|
الببغاء باضت في القفص ..ما الحل وكيف التصرف؟؟؟
السلام عليكم
اخواني عندنا جوز ببغاء اخضر صغار وديلهم قصير والبائع قال لزوجي انهم ببغاء هولندي طبعا ما عندنا خبره .. شريناهم من كم شهر تقريبا 6 شهور .. وانا ما حابتهم كل يوم ابغي اطيرهم لانهم وايد يوسخون المكان واحنا حاطينهم في داخل البيت ومخصصين ليهم حمام الله يكرمكم وكل يوم ننظف قفصهم .. بس بنتي ترفض فكره تطيرهم لانها تحبهم ... المهم من يومين شفت بيضه في قفصهم شالها زوجي وحطها في سله من خوص.. بماذا تنصحوني وهل اتركهم ولا نجيب ليهم قفص اكبر ونحطهم علي السطح مثلا وشكرا لكم |
رد: الببغاء باضت في القفص ..ما الحل وكيف التصرف؟؟؟
عليكم السلام ورحمة الله ، بداية الله يحفظ لكم طيوركم ، وأنا برايي الشخصي أن يبقون داخل البيت لأن فوق السطح ممكن يكون حر عليهم ، فالحل تاخذون قفص كبير وتحطونه بأحد زوايا البيت ، وتنقلونهم في القفص الجديد مع عش يناسبهم وتكون البيضة في العش .
|
رد: الببغاء باضت في القفص ..ما الحل وكيف التصرف؟؟؟
وفرووا لهم قفص كبير شوي ~..
وحطوو لهم الصندوق الخشبي اللي يستعمل للتعشيش ... وأن شالله الخبرا ماراح يقصرون |
رد: الببغاء باضت في القفص ..ما الحل وكيف التصرف؟؟؟
اخووي الشفق الاحمر .~
اللي اعرفه ان الطيور ماتحب احد يلمس بيوضها واذا تم اللمس من قبل اي شخص يرفضون يعتنون بالبيضه ؟؟!! ومن كلامها تقول ان زوجها لمسها ..~ ؟!!!! |
رد: الببغاء باضت في القفص ..ما الحل وكيف التصرف؟؟؟
شكرا لكم علي الرد وما قصرتوا
عند نقل البيضه مسكناها بقفاز من القماش .. وشكرا |
رد: الببغاء باضت في القفص ..ما الحل وكيف التصرف؟؟؟
أختي غالباً البيض بهذا الشكل يكون غير مخصب ولا ينفع للإنتاج
خصوصاً ان الزوج ما بنى عش ولا هيئ مكان للتفريخ,, وفي كل الأحوال القرار يعتمد عليك انتي اذا انتي تبغي تنتجي ,, تقدري تحطي لهم قفص أكبر أو صندوق عش في الحمام وتخليهم مفلوتين فيه أما اذا ما تبغي إنتاج,, خليهم في نفس قفصهم ومكانهم بدون أي تغيير وربي يوفقك تحياتي |
رد: الببغاء باضت في القفص ..ما الحل وكيف التصرف؟؟؟
شكرا يا سكر
انا الصراحه ما ابغيهم كلهم مو بس الانتاج ... بس كسروا خاطري لما شفت البيضه مرميه في ارض القفص علي الحديد ... ولما شفت بنتي فرحانه .. قلت خلني اسال واستفسر واحاول .. بس يا خوي افلتهم في الحمام هذي كبيره ... قفصهم زين شوي كبير بنحط ليهم بيت شو رايكم وبعدين كيف يبني ليهم عش والقفص ما فيه الا صحن الاكل والماي مسكين ما عنده شي .. ما عندهم الا ستاره الحمام يوم اصير القفص ملاصق لها انتفونها ... يمكن كان محاوله لبناء عش وشكرا |
رد: الببغاء باضت في القفص ..ما الحل وكيف التصرف؟؟؟
اختي هذا نمووذج للقفص بشكل عام
http://files02.arb-up.com/i/00032/yz6pdf4x09pk_t.jpg وهذا صندوق الانتاج " البياضة " ..~ http://files02.arb-up.com/i/00032/hfttk3rawmdk_t.jpg وماعليج الا تحطيلهم في البياضه " نشارة خشب " وخليهم .. ~ بس لازم تجميع معلومات حوول موضوع التفريخ . .~؟ عسب تعرفين شوو اسوين .. ~ << اذا حبيتي طبعا ~ . |
رد: الببغاء باضت في القفص ..ما الحل وكيف التصرف؟؟؟
السلام عليكم
شكرا اخوي فديت الكاسكو لو يدري القفص في الصوره نفسه عندنا وجبنا ليهم بيت مثل الموجود في الصوره وبشرك بعد اليوم باضت بيضه ثانيه صارت الشغله ممتعه .. وبنتي تركت الدراسه وكل شوي تراقبهم راعبتهم كثر ما تفتحت عليهم الباب وتصورهم بعد مع السلامه |
رد: الببغاء باضت في القفص ..ما الحل وكيف التصرف؟؟؟
السلام عليكم
البيض صار اربع بيضات كل يوم تبيض بيضه واليوم اشوفها للحين ما باضت وبعد ما شوفها تقعد كل الوقت عليهم .. اوقات اشوفها تتمشي علي العصامع الذكر هذه اخر التطورات حبيت اخبركم بها مع السلامه |
| جميع الأوقات بتوقيت GMT +3. الساعة الآن 05:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو