|
ممكن سوال عن رقود الدجاج
السلام عليكم ورحمه الله وبركاته,,,
هل يفقس بيض الدجاجه بعد 21 يوم والا 41 يوم... انا سمعت ناس كثير تقول بعد 41 يوم.. انا عندي دجاجه راقده على البيض لها31يوم ومافقس شي بس انها تجلس بس باليل والنهار تجلس شوي وتقوم |
رد: ممكن سوال عن رقود الدجاج
لا والله
البيض يفقس بعد 21 يوم ودام الدجاجة تقوم عنه بالصبح يعني البيض كله فاسد 100% ونصيحة مني افصليها بروحها وقفلي عليها عشان لاتطلع وحطي جنبها اكل وماي وحاولي تغطين القفص الا بتفصلينها فيه عشان لاتشوف باقي الدجاج وتحاول تطلع انشاءالله افتدج وبالتوفيق |
رد: ممكن سوال عن رقود الدجاج
طيب كثير ناس تقول انه مو لازم تكون جالسه طول اليوم عليه,,,,
انا فاصلنها عن الدجاج بس بنفس القفس |
رد: ممكن سوال عن رقود الدجاج
اذا مو مصدقتيني خذي بيضة وحدة واكسريها
وشوفي الجنين ميت والله لا وضمان من عندي بعطيكي 10 فروخ من عندي اذا كان مو ميت الدجاجة لازم على الاقل تقوم عن البيض 20 دقيقة مو اكثر اذا طولت البيض بيفسد وخاصة اذا الجو كان شوي بارد |
رد: ممكن سوال عن رقود الدجاج
والله قهر وانا انتظر كل هاالفتره يفقس البيض,,,
طيب وش اسوي فيها والله نفسي يكون عندي صيصان,, عندي اربع دجاجات غيرها بس مافكرن ولامره يجلسن على البيض,,, انا سمعت ان الدجاج البياض مايرقد على البيض هل هذه معلومه صحيحه,,, ارجو الرد؟؟؟؟؟؟؟ |
رد: ممكن سوال عن رقود الدجاج
على مااعتقد نعم
بس الدجاجة لازم يجيلها يوم وارقد على البيض -------------- اولاً هي دجاجتك خلاص صارت تعرف ترقد واول ماتشوف البيض تركض له صح؟ اصنعي لها بيت خاص فيها محد يقدر يوصل لها فيه وهي ماتقدر تطلع منه افرشي الارضية بنشارة خشب وفري لها الماي والطعام وحاولي بقدر الإمكان تمنعيها من الخروج عشان لايفسد البيض واول مايفقسوا الكتاكيت حطي لهم علف او ذرة مطحونه والام بدورها بتقوم بتأكلهم هي الخطوات سهله جداً بس الاهم ان الدجاجة لا تهرب من فوق البيض ولا تغيب عنه اكثر من 20 دقيقة وانشاءاله بيفقس البيض وتتحقق امنيتك بشوفه الدجاجة مع فراخها تحياتي |
رد: ممكن سوال عن رقود الدجاج
انا اسوي طريقة ...كلما تبيض وحده اشيلها واحطها بالثلاجة واخلي دايما 2
ولا جلست اي دجاجة ثانية احطهم تحتها او لما تجلس امهم ارجعهم ليها بس ماخليه كدا من دون ماحد عليه |
رد: ممكن سوال عن رقود الدجاج
والله بس احذف البيض يمكن ذاك اليوم حذفت30 بيضه كانت خربانه...
وانا مره مكان للبيض بس يجلسن يبيضن ويقومن ماتجلس عليه والله دجاجي ماله حل مافكر يجلس ولا مره وش هاالنحس ...... |
رد: ممكن سوال عن رقود الدجاج
انتي موب قلتي دجاجتك ترقد بالليل وتقوم الصبح؟
سوي طريقتي واحبسيها بروحها وغصبن عنها بتقعد 24 ساعة انشاءالله افدتج لانه الدجاجة طبيعي انها اول ماتشوف باقي الدجاج بره تروح وياهم لانها توها جديدة على الرقاد |
رد: ممكن سوال عن رقود الدجاج
انا حابستها بروحها,,,
بس اطلعها احيانا لانه احس طفش طول اليوم مكتومه لازم تشم هواء,,,,,,,, |
| جميع الأوقات بتوقيت GMT +3. الساعة الآن 03:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو