برد الرياض ذبح حمامي ساعدوني
 

السلام عليكم ورحمة الله وبركاته

اخواني اعضاء المنتدى تحيه طيبه

تعلمون بأن مدينة الرياض تتعرض لموجة برد قاسية جدا فلم يسلم حمامي من شدة البرد

وتعرض بعضه للموت علما بأنني اربي حمامي في البر في صندقة خشبية

مكشوفة بشبك من جهة واحدة فقط

اليوم مات تقريبا خمسة وش الحل تكفوووووون ؟

ماذا افعل لكي احصن حمامي ضد البرد

ارجوا من الجميع مساعدتي وله جزيل الشكر

رد: برد الرياض ذبح حمامي ساعدوني
 

اخوي رح لمحلات السباكه او البويه والله ماموب متأكد وقله ابغا شراع بلاستك الشفاف واقي ممتاز للبرد هو
او مطرحه او اي شي حط لهم موأقت

بتوفيق ,,,

رد: برد الرياض ذبح حمامي ساعدوني
 

وزع لمبات من نوع UV والشي الثاني حاول تغطي ثلاث جهات بخشب او عازل حراري مثل الطربال البلاستيكي او الي يستخدمونه اصحاب المشاتل الزراعية

رد: برد الرياض ذبح حمامي ساعدوني
 

اخوي اول شي اللى اتوقعة ان الحمام اللى مات صغير اذا كان كذا فهذا امر طبيعي

لكن ان كان كبير مصيبة والله

على العموم سكر الجهات الاربعة بشراع الازرق او حط علية رول بلاستيك

والله يعيدي هالبراد على خير

رد: برد الرياض ذبح حمامي ساعدوني
 

ربي يعوضك أخوي ..

أنا أمس شريت شراع ( قماش وسط ) 3 * 4 بـ 55 ريال ، هذا عندنا بالقصيم ، وأكيد راح يكون عندكم أرخص ..

ولا تشيل هم ، وإن ما حصل لك إلا شراع واحد فاحرص على تغطية الجهة الشمالية تماما ..

وعسى ربي يوفقك ..

واللي أثر على الحمام ليس البرد ، فالحمام يتحمل بحمد لله ، ولكن رجعت البرد كذا فجأة بقوة لعلها هي السبب ..

أكتب لك يالغالي من القصيم والدرجة عندنا بوسط الديرة 4 !

موفق ..

رد: برد الرياض ذبح حمامي ساعدوني
 

اخوي في طربال ازرق حطه لهم دبل اوكي