|
Please help me ....
السلام عليكم ورحمة الله وبركاته أخواني ببغائي أفريقي رمادي (كاسكو ) أسمه نووور NOOR الطير سليم ما فيه اي مرض وبرازه أكرمكم الله سليم وشهيته للاكل ما شاء الله تبارك الله مفتوحة واليف وله عندي إلى الحين شهر ولاكن الطير فيه مشكلة أنه تقريباً غالب الوقت نعسان يعني اخليه في القفص واناظره من بعيد الاقي الطير ينعس ونافش ريشة والطير ما يصفر لاكن إذا طلعته السطح يصفر شوي ويلعب ودائماً ما يجلس إلا في الزوايا ولا في الاماكن المخفية والمظلمة وعنده العاب في القفص لاكن قليل ما يلعب فيها أرجوكم ساعدوني وش الحل معه؟؟ ووش الالعاب إلي ممكن العب معه فيها عشان اسليه ؟؟ & ولكم خالص شكري وتقديري & |
رد: Please help me ....
اول شي مبروك عليك الطير
ومن كلامك ووصفك له يعني لا غبار عليه وتربى بعزك وتشووفه يسوي لك ازعاج غير طبيعي بالبيت عشان تعرف ان الكاسكو حلاوته في تصفيره وتقليده للاصوات المهم ياغالي طيرك يحتاج لك كثير جدا حاول تهتم فيه وتلعب معاه وطلعه على يدك واكله بيدك هذا كله لا تنسى في خلال الفتره هذي وانت معاه حاول تتكلم معاه وتصفر له وتلعب معاه وتخصص ولو ساعتين بالبدايه تهتم فيه ولا تنسى شي مهم تشمسه في الساعات الاولى من الصباح وتعوده على الاستاند وبعد رح تلاحظ الفرق ان شاءالله ومنتظر منك الرد بعد التجربه خلال ثلاث ايام بالكثير تشوفه تغير كثير وبالتوفيق لك |
رد: Please help me ....
معا الوقت بيتغير شوي شوي،،اهم شي انه طيب،،
|
رد: Please help me ....
احساسي غير ,, سماوي الجبه والله الف شكر لكم على الرد أخوي احساسي غير بالنسبة للطير .. وأنا دائماً اطلعه على يدي وأكله بيدي واحاول الاعبة ومخصصله ما يزيد عن ساعتين وأشمسه وقت العصر وأنا سبق وعودته على الأستاند لاكن بأجرب وأطلعه للشمس وقت الشروق أخوي سماوي الجبه يسمع من بؤك ربنا |
رد: Please help me ....
كلام الاخوان درر إيش صار معاك اخوي ؟ انا نفس الشي معاي هولندي وجالس احاول اعمل نفس الشي ولكن المشكله ماعندي وقت فاضي كثير ربي يوفقك |
رد: Please help me ....
ماقصروا الاخوان .,
أعتقد من الجو البارد ضعه بمكان دافئ أو يكون درجه حرارته معتدله بالتوفيق . |
رد: Please help me ....
وعليكم السلام ورحمة الله وبركاته ألأهم صحته المكان يكون معتدل درجة الحراره و ياخذ وقته بالنوم وأصبر عليه بالنسبه للحركه و ألعب بألألعاب |
رد: Please help me ....
الف شكر لكم أخواني ظهرت النتائج لفائدة باقي الأخوان : 1- أكتشفت شي بالطير أنه متعود أن القفص للنوم ( القفص = نوم ) 2- وعرفت بعد إنه فترة الصباح لازم الاستاند وتفاجأت أنه يصفر وهو عليه 3- البرد( لأني لما وضعته في غرفة دافئة بدون الستاند الطير صار يصفر ) 4- ضوء الصباح وقت الشروق ( تتأخر النتيجة لاكن تشوف فرق في نشاط الطير ) 5- وهذا الشي الصراحة أهم شي صار لي طبعاً انا الطير اليف جداً معي لاكن مع الأهل أحياناً يجعر فقمت بتعريفة على جميع الأهل وهذا ساهم بشكل كبير بحيث أن الطير صاريترك الزوايا والأماكن المظلمة 6- النوم حاول تحدد وقت لنوم الطير ( دائماً ينام فيه ) بالنسبة لي جربت الساعة 8 ليلاً الطير يقوم الصباح نشيط وما يكون معصب ( كالعادة ) وفي النهاية أشكر أخواني الكرام على إفادتهم لي ( جزاكم الله الف خير ) ولمن واجهتهم نفس مشكلتي إن شاء الله تجدون الحل في الرد & ولكم خالص شكري وتقديري & |
رد: Please help me ....
اخوي ++++++++ افحصه عند البيطري وخله يلمس بطنه وعطه علاج الديدان لومافيه شي وقايه وموفق والطير الي عمره صغير يحتاج لنوم كثير وعطه تفاح ((((((((((((((((((((( وانتبه لحبتها لا تكون فيها قطعه بسيطه لا تكثر لان الحبه تموت الطير والبقدونس لا تعطيه)) والباقي كله مسموح فيه ماعدا الشوكولاته وموفق مبروووووووووك عليك الطير
|
| جميع الأوقات بتوقيت GMT +3. الساعة الآن 09:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو