لممر دورات المياه . |
| جميع الأوقات بتوقيت GMT +3. الساعة الآن 05:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو