|
اقتراح للاعضاء
شباب الصراحة المنتدى عجيب و الاعضاء اروع امس كنت يالس أفكر "ترى نادرا ما تصيبني هالحالة:) " لا صدق و قلت ترى ليش ما نسوي يوم من ايام السنة خصوصا في الربيع ان الاعضاء كلنا نجتمع في مكان واحد ترى اكثريتنا في الخليج يعني ما يبيلها شي "و طبعا ياليت الكل يجي بس ذكرت الخليج عشان قراب على بعض" و ترى نجهز و نسوي قطية ناخذلنا مكان و الكل يجي ويا كلابه, و وبعد من مربين لحيوانات أخرى "بس خيول صعبة شوي ترى" و الله ترى مب صعبة شباب اهم شي النية و كثير من المنتديات اللي تهتم في الكمبيوترات و الافلام سووها و نجحت معهم و كل سنه يسووها الحين و مشكورين |
رد: اقتراح للاعضاء
DA-HunTER معقولة من امس لحد الحين مافي احد رد على اقتراحك الرائع ؟؟؟؟؟
عارف لييييييييييه لانه اقتراح جميل جداً بس صعب تطبيقه على ارض الواقع بسبب صعوبة دخول او خروج بعض انواع الكلاب من من بعض دول الخليج وإن تم اخراجه كيف ستتم اعادته وبالنسبة لنا في السعودية نسبة 70% من الكلاب غير مسموح بها وموضعة على البلاك لست في الجمارك ومشكور جداً على اقتراحك الذي يدل على طيبتك ورغبتك التعرف بالاعضاء والاجتماع بهم ياطيب القلب |
رد: اقتراح للاعضاء
والله صعب لان لازم انحدد مكان
|
رد: اقتراح للاعضاء
عزوز و جميل الصراحة اشوة حد رد و الله تمنيت انه الموضوع ينحذف و نادم على كتابته :)
و مشكورين يا عزوز و جميل على المشاركة نورتو الموضوع لمظلم:o |
رد: اقتراح للاعضاء
حقيـقة أقتـــراح ممتاز بالنسبـه لكم , بس محـاكيك مستصعبهاً عـ نفســـه ( كســــول ) :)
وأخوي وش دعــوه تتحسـف عـ كتابة الموضـوع , خـلك صبــّور !! الردود بتجيــك لاتستعجـــل :p مقـدرين أهتمـامك وأقتراحـتك |
رد: اقتراح للاعضاء
فكره حلوه اخوي وبلسنه لي انا من الامارات ومستعد من الحين والله اني اكون اول واحد متواجد بس انته حدد المكان وفالك طيب بيب وياي كلبين بتبول وماعندي اي مشكله في خروجهم او دخلوهم الدولة او برع الدولة وانا حاضر
|
رد: اقتراح للاعضاء
والله انها فكره حلوه بس زي ماقال اخوي جميل السعوديه في صعوبه في دخول وخروج الكلاب بس اذا كان في السعوديه بكون الموضوع سهل حتي لو كانت المناطق بعيده عن بعض
اخوكم جاسم 777 |
رد: اقتراح للاعضاء
اذا بالكويت انا مستعد بس بره الكويت صعبه وانشالله تكون بالبحرين اذا بره الكويت لأنها سهالات وصغيره بس اذا السعوديه والأمارات وين احصل المكان ؟
المهم يريت تتأكدون اذا اقدر اسافر ويا جلبي بالسياره ولا الطياره ولا لأ عشان اراجع حساباتي حق الفكره الحلوه وبالكثير اذا ممنوع الله يخلي التهريب عن طريج البحر لووول |
رد: اقتراح للاعضاء
فكره حلوه والله بس يبيلها دراسه وميزانيه كبيره اذا بتسوون بطوله او شي من هالسوالف .
وشكراا |
رد: اقتراح للاعضاء
فكره حلوه واقترح تخلونها بالكويت :× علشان ما ازحف انا هههههههه لالا اتغشمر بس صج صج فكره حلوه انشالله تتنفذ
|
| جميع الأوقات بتوقيت GMT +3. الساعة الآن 12:00 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو