|
سؤالي لخبراء المياو والمشرفين قسم المياو
السلام عليكم ورحمة الله وبركاته
شلونك سيداتي آنساتي ساداتي .. اسعدني وسرني اني قسم القطط الجميل ... بيوزراته قبل مواضيعه اخواني و خواتي .. انه احب القطط وشكلها جدا يعجبني لن احب جميع الحيوانات الي تندرج تحت السلاله النمريه والقطط تحت هالسلاله تعتبر عندي سؤالين ياليت تريحني بالإفادة منكم ومن خبرتكم لكن عندي مشكله :( والي أهي الحساسيه الصدر ( الربو ) وكنت دايم لين ابي اربي قطوة يقولون لي تسبب حساسيه فهل فعلن تسبب حساسية ؟؟ .... للعلم اني اربي كلاب وماتحصلي منهم حساسيه وقالوا لي لن الكلاب ماتسبب حساسيه مثل قطاوة سؤالي الثاني هل القط السيامي يسبب حساسيه مثل القط الشيرازي الي فيه كميه شعر اكثر وهل يوجد قط سيامي لونه اسود ولا اهو يأتي لون واحد فقط اللون المتعارف عليه بليز بليز جاوبني مو طنشوني علشان اصير واحد من ربع قسمكم :p واخذلي قطيوه صغيرونه:D |
رد: سؤالي لخبراء المياو والمشرفين قسم المياو
وعليكم السلام و رحمة الله و بركاته
مرحبا فيك اسبانيول في قسم المياو <-- عجبتني .. انا مو خبيرة بالقطط لكن اعرف وايد ناس من المنتدى و برا عندهم ربو أو أهلهم فيهم ربو و عندهم قطط من سنين و عايشين معاهم عادي بدون مشاكل صحية .. أما القطة السيامية فيها ألوان وايد و تدرجاتها .. مثل البني و الازرق و البيج لكن ما فيها اللون الأسود كامل و القطة كل ما كبرت بالسن لونها يقارب للأسود في مناطق معينه مثل و الوجه و الأطراف .. :) |
رد: سؤالي لخبراء المياو والمشرفين قسم المياو
اشدعوووووووووة بس روز راده علي:confused: ... يا ان قسم المياو مافيه خبراء ومشرفين او انهم حساويه :p يبخلون علينا برد:rolleyes:
بس هم ارد واقول روز كفت و وفت ماقصرتي اخيتو على الأجابه الوافيه والكافيه وتسلمين مرة واثنين ودام ان مايسببون حساسية بتوكل على الله عيل انشاءالله احصلل القطوتين الي بالي الأولى تكون شيرازيه لونها اسود سواد الليل وعيونها خضر او واذ مالقيت ابي نفس الي بالصورة سودة فيها طقه بيضه بصدرها وعيونها صفر مثل هذي http://7art-screensavers.com/flowers...-black-cat.jpg والثانيه ابي قطو البرتقالي هذا الاصفر الي مثل بسبوس مال رسوم متحركه ومثل الي يمثل افلام كوميدي http://www.hsus.org/web-files/Cat/ac_281_cat_orange.jpg الي يعرف شلون احصل جذي بلكويت بليز يعلمني كلش توني anew بعالم اقطاوة |
رد: سؤالي لخبراء المياو والمشرفين قسم المياو
اخوي اسبانيول رووووح حق ملجأ باوز: للكاتب قطو كويتي: http://www.2zoo.com/vb/showthread.php?t=13180و دور القطوة اللي تعجبك و تلقا بسوق الحمام بعد و في محل اسمه ماي بوبي بالشعب و انشاااااااااالله تلقا القطوة اللي تعجبك و انشالله افدتك و الباقي على الاعضاء و المشرفين
|
رد: سؤالي لخبراء المياو والمشرفين قسم المياو
ياهلا اخوي : اسبانيول معانا اخ ومربي يديد :) آسف عالتأخير وسامحني لاني لاهي بجامعتي ودراستي :o :o بالنسبه حق اول سؤال مثل ماقالت مشرفتنا وذرد في ناس وايد عندهم حساسيه وربو لكن مع تطعيم القطه مايحوشهم اي شي وعندك اخو العضوه : قطقوطه فيه حساسية صدر اذ انّ قطقوطه عندها قطوة شيرازيه من النوع ا لبكي الفيس يعني تخيل شكثر مربرب شعر .. فانت بس طعم القط ولاتخاف :) وبالنسبه للسؤال الثاني لا مافي اسود بالكامل الا هجينـ .. والصوره القطوه السوده جنها قطوتي العزيزه اتواد ;) ;) يالله عقبال مانشوف اصور قطاوتك والف مبروك مقدما" :D |
رد: سؤالي لخبراء المياو والمشرفين قسم المياو
:D
اقتباس:
مشكوره اختي ماقصرتي يعطيج الف عافيه ... عطيتني معلومه توني اعرفها عن ملجأ باوز .. بس اتوقع ان القطاوة الي فيها كلها او اغلبيتها اقطاوة شارع ..؟ فا مادري استشفيت هالشي من كلمه ملجأ :p اما بخصوص معلومتين معلومه سوق الحمام ومعلومه ماي بوبي بالشعب فا احب افيدج واقولج معلومتين الأولى / ماروح سوق الحمام لن جلاب الي هناك الله بالخير فما بالج القطاوة :D الثانية / محل ماي بوبي بالشعب اكبر نصاب وحرامي شغله كله ايب من تايلند وبعض جلاب الي ايبهم تشوفنيهم صاحين بس فيهم امراض وفايروسات بالدم ... وازيدج من الشعر بيت يروحون سوق اسمه سوق يوم الاحد مثل سوق يوم اليمعه الحمام عندنا ويشترون اجلاب خمطه ابربع وايبونهم اهني ابيعونهم ويقصون على عالم يعطونهم اوراق يقولون لهم بدغري وام وابو الجلب ابطال show ويعطونج طبعا بدغري مزور حجي جمبزه مره ضايق خلقي فا قلت بروح لهم بضحك شوي قلت له ابي جلب من نوع الفلاني جم سعره قال لي مع بدغري ولا بدون قلت له شالفرق (( مسوي روحي غشيم لوول ))وشنو نوع البدغري قال لي البدغري عباره عن تعريف ان ام وابو جلب من سلاله طيبه وانهم ابطال شوو و نوادي عالميه ... قلت له جم فرق السعر قال لي بدون بدغري بــ 300 مع بدغري 350 لووول يعني بالعقل خمسين دينار فرق لا فرق ابشنو يكون جلب له تعريف وبطيخ وامه وابوه ابطال ... ترااا وايد ناس بشعورهم دهن قصوو عليهم لووول:D والمحل الي بالسالميه بعد الي صوب البطه مرحه هذا اصلن شريك لهم بس تهاشوا وكلهم حراميه عاد هذاك مايفهم شي قاص على العالم بس في وحده قايله له ابيك تيب لي جلب بوسكر اسود قال لها انشاءالله ... وراح يايب لها جلب بوكسر سود ...للعلم مستحيل جلب بوكسر يكون اسود .. قص عليها بجلب تهجين بوكسر وشفت البنيه يايه محله مسويه هوشه بعد سنه بعد مايابته من الناس استوعبت انه قص عليها وماكو بوكسر اسود :D فالكلام للكل ديرووو بالكم خلكم اذكى منهم لا بستغفلونكم ;) |
رد: سؤالي لخبراء المياو والمشرفين قسم المياو
اقتباس:
ويالله الله كريم من تربيه جلاب وشراسه الي تربيه اقطاوه وشغل نعومه هههههه اخاف العب ويا القطوه اعورها .... مو تعودت على دفاشه مع جلاب وانشاءالله من عيوني اول ما اطق القطيوه الي ابالي لك علي لا اسوي لها البوم بالمنتدى:p |
رد: سؤالي لخبراء المياو والمشرفين قسم المياو
اقتباس:
المهم من قالك القطاوه ناعمين ؟. لووول عندك قطوتي اتواد تعال شوف ايدي انواع التواقيع القططيه فيها =)) اذا تبي قطو ناعم اخذلك شيرازي هذا صج خامل اما الانواع الباجي حالهم حال الجلابه ولاتنسى القطاوه كائنات مزاجيه يعني يوم رواء ويوم لايحوشك وحياك حبيبي ;) |
رد: سؤالي لخبراء المياو والمشرفين قسم المياو
اي صح يا اخوي سبانيو حتى مرة رحت له في قطوتين صغار سألته جم سعرهم قال لي 70 و80 وللعلم نفسهم بسوق الحمام على 40 ولمن قلت له عنهم قال لي ذيلاك مرضة وفيهم حساسية دان ااشر له كان حاط قطاوة عيونهم مورمة قلت له لا عيل ذيله اللي صاحين طبعا ماكان صاحب المحل كان الهندي ماله وشريكهم المحل اللي اسمه سكوبي دو والدليل انه قبل فترة خليت اخوي يتصل يسألهم عن قطوة طبعا سجلو رقم اخوي عندهم وبعد افتتاح محل سكوبي دو دزو له مسج
|
رد: سؤالي لخبراء المياو والمشرفين قسم المياو
اقتباس:
يكفني شهادتك وشهادت اختي عاشقة الحيوانات واحنا نكون كلمه الحق للي يبي يسمع بالنصيحة اما بخصوص مزاجية القطاوة:D انا بروحي مزاجي عيل بيصير كفخ :p قاعد اسوي سيرج على القطوة طبعي ماحب استعيل نبي شي طيب ;) شاكرك مشرفنا |
| جميع الأوقات بتوقيت GMT +3. الساعة الآن 10:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو