|
مساعدة لو سمحتم
يا جماعة انا بدى اعرف انواع الجيرمن شيبرد وبعض الصور لهم وما احسنهم وكيفية التفرقة بينهم
|
رد: مساعدة لو سمحتم
نرحب بك اخي الكريم في قسم هواة الكلاب بمنتديات توزوو اجابتي أليك هي تصنيف سلالة الجيرمن يرجع على الهستري ( يعني تاريخ الأب والأم ) ماذا كان ماضيهم وما قابليه الوركن تايتل لديهم هل يعني هم سبورت دوق جيرمن أو قرين دوق جيـــــرمن ودائماً وعلى مستوى البريدنق يعني مربي الكلاب او مثل مانقوا الذين يتمتعون ببيع الكلاب او شراء الكلاب لايتسرعون بشراء الجرو الا عندما تكمل الأربع شهور تعرف لش طال عمرك الاستنتاج العلمي للكلاب وضح ان جراء الكلاب يتم ظهور جيناتها و ابداعتها وشكلها وتقاسيمها ولونها وتفاصيل قامتها عندما تكمل ال 4 شهور وذلك يعتمد على البلادلايــــــن يعني خط سير البريدنق والجينات والتصنيف تزرع الأم لأبنائها الجراوه كل الجينات الوراثيه من الأب والأم والأجداد وهذا معروف على مستوى عالم الجيرمن وعشان اوضح لك معنى الوركن تايتل working title يعني اخوي العنوان الوظيفي العملي وهذي تعطى للكلاب التى تتجاوز عمرها السنه ويجب على اجتياز جميع الدورات والسبب يرجع لنقاوه التركيز والابداع بالتطبيق يعني يكون حاصل على دفنس عالي ودرايف عالي ويكون بالتصنيف سبورت دووق اذا كان الأب والأم لديهم الوركن تايتل والتأهيل الصحيح لكي تعرف ان هذه الكلاب قد زرعت الأم لأبنائها الجراوه جميع هذا المستوى من خلال نسبه الذكاء والسبب الجينات الوراثيه من الأب والأم والأجداد يعني عندما نختار جرو ابوه وامه لديهم الوركن تايتل نشتريه ونحن مغمضين العيون والسبب ان الأبناء يكونون مثل أبائهم واجدادهم لذلك اخوي فصائل الجيرمنات تختلف من حيث السلاله والتوقعات وحسب نسبه الجينات وذكائها ولازم تعرف ان الجيرمن شبيرد نوعين جيرمن شيبرد شولاين جيرمن شيبرد ورك لاين وعشان طال عمرك تعرف تفرق بينهم اخوي كلاب الشولاين كلاب حراسه ممتازه وكلاب جمال في نفس الوقت وتكون فقط ب3 ألوان ويكون طبعاً لها ماضي معروف ومسجل من قبل السلاله والبريد وخاصه خط سير الجينات وطبعاً تكون فيها كسحة في آخر الظهر وطول الذيل يصل الى الأرض وملامحها ممتازه وتختلف ايضا في المشي وعشان نوصلك المعلومه اخوي يعني الوان الشولاين المعترف بها والمسجله من قبل المعارض الدوليه كل الآتي Blak & Tan Blak & RED Blak & BROWN وهذي بعض صور توضح الكلب الجيرمن الشولاين وهذي صوره توضح مشيه وخطوات الشولاين اثناء المسير اما كلاب الجيرمن شيبر الورك لاين فهي بدون منازع كلاب حراسه وكلاب (( عمل وشغل )) وهي معروفه على مستوى العالم لتخصصها في الجهات المختصه وألوانها كثيره اخوي طبعاً لها ماضي معروف ومسجل من قبل السلاله والبريد وخاصه خط سير الجينات وطبعاً تكون خاليه وبدون كسحة في آخر الظهر وطول الذيل قد لايصل الى الأرض احياناً وعلى حسب طول الكلب وملامحها ممتازه ومشيتها عاديه وهذي الوان وانواع الجيرمن شيبرد الورك لاين White German Shepherd Dog Panda Shepherd Candian Alpaino Sheephered Sold Blak Shepherd SABLE BI-COLOR GOLDEN Shepherd SOLD LIVER TAN - LIVER RED SABLE Blak & Tan Blak & RED Blak & BROWN STEEL BLUE TAN-GOLD SABLE POWDER BLUE- TAN SILVER SABLE وهذي بعض الصور التوضيحيه لكي تتعرف عليها بعد ان تعرفت على الفصيلتين اخوي الآن سوف ندلك على الطريق للنجاح لكيفية اختيار كلب الجيرمن شيبرد الشكل طبعاً اهم شي يعني لابد ان تتذكر ان كلاب الجيرمن لاتكون اشكالها نفس الشئ يعني فيها اختلاف والسبب الغذاء اختار الكلب الصحي والكلب الذي يتمتع بصحه جيده وخاليا من الامراض يعني مايكون ظعيف وهزيل عشان ماتتعب معاه بعدين :D الرأس ابحث عن الجيرمن لي حجم رأسة يكون متناسق في الطول ومقاسه ممتاز وياحبذا اذا كان الرأس كبير وهذي صور توضيحيه نأتي الى الأذن اخوي اختار الجيرمن الي أذنيع واقفه وعباره عن رقم 11 لأن في فرق انك تختار الأذن رقم 7 او انك تشوفها غير واقفه اهم شي ان تكون الأذن رقم 11 غير مائله من اي طرف وهذي صوره توضيحيه اخوي طبعاً الشكل A وهو الصحيح افحص الأسنان جيداً واذا لم تستطيع استعين بالبيطري افحص الهبس وهو عباره عن مؤخره فخذ الكلب استعين بالبيطري اذا ماكنت عندك الخبره الكافيه وهذه صوره توضيحيه للهبس افحص الألبو وهو عباره عن مقدمه فخذ الأيد استعين بالبيطري اذا ماكنت عندك الخبره الكافيه وهذه صوره توضيحيه للألبو وبخصوص فحص الهبس والألبوو هذا اخوي اهم شي اقولك ليش بعض الناس يكتفون او يقومون بتلقيح كلابهم وتزاوجهم من قبل نفس الجينات يعني تزاوج الأقارب وهنا تكون مشكله في جسم الكلب ونحن ننصح عدم تزاوج الأقرباء بالكلاب يعني لازم تكون الجينات بعيده جدا جدا ومافيها صله قرابه يعني اذا كان الألبو فيه انعواج يسبب اختلاف في مشيه الكلب يعني يمشي بطريقه غير صحيحه وممكن يأثر ذلك في القفز او تطبيق اي عمل يحتاج الى نشاط والسبب عدم استقامه الأيدي فدائم الفحص يكون اهم شي يعني كلها 15 دقيقه اشعه وتعرف من قبل البيطري اذا كان الألبو صحيح بخصوص الهبس وهو الأهم بعد في المؤخره تلاحظ ان كلاب الجيرمن لي فيها هبس مشكلتها مشكله يعني يمشي الكلب والأرجل الخلفيه فيها انعواج على برع او على داخل وعلى طول تعرف انه فيه مشكله بالهبس وهذي تسبب له ضعف تشوف كلب كبير وارجله الخلفيه ضعيفه يعني مشاكل الهبس مؤلمه ايضاُ اثناء التدريب لأن الكلب لي يعاني من الهبس تلقى تطبيقه ضعيف لأن الحركه تكون عباره عن جسم غير متناسق اخوي لو تلاحظ بالبدقري اهم شي الختم موجود بخصوص الهبس والألبوو ويعطونك اذا كان الكلب يعاني منها او انه ممتاز و لاتوجد به اي مشاكل :D قدم الكلب اهم شي ياخوي هذه الصوره توضح بعض المضاعفات والفرق بين القدم الصحيح والقدم الغير صحيح وهذه الصوره توضح القدم الصحيح دقق على استقامه رجل الكلب من الخلف لابد يكون حسب هذه الصوره متناسق وبدون انعواج الأصابع اخوي تأكد من عدم اتساعها من بعض وهذي صورة توضيحيه ياعزيزي وحاسب عن الأصبع الزائد لأن البعض منهم يأتي بـ 6 اصابع وهذا يحتاج الى جراحه فأبتعد عن هذا الوضع وخوي تأكد من وجود الدايمن في الجيرمن شيبرد الذي تبحث عنه يعني لابد ان تكون في صدره نجمه او الدبوس وهي عباره عن شعر ابيض قليل على شكل نجمه خفيفه هذي النجمة يعني هي ( دايمن ) تبين مدى رقي هذه السلاله وان هذا الكلب من سلاله صحيحه 100% فالكلاب الشو + الورك التي تحمل هذه النجمه فأنها تدل على تطابق المواصفات العالميه في سلاله الجيرمن شبيرد هذه الاعلامة لايعرفها الكثير وهى النجمة فى كلاب الجيرمن شيبرد الاصلى ( البيووور ) وجود شعرابيض فى صدره على شكل نجمة يعني عباره عن ثلاث ريش بالنسبه للنجمة التي تطلع لكلب الجيرمن في صدره والتي تم اطلاق اسم ( دايمن ) او الدبوس على مقولة الأخوان وبشكل متداول بينهم تبين مدى رقي هذه السلاله فأنها تدل على تطابق المواصفات العالميه في سلاله الجيرمن شبيرد وللعلم البعض منها يختفي بعد بلوغ سن ال 3 سنوات او ال 5 سنوات على حسب هرمونات الكلب يا عزيزي لذلك يا لغالي النجمة هيه عباره عن ختم الكلب البيور في سلاله الجيرمن والبعض من المقتنين لايعرفون هذا الكلام لأسف الشديد وهذي صوره توضح علامه النجمه لكلاب الجيرمن وانا تعمتد ان اختار هذه الصور لكلب ورك لاين Sold Blak Shepherd عشان تعرف قصدي لأنها واضحه جدا كون لونه اسوود هذا مقاس الدايمن ( النجمه ) يعني ماتكون اكبر من كذا وهذه بعد صوره لكلب شولاين وممكن تكون اصغر يعني مايكون صدر الكلب ابيض ونقول نجمه وهذا ايضاً مش معناه ان الكلب الجيرمن لابد أن يكون فيه هذه النجمه عشان نقول عنه انه بيوور ايضاً لأن بعض كلاب الجيرمن تجي خاليه من هذه النجمه وتكوووون بيور بسبب الجينات والمواصفات ولكن اذا وجدة النجمه معناتها المواصفات عاليه جدا يعني مواصفات عالميه وممتازه ;) ولاتنسى البدقري لأنه مهم جداً اخوي وهو عباره عن جواز وأوراق الكلب اذا تطابقت هذه المواصفات في الشرح فتأكد ان الكلب بيور اتمنى لك التوفيق والنجاح وسامحنى اذا في اي قصور والأعضاء بعد فيهم البركه وماعليهم زوود اخوك ،،،، ابوخليفة |
رد: مساعدة لو سمحتم
بيض الله وجهك اخوي الرازم انا عندي اقتراح بسيط لو تكرمت لو تسوي قسم خاص عن المواصفات ونحاول نحط اكبر قدر من المواصفات عن كل فصيلة على حذى وكيف المربي يقدر يفرق بين الكلب البيور والكلب اللي مو بيور عشان نسهل على المربي الجديد اختيار الكلب المناسب ومحد يقدر يضحك علية
تقبل تحياتي اخوي الرازم وجميع مشرفين واعضاء وزوار هذا الموقع الاكثر من رائع |
رد: مساعدة لو سمحتم
مافي كلام بعدك ياخوي الرااازم ماقصرت كفيت ووفيييت يالغالي
مشكور ويعطيك الف الف عاافيه |
رد: مساعدة لو سمحتم
شكرا جدا اخوى
|
رد: مساعدة لو سمحتم
اقتباس:
اقتراح طيب من شخص اطيب بس يالغالي مانفتح قسم نحط موضوع فالعام عشان يكون القسم فعال بمواضيعه المتألقه وماعندي مانع ان كثرت المواضيع عن اكثر من فصيله وكيفيه الأحتراف بمعرفه نقائها وتفصيلها ان يكون هناك موضوع يجمع كل المواضيع التي تطرح لهذه الغايه ويثبت وللعلم تم تنزيل موضوع جديد يخدم ملاحظتك ولكن بشكل افضل وتفصيل كامل http://www.2zoo.com/vb/showthread.php?t=157022 والباقي عليكم وانتوا قدها وتسلم يالغالي كلك ذووووووق |
رد: مساعدة لو سمحتم
اقتباس:
|
| جميع الأوقات بتوقيت GMT +3. الساعة الآن 01:12 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو