|
ببغائي مات في 6 ساعات
السلام عليكم كان عندي كاسكو فرخ خمس شهور فجأه بدأ عنده الخمول وبدأ يفقد توازنه وبدا يستفرغ ويسكر عيونه واسهال زي المويه نمت ساعتين صحيت لقيته ميت وطالع من فموه دم
ياليت اللي يعرف السبب بس يخبرني |
رد: ببغائي مات في 6 ساعات
الله اعلم انه البرد ....
هذي مشكلة فروخ الكاسكو الهولندي ..في البرد لاتعيش الا من رحم ربي أو سبب جرثومة قتلت الطير لان الطير في هذا العمر لايوجد لديه مناعة والاولى اعطائه مضادات وفيتامينات وقائية ولكن الحمدلله الله يعوضك خيرر |
رد: ببغائي مات في 6 ساعات
اخوي الله يعوض عليك يارب
وفروخ الكاسكو بكل انواعها نادر ماتعيش لابد توفر الام والاب حتى اللي عندهم معرفه كامله يتجنبو هذا النوع لأنه حساس مع اي لفحة هواء او تغير باالأكل يمرض ع طول وهذا درس استفدت منه عشان ماتتوهق مره ثانيه وتشتري الأفوق السنه |
رد: ببغائي مات في 6 ساعات
الله يعوضك على وصفك إحتمال يكون "حرق الحوصلة" أغلب وفيات الأفراخ بسبب حرق الحوصلة خصوصاً عند المربين اللي ماتعاملوا مع الأفراخ سابقا وربما يكون سبب ثاني لكن اكيد له علاقة بالحوصلة دام فيه دم يخرج من الفم الله يعوضك خير منه يارب عفوك |
رد: ببغائي مات في 6 ساعات
الله يعوضك والفروخ اقل من 4 شهور انا ما انصح المبتدأين بأقتنائها والسبب الموت,,
انا اعرف منتجين ما يبعون الفروخ الا اذا بدايه فطم وتقدر تأكل وتعتمد ع نفسها ,, ومع ذلك انا من هذا المنبر انصح اخواني واخواتي عدم شراء الفروخ في البرد. |
رد: ببغائي مات في 6 ساعات
كلام الاخوان صح
و اصلا الهولندي دائما ضعيف المناعه و انت اخذت واحد صغير بعد الحين اعتبرك اخطيت خطئين في واحد انت مبتدا و اخذت هولندي و صغير و لا تعتبر هذا عتاب بس مجرد تحذير عشان تعرف المرة القادمة كيف تحتار الطير شف انا مثلك مبتدأ بالافريقي لكن الحمد لله اخذت مصيود و صغير و لا احلى منه انا ادري ان المصيود غثيث شوي لكن اذا تعود عليك راح يصير فلللللللله المره الجاية اذا بتشتري خذلك مصيود ارخص . اقوى مناعه و الله يعوضك ان شاء الله |
رد: ببغائي مات في 6 ساعات
اهم شي لم تشتري كاسكو امنه مكان دافي جدأ يعني البرد مستحيل يدخله ............ثاني شي كم عمر الطير؟؟؟؟؟؟؟؟؟
اعتقد افضل عمر للطير من 3 الي 4 شهور حتى تقتنيه |
رد: ببغائي مات في 6 ساعات
:( الله يعوضك
>> بس شكلك نمت عليه :o |
رد: ببغائي مات في 6 ساعات
الله يعوضك أخوي خالد بأحسن منه
وكل طقه بتعليمه |
رد: ببغائي مات في 6 ساعات
عمره يمكن خمس شهور كنت اوكله سيريلاك وذره مسلوقه مو دايم قليل التيارتال هوائية لا بس كان فيه شوي برد بالغرفة
وعلى فكرة كان معقدني يحب يعض كل شي من اسلاك ورق اي شي ينتفه تنتيف والله المسكين ضيق صدري وهو مريض يجي يحط راسة علي ويطلع صوت خفيف واللي قهرني زود كانت الساعة 2ليلاً وماني قادر ويله شي والله قهر |
| جميع الأوقات بتوقيت GMT +3. الساعة الآن 01:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو