|
وش اسوي اخااف يعضني(الفزعـهـ)
السلام عليكم
الموضوع ومافيه اني اخاف من الغيني يعضني مو اليف مرره يجعر حاولت بكل الطرق اللي بالمنتدى مانفع معاهـ مادري وش السالفه وش اسوووي؟ علشان مايعض تقريباً له خمس او ست ايام عندي |
رد: وش اسوي اخااف يعضني(الفزعـهـ)
ههههههههههههههههههه
ياخي انت عجل وراك؟؟؟ مفروض من اول ما شريته تخليه بالقفص لا تسوي له شئ بس غير الاكل+المويه لا تكلمه ولا شئ اعتبره ضيف عندك لا تلعب معه ولا اي شئ خله اسبوع كامل بعدها ابدى التدريب انت عجل ما شاء الله عليك ههههههههه |
رد: وش اسوي اخااف يعضني(الفزعـهـ)
اخوي خمس او ست ايام مو كافيه
الطير لازم انو يتعود على البيت وعلى اهله وعليك وبعدها ابدأ تدريبه لا تستعجل اخوي |
رد: وش اسوي اخااف يعضني(الفزعـهـ)
خُلق الانسان عجولا
يااخي لسه بدري .. الطير ماله الا 6 ايام عندك خله يتعود عليك وعلى اهل البيت ويتطمن للوضع ثم قرب له وحتى لو عضك .. العض لابد منه وصدقني كل ماخفت من الطير ماراح تستطيع انك تدربه ابدا واحذر انه يصطاد عليك نقطة ضعف فالببغاوات اذكى مما تتصور ..واقصد مثلا تظهر الخوف منه لما تقرب له او تقرب يدك له لانك كل مااضهرت له الخوف كل ماعرف نقطة ضعفك عموما كل المطلوب عليك انك تحقق له الامان خلال الاسبوعين القادمين ولاتكثر القرب منه عشان مايتروع وبعد مايطمئن لك انه مافي أي نية للايذاء راح يتعود عليك بأذن الله ويعطيك الوجه الآخر من الود واللطف والحنان بس اعط الطير فرصه .. :) |
رد: وش اسوي اخااف يعضني(الفزعـهـ)
مشكوريييييييييييين ماقصرتوا
هذا العشم فيكم اعضاء توزوو |
رد: وش اسوي اخااف يعضني(الفزعـهـ)
تصدق بالله طيري سكر ما طيحت معاه الميانه الا بعد شهر والتدريب بعد ثلاثه شهور والحين ما شاء الله يطلع ع الكتف ويلعب معي كأني صديق له فالصبر مطلوب واسمع بنصيحه الاخوان.
|
رد: وش اسوي اخااف يعضني(الفزعـهـ)
فترة تأقلم الطير على المكان أهم شي فيها العنايه بالتغذيه ومراقبة صحته لأن أن كان مريض تقدر ترجعه لصاحبه بهالفتره وأن كنت بتخليه عندك مااا تبدأ معاه التدريب ألا لما تكون صحته زينه ومبرووك عليك الطير |
رد: وش اسوي اخااف يعضني(الفزعـهـ)
<<< الغيني عندي صار له اسبوعين وللحين عصبي ومزاجي
لكن فيه اشياء تقريبا تتلاشى منه :) مثال (( 1قام يجعر خفيف ومو دايم __ 2يطلع على العصـا__توه بدا يطلع على الدس__4 :( للحين يعض )) والصــبر زين .....لكن مع الغيني.... لا تستعجل وتصبر سنتين << هههههه تحياتي لكـ ..فلأأح . , |
رد: وش اسوي اخااف يعضني(الفزعـهـ)
شوف انا زيك كنت مستعجل لو عندي 3اسابيع
والحين كل ما ابى ادربو اقول لا اصبر اسبوع كمان |
رد: وش اسوي اخااف يعضني(الفزعـهـ)
صراحه انا دايم استعجل في كل الامور
وصراحه ثانيه بعد ماجربت العض من الببغاء صرت اكره الاستعجااال <<<مسكين هههههههههههه مشكورين على الردود والنصائح |
| جميع الأوقات بتوقيت GMT +3. الساعة الآن 07:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو