كاسكو واعراض مرض متغيرة
 

السلام عليكم ورحمة الله

اخواني الاعزاء عندي طير كاسكو افريقي وشكله متوسط العمر
بعد مرور ستة شهور بدا يقلد الاصوات ويكرر كم كلمة من ضمنها اسمه وهو ماريو حالته مستقرة
ومافيه اي شي يلفت الانتباه سوى بروز بسيط بعضمة الصدر احس فيها لما المسه شي بسيط ولكن ماثرت على سلوكه العام فما سويت معه اي شي
وخلال هالايام الاخيرة ظهر عليه خمول واحس بنفاسه فيها كنه او صوت كمان قل لعبه وراح تصفيره ولما يتكلم كانه مبحوح ويصدر صوت طقطقة من حنجرته والله يكرمكم خراجه زاد وفيه سيولة زايدة
ويرتجف كثير والغريب انه غالبا ريشه واقف وعيونه وحدة منهم ماتفتح الا قليل وحولينه من جوا شوية حمرة
بعدها وديته للبيطري شافه وقال فيه برد وكمان التهاب وصرف له دواء اسمه ( دوكسي ستين )
doxystin
اظنه صناعة اردنية وقال تضيف لعلبة الموية مايعاد 2 جرام ويذوب في الماء لمدة خمسة او ستة ايام
وبعد ماسويت الوصفة بعد يوم ونص عادت حيوية الطير ولكن...........!
ظهرت تحت منقار الطير حمرة وطار الريش فوقها كانها حبة حمرا مثل الورم الصغير رجعت فيه للبيطري وقال هذي حسيسة من الدواء استمر بالدواء وبعدها بتروح
والملاحظة الثانية تغير لون الريش بشكل غريب من الرمادي الفاتح الزاهي الى الرمادي الداكن كما هو واضح بالصورة ويتضح لكم ايضا الحبة اللي تحت المنقار في بداية الرقبة التي ظهرت بعد استخدام الدواء سوالي لكم يا اساتذة
هل هذه الاعراض اعتيادية
وهل وصفة الطبيب جيدة وهل سبق احد مر بمثل هالاشياء مع طيره
وهل يعدي الاطفال بصراحة انا ضاق صدري منه وبديت اخذ موقف

اذا فيه علاج افضل مجرب ارجو افادتي


[IMG]http://file7.9q9q.net/img/98953749/24022010045.jpg[/IMG]

رد: كاسكو واعراض مرض متغيرة
 

يا عزيزي كلام البيطرين مو دقيق الا من رحم ربي عيب المضادات للالتهاب الجهاز التنفسي تحسن الطير فتره وبعدها ينتكس لقوة الفيروس ولم اجد علاج اكثر فاعليه من التايلان (صناعه سويسرية) وطريقة اعطائه الطير
اذا الحاله متاخره يعطى بالعضل (3 ايام)
اذا الحاله متوسطه نص ملي بالماء (المشربيه ) لمدة 5 ايام
وينصح باعطاء الطير بعدها فتامينات
وهذه صورته السعر 45 ريال

http://up.arab-x.com/Feb10/uzm42647.jpg

رد: كاسكو واعراض مرض متغيرة
 

الله يجزاك خير اخوي الكاكي ببحث عن الدواء بس الحين انا بديت بالدواء الاول وبصبر عليه لعل وعسى واذا مانفع بجرب تايلان
وياليت بقية الاخوان يفيدوني عن هالحالة وهي طبيعية

رد: كاسكو واعراض مرض متغيرة
 

انتظر مشورتكم اذا تكرمتوووو
لا تبخلون علي لاني اذا مالقيت حل ببيعه وافك راسي

رد: كاسكو واعراض مرض متغيرة
 

والله ما لي علم
ان شاء الله يتعافى