|
وين ألاقي البيطري في جدة
السلام عليكم ورحمة الله وبركاته :) حابه اخد قطي للبيطري عشان التطعيمات وعندي مليون سؤال براسي :angry: بس ما اعرف المحلات اللي فيها بيطري :confused: بعرف الامازون وما بعرف اذا عندهم بيطري وللا لأ :confused: وبعرف عالم الحيوان اللي جنب البيك بس مابعرف عندهم بيطري وللا لأ :confused: دول المحلين اللي اعرفهم :eek: مابعرف إذا في محلات تانيه ووين ياريت ترشدوني أي محل أروح وياريت رقم المحل عشان لا سمح الله لو قطي احتاج عنايه أو عندي اسإله يسير اتصل بدال ما اروح . بالعربي أتمنى تساعدوني . :shy: |
رد: وين ألاقي البيطري في جدة
اهليــن وسهليـن ..
انا مو من سكان جده لكن وحسب علمي ان اي محل حيوانات كبير مثل فيفا والامازون لازم يكون عندهم بيطري ! |
رد: وين ألاقي البيطري في جدة
إن شاء الله يكون في بالامازون بس محتاجه رقمهم لأنو ضاع مني ):
ياريت أحد يفيدني |
رد: وين ألاقي البيطري في جدة
السلام عليكم ،، هذا صورة توضح كامل بيانات العياده العالميه تبع حديقة فيفا ،، وهي تكون خلف فيفا ،، تطلعين من فيفا وتلفين من ورا وتحصلينها ،، طبعا انا رحت طعمت البسه عندي 3 تطعيمات بس لكن ما سويتلها اي اجراء ثاني ،، يعني ما اقدر احكم عليهم بالجوده ،، لكن مشالله عليهم ناس زحمه والمكان حي ،، هذا بشكل عام يعطي انطباع ممتاز للمحل وسمعته ،، لكن بصراحه اسعارهم غاليه شويه ،، انا اطعم برا 3تطعيمات ب 90 ريال ،، وعندهم طعمتها الثلاثه بـ 300 ريال ،، يمكن هناك ادوهم تطعيم لشي معين بدون ادري لاني نسيت واحد منهم لايش ،، عموما اسف على الاطاله اديك المفيد ،، تفضلي : http://www.2zoo.org/get-10-2009-2zoo_org_nv2sdk92.JPG واتمنالك التوفيق |
رد: وين ألاقي البيطري في جدة
أخ عبود سألت ابويا عن المكان بيعرفو بس بيقول غالي كتير
وانا محتاجه مكان بيكون كويس وبنفس الوقت اسعارهم وسط لأنو عندي ستمية حاجه لسا ورايا اشتريها لقطي وشكرا لردكم |
رد: وين ألاقي البيطري في جدة
حبيبتي عندك ( العياده الأوروبيه البيطريه البت كير ) عند القالريه سابقاً, طبعاً التحليه الدكتوره هولنديه ديزي إسمها وممتازه لكن أسعارهم غاليه جداً. أخويا 3body خلي بالك من الفيفا ومن الدكتور حسان بالذات ولاتغرك الزحمه إلي عندهم, حالتهم حاله ولا يعرفوا أي شي ولا عمليات ولا أمراض يعني تجي معاهم كده, ولو تسأل حسان عن أي مرض في البسه, يضيعك في الكلام ويعطيك كُل شي للبسه, يعني مضاد ومرهم لإدنها وحبة ديدان وإبر وكُل داه وهو مايعرف حالة البسه أو مرضها:D ويعمل كُل شي يمكن تصيِب معاه حاجه, ويسير إنه فاهم ويعرف, الحمد لله وخلاص :mad: يعني لايغُرك, ضحاياهم كتير جداً. ربِي مع الجميع |
رد: وين ألاقي البيطري في جدة
شوكرا مها ^_^ جزاكي الله خير
بكم التطعيمات عندهم ؟ علما بأنو قطي عمرو 6 شهور > عريس خخخ |
رد: وين ألاقي البيطري في جدة
اقتباس:
هلا حبيبتي شوفي هي تقريباً 300 لكن أحيان ياخذوه كمان ميه كشف, ماتفهمي ليه :D عموماً تقدري, تتصلي عليهم وتتأكدي وتاخدي موعد يكون أحسن لأن أنا وكُل أهلي محبين القطط :p نروح, وزي مايقولوا ندفع من غير مانناقش, وداه أكيد غلط لكن والله نكون متوترين وخايفين علي بساسنا, فخلاص خدوا إلي تبغوه وخلصونا والحمد لله الدكتوره ثقه بإذن الله, وحنونه وراقيه في تعاملها وداه كفايه :freind: ربِي يوفقك ويخلي لك بالعريس إلي عمره سته شهور:D |
رد: وين ألاقي البيطري في جدة
اقتباس:
شكرا كثير عالتنبيه ،، وانا ما اتعامل مع فيفا اصلا ،، بس مره انحديت لهم واضطريت اروح ،، بس اسعارهم غاليه ،، وبعد ما خلصت من فيفا اتجهت للواحه للحيوانات ،، وفيها اشياء حلوه وتجنن اكسسوارات للقطط كامل المستلزمات ،، طبعا انا بصراحه طلعت من عندهم وانا دافع 600 ريال بس حق مستلزمات لوسي ،، تقريبا ما خليت شي ما اشتريته ،، وعندهم حيوانات كثير وانواع كثير من القطط والكلاب والعصافير بانواعها ،، حصلت عندهم ببغاء بـ 30 الف ،، بس بلعت ريقي ومشيت :D:D طبعا هذا مكانه اذا ماني غلطان عن دوارك الفلك ،، ناسي لاني رحت من فتره طويله وانا مو متواجد في جده حاليا ،، فعشان كذا ما اتعامل معاهم على طول ،،، وتمنياتي لكم بدوام التوفيق |
رد: وين ألاقي البيطري في جدة
اقتباس:
اختي مها باين من كلامك ان الدكتورة شاطرة جدا ممكن طلب تعطيني رقم تلفونها اذا ممكن بصراحة لرقم حد يكون بيفهم فعلا بالقطط ويكون شاطر وانسان امين والله انا هنا بتعامل مع تلات دكاترة واتنين منهم نصابين ماتوا بسببهم قطط الى مايعرفون شئ بالقطط يوصفون المرض ويعطون ابر بدون فهم وبعد نصف ساعة تموت القطة:mad::mad: مش مسامحينهم لانهم قتلوا القطط بغباءهم وعدم فهمهم والان بتعامل مع التالت والتالت مشكوك بامرة يعني مااعرف غيرهم بالمكان اللى انا فية ومنشان هيك برجاء تساعدوني بدكتور او دكتورة من خارج بلدي مو مهم المهم اتعامل معاهم بالطريقة الصحيحة ومايموتوا القطط والله ببكى عليهم كانهم اولادي وماتوا :mad: مع العلم عندي قطط كتير بربيها جميع الانواع ساعدوني الله يخليكم سوري لصاحبة الموضوع والله من غلبي والله يوفقك انتى كمان |
| جميع الأوقات بتوقيت GMT +3. الساعة الآن 10:00 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو