|
عاجل عندي مشكلة مع الكاسكو حقي
المشكلة هي انو اذا كلمت الكاسكو يرد علي بصرخه قوية وكل مااجلس ادربه على الكلام يصرخ بوجهي مع ان الطير متوالف معي بدرجة قوية وكل مايشوفني يتكلم ويقول اسمه مرعوب انا مسميه مرعوب بس المشكلة موراضي ينطق غير هالكلمة تكفون الطير له عندي 3شهور وموراضي يتعلم مع ان الطير اليف ومايعض وذكي ونشيط جدا مادري ايش الحل
ارجو الافادة من اهل الخبرة الهمام الهمام |
رد: عاجل عندي مشكلة مع الكاسكو حقي
وينكم يااهل الخبرة ساعدوني بهالمشكلة
|
رد: عاجل عندي مشكلة مع الكاسكو حقي
عادي خيو انا الي عندي شاريه صارله الحين خمس شهور
وللحين نفسك ما ينطق الا اسمه في حاله شاف الاكل >>>> رشوه يعني :) بس حاليا بدا يقول كلمه ثانيه على شكل تصفير اصبر عليه و انشالله بيتكلم |
رد: عاجل عندي مشكلة مع الكاسكو حقي
كم عمر الطير ؟
وبعدين لازم تنظم برنامج للتعليم والتلقين اولا اعطه وقته الكافي لنوم واذا تقدر تبدأ بالتلقين صباحا ً ويفضل يكون جائع طبق الحب في يدك وانت تتكلم يعني تشده لك ،،،، اختر مفردات قصيرة مثل بابا / الو / تعال / الله / الخ ،،،،،،، كرر الطريقه مع كل يوم ربع ساعه او نص ساعه وفي طريقه ثانيه تسجيل صوتك وتسمعه الكلام ويفضل مفردات قصيرة في الصباح او الظهر او العصر ابعتد عن وقت النوم ويكون القفص محجوب الرئيه بحيث انك تترك له مجال للتنفس بالتوفيق |
رد: عاجل عندي مشكلة مع الكاسكو حقي
نفس ما قالك عسولي و أذا حاول يجيب الكلمه كافأه |
رد: عاجل عندي مشكلة مع الكاسكو حقي
طيب ايش تنصحوني ابيعه ولا اصبر عليه الطير تعبني كثير بس موراضي يتعلم مع العلم انه ذكي ونشيط جدا بس ليه ماهو راضي ينطق بالكلام وجربت معه طريقة المسجل باليوم تقريبا 3ساعات او اكثر لكن دون جدوى
|
رد: عاجل عندي مشكلة مع الكاسكو حقي
اصبر عليه شوي والي نطق كلمه ينطق كلمات
بس انت راقبه وش مته يكون مستوعب الكلام يعني متته يبادلك التصفير والانصات وعطه الكلمه طريقه التسجيل كنت اسويها لطيري السابق علماً ان عنده من الكلام الشي الكثير بس للاسف ولا كلمه حفظها ولاحضت مره انه في الوقت الي يكون فيه يردد معاي التصفير والطقطقه اعطيه الكلمه وارددها له ويجيبها معاي ومو ضروري تكون لحالك منفرد انت وياه بمكان خاص يعني في اي وقت وفي اي مكان وانشاءالله يردد وراك |
رد: عاجل عندي مشكلة مع الكاسكو حقي
التدريب لابد يكون في وقت تكون نفسيه الببغاء ممتازه ولا شرط 3 ساعااات ,,
ممكن تكررها له 5 دقايق ونفسيته عدله ويرددها ثاني يوم. |
رد: عاجل عندي مشكلة مع الكاسكو حقي
أخوي أصبر عليه شكل مواصفاته حليوه ومو أكيد أنك بتلاقي نفس المواصفات في الايام هذي
لاكن الببغاوات تحتاج صبر ولاتنسى أنه حيوان مو أنسان بيتكلم كل الي تبيه ،، وبعدين 3 ساعات صعبه ممكن يستحمل ثلث ساعه لاكن 3 كثير واجد عليه حاول معاه كل صبح ومغرب وقبل ماينام بمعدل 10 دقايق في كل فتره بترديد كلمه وحده مثل بابا وأنتظر النتيجه ولاتيأس حتى لو أخذ الموضوع أكثر من أسبوع الببغاوات في أول الكلمات لها تاخذ وقت وبعدين تصير تتعلم بسرعه،، |
رد: عاجل عندي مشكلة مع الكاسكو حقي
شاكر لكم حسن تعاونكم وردودكم منتدى ولااروع
|
| جميع الأوقات بتوقيت GMT +3. الساعة الآن 10:03 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو