|
ساعدونى عندى طير مينى مكاو وما اعرف له
السلام عليكم هذى اول مرة اكتب بمنتدى وسبب تسجيلى وكتابتى هو انه حصلت على طير هدية وابتلشت فيه وكنت ناوى ابيعه او اطيره بس ما قدرت لان اولادى تعلقوا فيه وقررت اخليه عندى بالبيت مشكلتى انى ما اعرف شى عن الطيور وهذا سبب دخولى المنتدى والحقيقة اكتشفت انه عالم ثانى ولاحظت انكم أتابعون كل صغيره وكبيرة عن الطيور واخبارها .. عموما ... ادعى الله يسعدكم بهذه الهواية الجميله. سؤال : الطير اللى عندى اسمه Hahn's Macaw وبالعربى مينى مكاو هذا اللى فهمته من خلال الصور بالانترنت ولانى ما اعرف كيف ادرج الصوره اللى يبى يعرف شكله يكتب بالقوقل Hahn's Macaw ويشوفه. ابى نصايحكم بالتفصيل الممل ولاتخلون شارده ولا وارده الا وتذكرونها لى ما ابى الطير يموت بسبب عدم خبرتى وقلة معرفتى ولكم جزيل الشكر . هذه اول مشاركه لى وادرى طلبت الكثير لكن ... فعلا انا بحاجه للمعلومات لان اغلب المعلومات بالانقليزى وانا ما افهمها بشكل صحيح للعلم الطير لازال بالقفص واكله حب شمسى وماى وعمره حوالى سنة وصارله عندى بالبيت حوالى 5 ايام والطير وحش كاسر خصوصا اذا اقتربت من القفص ولكم جزيل الشكر |
رد: ساعدونى عندى طير مينى مكاو وما اعرف له
اولا اهلا بك اخوي بينا نورة منتدانا
ثانيا الف مبروك على الطير الجميل اللي ماعرفت انت قدره والله يخلي عيالك اللي تمسكو فيه ولا خلوك اطيره هههههههههه لأنه تحفه فنيه باالبيت ماشاء الله اخوي كثير من الأخوان الجدد في تربية الطيور وخص الببغاوات يقولو نفس كلامك في بدايت المشوار خص لاكان هديه وماااشتراه هو ودفع دم قلبه عليه بختصار يعني ماحس بقيمته مع العلم ان الكثيييييييييييير يتمنون لو طير مريض خخخخخخخخخخخ المهم اخوي انت لاتقلق ولا شي الأمر طبيعي جدا ماعليك الا انك توفر له الاكل والشرب ومكان ثابت لحد ماياخذ على اهل البيت وقفص كبير مناسب لحجمه بحيث انه ياخذ راحته باالحركه وحاول ان الاطفال مايوذونه ابد مثلا حط القفص في الصاله في مكان مرتفع لمدة 10 ايام باالكثير وخله يمخمخ عليكم ويتعرف على عائلة الجديده واحدواحد والطيور بطبيعتها تحب الاطفال وتتفاعل معهم اكثر منا فا سبحان الله وحاول انك تنوع له في الاكل مثل شمس وفواكه خضروا بلح الموجود حطه له ماعدا بعض الاكل المطبوخ وفيه دهون كثير استبعده واهتم في نظافة القفص ولو تفرش ارضيته بورق بستثناء الجرايد لأنها تحمل اسم الله او تضع قليل من الر مل انظف مجرد طبقه بسيطه عشان تمسك براز الطير ومايكون سائل ولاتنسى نظافة المويه تبدلها كل يوم او اذا لاحظت انها تغير لونها من اي شي واما الصراخ والجعير مثل ماقلت اذا تعرف عليكم بيخف ويمكن يختفي الشي هذا واذا هو مو اليف فيه طرق كثير باالمنتدى والاخوان انشاء الله بيعطوك الروابط ولاننسا تقلبات الجو حاليا والبرد لأنها خطر ع الطير حاول توفر له مكان يكون دافي وبعيد عن التيارات البارده وفيه باالمنتدى مايفيدك الكثير بس انت حاول تتصفح وتسأل عن اي شي مو فاهمه والاعضاء بيفيدونك على طول Noble http://www.2zoo.org/get-11-2009-2zoo_org_t6kzmb7g.jpg الازعاج: معتدل الي قليل القدرة على التكلم: معتدل نبذة: لعوب جدا, لديه اسلوبه الخاص عن بقية المكاو في التقليد و الكلام, بسبب حبها للعب تنقضي ساعات و انت تلعب معها بدون ان تدرك Hahn's http://www.2zoo.org/get-11-2009-2zoo_org_y7we2abq.jpg الازعاج: معتدل الي قليل القدرة على التكلم: معتدل نبذة: من صغار حجم المكاو, ذكي الى حد ما, يمكن تدريبه الي التوقع عن فعل تصرفات كا العض وننتظر اضافة الاخوان |
رد: ساعدونى عندى طير مينى مكاو وما اعرف له
الف مبروك الطير ويتربى بعزك،،
اعتقد الاستاذة/بندولة حب افادتك بمعلومات تسقى بماء الذهب. |
رد: ساعدونى عندى طير مينى مكاو وما اعرف له
اقتباس:
اخت بندولة ما قصرتى ولج جزيل الشكر |
رد: ساعدونى عندى طير مينى مكاو وما اعرف له
نفس ما قالت لك بندوله و لا تحاتي مع الوقت البيت راح يتعلقون فيه وراح يستانسون منه و حاليا ألي تسويه نفس ما قالت بندوله ألعنايه وهذا ألأهم للطير بالصحه والتغذيه السليمه والنظافه و خذ جوله كامله بالمنتدى وركز على المواضيع المثبته راح تعطيك معلومات تقدر تستند عليها بتربية هالطير ألف مبروك و حياك الله معانا بالمنتدى |
رد: ساعدونى عندى طير مينى مكاو وما اعرف له
حياك الله اخوي الوزير بالمنتدى بين ربعك واخوانك
الاخت بندولة ماقصرت عطتك نبذة كاملة شامل عن الطير ولا ازيد على ماقالت بس حبيت اضيف من واقع تربيتي للطير هذا ............... هذا الطائر من اروع الطير اللي مرت علي بحياتي لعوب جداً وذكي ودمه خفيف وسريع التعلم وهو حتى لو كان متوحش بسهولة تقدر تولفه اذا تعاملت معه بطريقة متزنة بدون تسرع وبدون خوف شريت هذا الطير وكان شرس جداً وبعد 9 ايام بالضبط صرت احمله على كتفي وعلى يدي وياكل من فمي ولايعض بالنسبة لما ذكرته عن شراسته حول القفص ، صحيح الملاحظ ان هذي الطيور الصغيرة شجاعة جدا وتدافع عن اعشاشها او اقفاصها دفاع مستميت والطير اللي عندي "خضور" مايخاف حتى من الكاسكو الجامبو ولايقدر احد يقرب من قفصه الا بمزاجه http://img166.imageshack.us/img166/7978/hahnsvsgrey.jpg حاول تاكله من ايدك خصوصا التفاح والعنب هو يعشق الفواكه بانواعها ويشرب العصير بعد وهذا موضوع لي عن الهانز مكاو http://www.2zoo.com/vb/showthread.php?t=113143 والله يوفقك |
| جميع الأوقات بتوقيت GMT +3. الساعة الآن 12:20 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو