|
اسهال+ حزوقه
بسم الله الرحمن الرحيم السلام عليك ورحمه الله وبركاته اخباركم ان شاءالله طيبين الحمدلله شريت قطه صغيره عمره تقريبا شهرين وعشر ايام امس اكلت من دون ماعرف قطع دجاج وجلد .. وبعده بوقت استفرغت وصار فيها اسهال "وانتو بكرامه" عباره عن سائل اصفر وفيه قطع الدجاج المطحون .. هذا العصر المغرب تبرزت وكان لونه زي العاده بس خفيف شوي طبعا انا وقفت عنها الاكل الرطب "معلبات" وتركته تاكل دراي فود بس .. وقدمت لها زبادي ماكلته .. وجربت اطحن الدراي فود وخلطه مع ملعقه زبادي بس جت شمته وقامت تحرك يدها بالارض كانه تدفنه .. الظاهر تحسبه فضلات خخخخ واليوم الصبح لقيتها جالسه وتسوي حركه كانه حازوقه او بتستفرغ مادري بس حركاته كانت غريبه.. هل الحازوقه شي طبيعي ولا دليل وجود مشكله ...؟ وهل اعطيها بيبي لايت ولا خلاص ماتحتاجه ..؟ ولو احتاج اعطيها كم ملم ..؟ طبعا انا للحين ماطعمتها... "اطعمها الحين ولا انتظر تكمل ثلاثه شهور ..؟" واكلها بالعاده ويسكاس رطب خاص للكتن .. ودراي فود .. وبس والله يعافيكم ردو علي عشان الحق عليها قبل ماتسوء حالتها :( |
رد: اسهال+ حزوقه
التطعيم انتظري حتى تكمل 3 شهور افضل.
والاسهال الاصفر غالبا عندها برد ( زكام ) اعطيها بيبي لايت حتى يوقف عنها الاسهال. اعطيها شراب كابتين 1سم مرتين باليوم كل 12 ساعه لمده خمسه ايام وراح يروح منها الاسهال باذن الله. وفيه شراب يوقف الاستفراغ اسمه موتيليوم اعطيها منه 1سم قبل وجبتها بربع ساعه.. والاحسن انك تصوميها لمده 12 ساعه فقط اعطيها الماء وبعدها اعطيها من الشراب . اعطيها مضاد بيتاموكس نصف قطاره مرتين باليوم لمده خمس ايام . وقفي عنها كل منجات الالبان مؤقتا حتى يخف الاسهال ويرجع برازها طبيعي . اعطيها سيريلاك بالرز او مهلبيه بدون سكر وكثرلي من الدراي فود وابعدي عن انواع السمك.( تونه-سلمون -فيليه) واستمري على حميتها الغذائيه مع العلاجات خمس ايام فقط . |
رد: اسهال+ حزوقه
نسيت اقولك الحازوقه بتكون مثل الانسان مافيه فرق..لاكن قطتك حركتها هي عندها غثيان وبتستفرغ لاكن بطنها فاضيه
ونصيحه ابعدي عن الاكل المعلب اي نوع لانه دمار لصحه القطه . وبيبي لايت اعطيها مقدار نصف السرنجه وممكن تضيفينه على الماء تبعها بس تاكدي انها تشربه ومايضل في انائها مده طويله لانه يفسد ..والباقي من المحلول بيبي لايت لازم تحطيه بالثلاجه حتى مايفسد . |
رد: اسهال+ حزوقه
اقتباس:
كيف اعراض البرد والزكام ...؟؟ انا ماشفت عليها شي لا عطاس ولا افرازات بالانف اتوقع تحسست من الاكل الدجاج وخاصه انه دهن كثير يعني ماتحملها بطنها لكن الاسهال والاستفراغ مره وحده سوته .. ولا تكرر بعده .. واخاف اعطيها الادويه الي قلتي وتضره بدال ماتنفعه كنت اعطيها حليب قليل الدسم واخففه بمويه .. لكن وقفته عنها الحين وبجرب اعطيها سيريلاك..يارب تاكله وبالنسبه للعلاجات كلها متوفره بالصيدليه البشريه .؟ |
رد: اسهال+ حزوقه
العلاجات ماتضره وهي امنه على القطط وانا استخدمها لقططي والحمدلله مااحتاج اروح لبيطريين
يعطونهم ابر احيانا تكون خطاء وتقتله. والعلاجات كلها من الصيدليه البشريه ماعدا البيتاموكس من الصيدليه البيطريه وهو مضاد حيوي ممتاز وواسع المجال. والزكام يجي للقط والاعراض اللي قولتي عليها من افرازات بالانف وعطاس وحراره فتكون حاله متقدمه . فاذا على كلامك مره وحده ..خلاص لاتعطيها علاجات فقط الحميه الغذائيه المعروفه عن الاسهال وهي الامنتناع عن اكل السنك ومنتجات الالبان واعطائه سيريلاك بالرز او مهلبيه بدون سكر. |
رد: اسهال+ حزوقه
اقتباس:
يعطيك الف عافيه .. طمنتيني واسفه تعبتك معي .. وان شاءالله اروح الصدليه اليوم واشتري العلاجات .. الاحتياط واجب برضو :shy: دمتي كما تحبين |
رد: اسهال+ حزوقه
وشو الحازوقه ..؟
ماقصرت ناديا .. وانا انصحك برضه اقطعي المعلبات ضرره اكثر من نفعه .. والدجاج اسلقيه بماء بس افيد لها الله يشفيها ويخليها لك |
رد: اسهال+ حزوقه
اقتباس:
الحزوقه يعني الشهقه او الزغطه او الفهاق وهو عباره عن تقلصات متكررة ومفاجئة وحادة وغير إرادية للحجاب الحاجز ان شاءالله بقطع المعلبات .. وأمين يارب بس بسألك .. تعرفين عيادة بيطريه بالقصيم يعالجون القطط ..؟ |
رد: اسهال+ حزوقه
طبقت الي قلتي من ناحيه الحميه بس العلاجات ماعطيتها غير بيبي لايت عشان مايصيبها الجفاف
وخف الاسهال بالتدريج .. وصحتها الحمدلله تمام لكن اليوم رجع وفيه مخاط ودم ..وامس حصلت خيط قماش بالعته الظاهر !! وحاسه فيه انتفاخ بطنها مادري صحتها زانت وسمنت او فيها مشكله |
رد: اسهال+ حزوقه
الاسهال عندها له سببين ولازم لهم علاج بعد ماتتاكدين..
السبب الاول ممكن معاها ديدان وهي مسببه لها الاسهال الشديد واذا بتعرفين امسكي بطنها وشوفي اذا هو يابس شوي ومنتفخ وشعرها يتساقط فهي عندها ديدان . السبب الثاني عندها نزله معويه ( التهاب الامعاء) ولازم تاخذ علاج حتى يقتل البكتيريا في امعائها ونزول الدم مع البراز هو بسبب الاسهال اللي عندها لاتخافين بعد العلاج راح يختفي منها. ولعلاج الديدان فيه حبوب الدرونتال لاكن لازم بيطري يوزنها حتى يقدرلك الجرعه. ولعلاج النزله المعويه فيه شراب فلاجيل اشتريه من الصيدليه البشريه واعطيها 1سم مره في اليوم لمده خمس ايام ..اعطيها بسرنجه الابره طبعا بدون اللابره فقط السرنجه. وطمنيني عنه |
| جميع الأوقات بتوقيت GMT +3. الساعة الآن 12:02 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو