|
الكاسكو اللي شريته شكله انلعب علي فيه
السلام عليكم ورحمة وبركاته
أخوتي وأخواتي في منتدى تو زوو انا اشتركت معكم لحبي للببغاء ولم يكن لدي معلومات كبيره فقط كنت اقرأ تجاربكم عن الطيور وما إلى ذلك كلامي متلخبط اعلم بذلك ولكن ما ادري وش فيني أخوي من شاف اللي شريته جلس يضحك علي لين خلصت الدموع اللي بعيونه :( راح أقولكم وش صار معي أنا اليوم رحت لمدينة بريده على اساس اني راح اجيب طير دره مطوقه ولكن للأسف كان معي أحد الشباب قالي ليه ماتاخذ افريقي وقعد يتكلم لين دخل في راسي الفكره المهم انا شريت الافريقي و طبعا اعطاني فيتامينات وما ادري كم شغله ثانيه سمعته يقول هذا حق الدود والطير يوم كنت عند صاحبه الطير كان يطلع على يدي وكل حاجه وكنت امسك منقاره واحك راسه يوم وصلنا البيت بالسلامه الطير انقلب 180 % صار يعض وما ادري وش فيه صار يخوف ويوم شافه اخوي زاد الطين بله قال الطير مريض وجلس يضحك علي ويوم قلت له السعر ضحك اكثر أنا شريته بـ 1500 ريال على كلام راعيه بادي يتكلم وعمره سنه وشهرين تقريبا بس والله مادري وش المشكله قمت ارمي خيط وخيط ما ادري وش السالفه تكفوون علمووني هل انلعب علي والا لا [IMG]http://file9.9q9q.net/img/45186119/----000.jpg[/IMG] http://dc06.arabsh.com/i/01491/5qrns3a4fg7o.jpg [IMG]http://file9.9q9q.net/img/27776729/----002.jpg[/IMG] نسيت حاجه الطير ساكت طول الوقت بس يوم قربت منه جوالي بصوره طلع صوت كذا زي اللي معصب ومايتحرك من مكانه ابدا جالس في مكانه 24 ساعه ومالكم مني الا الدعوه في ظهر الغيب انا رحت لبريده وانا لاعب فيني الجوع والحين موو مشتهي آكل شي وبنتظار ردودكم على أحر من الجمر |
رد: الكاسكو اللي شريته شكله انلعب علي فيه
ماشاء الله شكله طيب مافيه الا العافيه وطبيعي انه يقلب 180 درجه تغير عليه المكان وخلال ايام ان شاء الله تشوف طير ثاني واكرم الطير بالاكل وبالنسبه للسعر اشوف انه مناسب اذا كان وليف ويتكلم او بادي يتكلم الله يحفظه لك والاخوان ماراح يقصرون معك وراجع المواضيع المثبته تجد كل مايدور بخاطرك من استفسار . مع الشكر لكل الاعضاء واداره المنتدى على الجهود المبذوله من قبلهم . وتقبل مروري |
رد: الكاسكو اللي شريته شكله انلعب علي فيه
اقتباس:
الله يجزاك خير يالغالي وتسلم على مرورك والله بديتو تريحوني |
رد: الكاسكو اللي شريته شكله انلعب علي فيه
اصبر عليييييييييه هاليوووميييييين وابششششر بالخخير ان شالله ..~
|
رد: الكاسكو اللي شريته شكله انلعب علي فيه
هلا وغلا اخوى صمووووووت
صدقنى شكل طيرك ممتاز ولا فيه الا العافيه وشكلك توفقت بسبب نيتك الزينه ومع احترامى لاخوك شكله ما يعرف بالطيور فلذالك يضحك ولا يدرى وش السالفه. عموما شف هالرابط وراح يفيدك واقراء ردود الاعضاء لانها مفيده جدا http://www.2zoo.com/vb/showthread.php?t=151629 اكرام الضيف واجب يعنى خله لمده اسبوع لا تكلمه ولا تجى عنده ولا تجمهرون عليه ابد خله يراقبكم ويشوفكم من بعيد واحرص على اكله وشربه وبعد الاسبوع يكون خير. اتمني لك التوفيق تقبل مروري |
رد: الكاسكو اللي شريته شكله انلعب علي فيه
اصبر عليه يومين وراح يرجع مثل اول
تحياتي |
رد: الكاسكو اللي شريته شكله انلعب علي فيه
lما في شي الطير هو جديد لازملو كم يوم على شان يتعود علمكان الجديد وعمره اعتقد سنة وشهرين
مبروك الطير اخي ويتربى بعزك |
رد: الكاسكو اللي شريته شكله انلعب علي فيه
عزيزي هذه الطيور تتاثر كثيرا عند تغير مكانهم ممكن يرجع طبيعي بسرعة وممكن يطول يعني يومين الى اسبوعين وهذا يعتمد على مربي الطير واسلوبه معه واختلاطه مع الاخرين بس انتبه اذا البائع اعطاك مضادات حيوية لربما الطير مصاب بمرض اما اذا اعطاك فيتامينات ودواء للدود فهذا طبيعي ويشكر البائع على ما قدمه لك طيرك مو كبير بالسن وواضح من عينه تقريبا في حدود 11 شهر الى 13 نصبة الطير تدل انه ذكي ولونه فاتح وريشه مرتب انصحك بقراءة مواضيع الاعضاء بخصوص الترويض وتعليم الكلام السعر يختلف من منطقة واخرى واليوم انباع امامي بالاحساء طير يشبه طيرك بنفس سعر طيرك 1500 ريال لهذا اقول انت ما انغشيت بالعكس طيرك ممتاز تفائل خير ولا تحمل هم بس نصيحة خلال الخمسة ايام القادمة راقب الطير اثناء التنفس اذا يخرج صوت حرشفة مثلا راقب براز الطير الله يكرمك لا يكون يجيه اسهال نوع له في الاكل حب عباد الشمس وخيار وجزر وتفاح منزوع البذور وذرة تقبل تحياتي |
رد: الكاسكو اللي شريته شكله انلعب علي فيه
طائر جميل ما شاء الله
الله يبارك لك فيه خل اخوك يضحك بس من يتعود عالمكان انت اضحك عليه والسعر مناسب جدا لطير أليف وبادي يتكلم لو عندنا في الامارات يكون سعر ألفين وطالع. ألف مبرووووووووك |
رد: الكاسكو اللي شريته شكله انلعب علي فيه
alf mabrouk ya akhi yetraba b 3ezak w nchala fatra w temrou2
|
| جميع الأوقات بتوقيت GMT +3. الساعة الآن 08:40 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو