|
كرواني مجروووووووووووووح ايش اعمل ..
السلام عليكم ورحمة الله وبركاته اخواني دوبني وانا ماشيه بالكروان ف البيت شوويه الا اشوف في اصباعي دم انفجعتتتتتتتتتتت .. ورحت جري على غرفتي وفتحت جناحات الطير ولقيتو مجروح بس ماشوفت الجرح كويس وهو دوبو طالع من القفص ومافي شي ف القفص حاد او يعور والطير من امس لما احد يمسكو يطلع صوت وهو من النوع اللي هادي بزياده بدون صووت وماني عارفا هو الافريقي حقي السبب ولالا لاني امس خرجت حق 5 ساعات من البيت كان الكروان ف القفص والافريقي ع الاستاند رجعت لقيت الافريقي بيحاول يفتح الباب حق الكروان ويطلع فوق القفص حقو وينزل كانو بيضربو او يبغا يحاول يعتدي عليه بس معقووله من امس لليوم ودوبو يطلع دم لانو باين الدم جديد ..؟ ايش اسوي عشان اخلي الجرح يوقف نزف وايش اديلو عشان ماتتاثر حالتو الصحيه الله يخليكم ساعدوني وسامحوني على كلامممممممي الكتير |
رد: كرواني مجروووووووووووووح ايش اعمل ..
هلا أختي حياك الله 1ـ إذا بتقدري تمسكي الطير أول أمسكيه ومسحي الجرح بالفاين والمويه ( عشان مايمسك بالريش ) 2ـ إذا ماقدرتي تمسكي الطير خليه على حاله لاكن نضفي القفص 3ـ حطي الكروان في قفصه وأرفعيه 4ـ أبعدي الكروان عن الأفريقي 5ـ نضفي قفص الكروان وحطي عنده مويه نضيفه للشرب وأكل جيد 6ـ أحطيه من الخضروات أو البيض 7 ـ حطي في القفص وعاء ماء او صحن قطره 7سم بأرتفاع الماء 3سم لكي يستحم بنفسه وينضف الجرح هذا إذابغيتي أنتي تعتنين فيه ــــــــــــــــــــــــــــــــــــــــــــــــــــــــــــــــــــــــــــــــــــــــــــــ ولا وديه للبيطري وراح يكشف عليه وينضف الجرح ــــــــــــــــــــــــــــــــــــــــــــــــــــــــــــــــــــــــــــــــــــــــــــــ وللمعلوميه : أنا عندي كروان أنقطع اصبعه وصار متعلق وأتبعت التعليمات الي فوق ومدة أسبوع ألتأم الاصبع لاكن فيه ميول شوي ــــــــــــــــــــــــــــــــــــــــــــــــــــــــــــــــــــــــــ أرجو أني أفدتك |
رد: كرواني مجروووووووووووووح ايش اعمل ..
ـ أحطيه من الخضروات أو البيض
اولت اجرب دا كلو راافض من يوم مالمسو يبعد وهو بس ينظف نفسو .. طول الووقت .. والخضار مني عارفا ايش اديه واذا ع الترويش رفض بس ححاول تاني ومحد بيرد ع الموضوع؟؟؟؟؟؟؟؟ |
رد: كرواني مجروووووووووووووح ايش اعمل ..
اختي امسكي الطير ونضفي مكان الجرح
وحطي على مكان الجرح ملح وربما يكون من القفص وان شاء الله مايكون فيه الا الخير بالتوفيق .. :) |
رد: كرواني مجروووووووووووووح ايش اعمل ..
طيب ايش استخدم في تنظيف الجرح؟؟
وانا شايفتو بيلعب وبيجري وعادي وبياكل ماشاء الله بس طول الوقت يفرد جناحو ويحرك كانو بيطير وهو فمكانو ومني عارفا دي الحركه لها علاقه بالجرح ولالا لانو بدأ يسويها بعد الجرح وخلاص انا حمسكو وانظفلو بالفاين والمويه وبعدها ملح صح؟؟؟؟؟؟؟؟؟ |
| جميع الأوقات بتوقيت GMT +3. الساعة الآن 02:43 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو