|
ارجو الرد بسرعه حاله طارئه.
بسم الله الرحمن الرحيم
السلام عليكم جميعا اخواني اخواتي انا عندي ببغاء الرمادي الافريقو ومهتم فيه ومدربه واحبه واجد بس اليوم انا بعد ما رجعت من المدرسه نظرت اليه اهو عيون عنده ما يفتحه بس عيون واحده اللي يفتحه انا خفت عليه سبحته ونشفته وصار طبيعي بس دقائق وهوه راجع نفس ما كان وانا خايف عليه لاني احبه وانا من البحرين اذا احد يعرف بيطري في البحرين ارجو منه ارد علي او اذا احد عنده حل ارجو منه ارد عليي. ومشكورين |
رد: ارجو الرد بسرعه حاله طارئه.
وينكم يا ناس قبل ما تزيد حالته واخسره..
|
رد: ارجو الرد بسرعه حاله طارئه.
اخي الكريم البيطري اولاً احتمال بداية مرض في الجهاز التنفسي او معوي اذا كان لديه اسهال ارجو الإسراع الي الطبيب |
رد: ارجو الرد بسرعه حاله طارئه.
السلام
عادي لاتخاف قبل شهرين تقريبا الببغاء اللي عندي لقيتها كده نفس الشئ عيون تفتحها وعيون ل وكنت ماتتحرك كثير وأكلها قليل وديتها البيطري وعطاني وعطاها أبرة يقول مضاد حيوي ودواء كنت أحطه لها في الماء وعصير صاير مثل القطرة أحط لها مرتين في اليوم بعد ماأنظف عيونها بقطنة مع ماء وملح و3 أيام وصارت بخير ورجعت طبيعية. لكن حاليا مو حافظة أسماء الأدوية لأنه مو في البيت بكرة انشاءالله أكتب لك أسمائهم. بس حاليا نظف لها عيونها مرتين في اليوم بماء وملح. وانشاءالله مايصير الا كل خير |
رد: ارجو الرد بسرعه حاله طارئه.
امتنى انك تسرع فان انا احب الببغاء اللي عندي وخايف عليه واااجد
. |
رد: ارجو الرد بسرعه حاله طارئه.
هلا هلا ابولد الديرة البحرين الحبيبة اسمع اخويي روح البيطري الحكومي اللي يصير في لبديع هذا بيطري حكومي والعلاج فيه مجان بس اذا كان محتاج مضاد حيوي (خرخش افلوسك) بس بكون سعر المضاد اذا كان طيرك محتاجه لا يتجاوز الدينار طول الايام فاتح ما عدا الجمعة والسبت مغلق من الساعة 8 الى الساعة 2 اذا ما خاب ظني واذا محتاج اي إحنا اعيال ديره وحده وتحت أمرك مع السلامة |
رد: ارجو الرد بسرعه حاله طارئه.
الاخو ماقصر وياك وتحياتي العنيفه لك وسلملمــــــــــ،،،
|
رد: ارجو الرد بسرعه حاله طارئه.
السلام
آسفة على التأخير في الرد وانشاءالله ماصار شئ في الببغاء حقك. أسماء الأدوية: ( Chevita Gmbh) هذي كبسولات تذوبها في ماء الشرب (Multject IMM) وهذا صاير مثل العصير أو القطرة تحطها في العين بعد ماتنظفها بماء وملح أنا استخدمتهم 3 أيام ورجع كل شئ طبيعي. وياريت تطمنى على ببغائك. |
| جميع الأوقات بتوقيت GMT +3. الساعة الآن 02:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو