مطلوووب اجابه شافيه
 

السلام عليكم

انا عندي كاسكو ما يحب القفص والمشكله اذا طلعته على الاستاند نزل على الارض

وقعد يدور ويحوووس تقول يدور شي هو حب فضول ولا فراغ ولا حب تمشيه ماادري

الحين انا ابيه يتم على القفص او على الاستاند عشان يراقب ويشوف ويسمع بس هو

الله يهديه ما يحب ومن اطلعه طار ونزل على الارض

احيان يجي عندنا واحنا جالسين ويقعد يلعب ويطلع على الكنب وجذيه يعني

انا من خوفي عليه مابي اعوده كله يتمشى في الصاله لان في اسلاك كهرب او تلفون

ممكن يوصل لها العفريت ويؤذي نفسه

بتقولون بعد هالقصه شنو تبي ادري هههههه

شلون اخليه يتعلق بالقفص والاستاند اكثر وهل اذا الزمته بالدخول للقفص واقفل عليه

يصير مشكله له او عادي

وهل اذا سمحت له ساعتين او ثلاث في اليوم يتمشى وينزل وبعدين ارجعه القفص

هالشي اوكي ما يأثر على نفسيته وعلى تعلمه للكلام ويقلب متوحش

ابي اجابه وافيه من الخبراء اللي يفهمون للكاسكو ابو راس يابس

وصدقوني في خاطري قفص حلووو وسيع وكشخه وينحط فيه العاب بس هو

يوعدني يقر في منطقه القفص ويقعد على الاستاند ويبشر

اسف على الاطاله ولكن كوكي شاغل بالي وابي حلول

تحياتي

رد: مطلوووب اجابه شافيه
 

بجاوبك بحدود خبرتي وإن أخطأت يصححوني الأخوان

تحط له ألعاب كثر وعلق له جرس ومرءاه (أشياء فيها ألوان تشغله ويلعب فيها)
عادي ما عليه إلا العافيه بس زي ما قلت لك حط له ألعب كثير بالقفص


بالعكس شي حلو انك تسمح له ساعتين أو ثلاث باليوم ولكن استغل حبه لهالشي في تدريبه
يعني لا تفتح له باب القفص إلا لما يسوي شي يعجبك يعني خلي خروجه من القفص كمكافئه

وبالنسبه لتعليم الكلام أنا أفضل إنه يكون داخل القفص وقت التدريب على الكلام لأنه في هاللحضه يكون تركيزه عالي ويحاول يلقط اي شي تبي تعلمه

وما بيصير متوحش ان شاء الله


اتمنى أكون أفدتك

وربي يوفقك ويخليلك ببغائك

رد: مطلوووب اجابه شافيه
 

يارب يسلمك ومشكور ما قصرت على النصائح

افكر اخذ له القفص الجديد ادلعه واحط فيه العاب كثيره ومرايه اعلقها على ستاند القفص

لعل وعسى يحب المكان ويثبت فيه

مشكور مره ثانيه وبعد في انتظار رد البقيه عشان اشوف اكثر الحلول

رد: مطلوووب اجابه شافيه
 

انا كان عندي افريقي ما يقعد بس يحوم في البيت
وحطيت له في ارضية الاستاند مرايه سار ما يروح عنها

رد: مطلوووب اجابه شافيه
 

تسلم اخوي وبجرب احط له مرايه

رد: مطلوووب اجابه شافيه