منتديات تو زوو - أسئلة مبتدئة .

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - أسئلة مبتدئة . (http://www.2zoo.com/vb/showthread.php?t=148603)

أسئلة مبتدئة .

مرحبا

أول شيئ ,, شكرا كثير على الموقع اللي أعطاني خلفية كثيرة عن الببغاء

عندي كاسكو توه له 3 أيام بس عندي و الحين بأبدأ بالرابع :shy: عمره 13 شهر

ثاني يوم صاير يصفر و يدور بس إذا قربت منه يصارخ :wao: و يخوفني

اليوم = يعني أمس الأثنين << ما بعد أنام فصار الأثنين من ضمن اليوم لوول :p

ثاني يوم و ثالث يوم طول فترة الصباح و الظهر تقريبا من 9 الصباح إلى 4 العصر و أنا مشغلة

له طيور الجنة عشان تسليه :o يتسلى فعلا من الأناشيد أو عادي ؟ :64:

من أمس و صاير عادي لو قربت عنده بس يتأمل فيني

متى يبدأ يتكلم ؟ أمس أحاول أقول له دلع اسمي بس زوجي يقول لي لسى مش الحين

لازم يتعود عليك أسبوعين !!

زوجي لو صفر له أو قلد مواء القطوة يحاول الببغاء يقلد مع انه يخاف من زوجي

لأن من الصبح إلى العصر و زوجي بالشغل و انا اللي عنده فتعود على وجودي أكثر

بس ما يعطيني وجه لو كلمته .

و هل عادي أنوع له بالأكل من الحين ؟ من أول ما جا و بس نحط له ماي و حب شمسي و فول سوداني

ودي أحط له تفاحة و كذا بس زوجي يقول انه توه صغنون .

رد: أسئلة مبتدئة .

مرحبتين اختنا

13 شهر ما يعتبر فرخ
بالنسبة للكلام توجد مواضيع كثيرة تشرح طرق ترويضه وتعليمه الكلام
ابحثي في المنتدى وبتشوفين الي يسرك

بالنسبة للاكل اي عادي عطيه تفاح بس ضروري تشيلين البذور منها لان البذور سامة للبغاء
عطيه ايضا جزر وخيار
بس لا تكون الفواكه باردة يعني خلي حرارتها طبيعية
عوديه ياكل من يدك من شان يحبك اكثر
والببغاء اذا حب صاحبه يبدأ يتقبل منه الكلام

اذا بتعلمين الببغاء الكلام قفلي اي مصدر صوت مثل التلفزيون من شان يركز على كلامك
ما اعتقد الببغاوات بتهتم للموسيقى او الاغاني
تردديك للكلمات البسيطة الي تبين تعلمينه يمكن تلفت نظره وسمعه اكثر من الاغاني
ولا تعطينه كلمات طويله
ابدئي بكلمات مثل بابا.....الووووو......تعال.....فتووو

تحياتي

رد: أسئلة مبتدئة .

ياهلا فيك وغلا تنورينا

13 شهر الطير كبير ماهو صغير وعادي لو تنوعين له الاكل من الان

وهو جاهز لتعليم الكلام الحين لكن أبدأي في الكلمات السهله مثل الو بابا مين فتو

بعدها الكلمات الثانيه

وكل ماجلستي مع الطير وقت اكثر كل ما حس معك بالامان ومايخاف منك

اجلسي معاه بس بدون ماتعطينه بال كأنه مو موجود خليه اهو يركز معاك

كم يوم ان شاءالله ويتعود عليكم

والف مبروك ويتربى بعزكم

تقبلي مروري

رد: أسئلة مبتدئة .

اغلب تساؤولاتك
موجود الرد عنها بالمواضيع المثبته
اطلعي عليها راح تستفيدين
*لالا تستعجلي خليه يتأقلم عليك وعلى المكاان
*اهم شئ هو ألأعتنااء بالطير نفسه ألأعتنااء بصحته
1 ابعديه عن اي تيار باارد(مهم)
2نوعي له بألأكل
3عطيه فيتامينات تباع عند البيطري وخليه يشرح لك
4 بين فتره وفتره عطيه ألأكل ألي يقوي مناعته مثل العسل والثوم ونقط من الليمون بالماء

الف مبرووك

رد: أسئلة مبتدئة .

خليه عندكم أسبوعين إلى 3 أسابيع ، حتى يتعود .. وراح يتدرج عليكم ..

المهم ..

1- نظافة المكان ..

2- تغيير الموية يومياً ..

3- البعد عن التيارات الهوائية وعن تقلبات الحرارة ..

3- بخصوص الأكل عطيه الآن حبوب إلى أن يتعود عليكم .. وحاولي توكلينه من يدك ..

تحياتي ..

رد: أسئلة مبتدئة .

شكرا للجميع ما قصرتو :)

سؤال , يخاف من صوت القطاوة ؟

و إيش الحركة المحببة له ؟ يعني لو سويتها له يفرح أو يرتاح لي ؟

رد: أسئلة مبتدئة .

اكيد بيخاف من صوت القطاوه بس يتعود عليهم خلاص يروح الخوف

واذا ولف طيرك انتي شوفي اي حركه يحبها وسويها له يختلف من طير لطير

تقبلي مروري