|
ابره للاذن !!! ..مستعجل
السلام عليكم http://cornerpeddler11.com/images/10093_pid.jpgاسعد الله "مسائكم /صباحكم" بكل خير بسبس كان يعاني من الي يتسمى عث الاذن .. كان معه من زمان وماكنت اعرف انه مرض لكن يوم قريت بالمنتدىوعرفته وقررت اوديه لبيطري ينضفه.. وخاصه انه حصلت جرح قريب من اذنه "وصار من شده الهرش" والي اعرفه انه علاجه يكون بقطره او مرهم < مثل ماقريت بالمنتدى لكن يوم دخلت على البيطري قال انه عطاه ابره تقتل الحشره الي بالاذن !!! وقلت له يكتب اسمه لي .. وطلعت وانا اصيح :( وكتب لي اسمها كذا ..lverweetin او lvenweetin مادري اذا صح او كتابته ملخبطه ارجووووووكم ردو علي بسرعه لني حدي منهاره وخايفه من الابره تضره خاصه انه الفتره الي راحت كان طالب تزاوج وضعفت شهيته وصاير هزيل بالمره :( وماتوقع انه راح يتحملها :( وش اسوي اعطيه اكل او اوقف عنه الاكل احطه مكان دافي او بارد اي شي لازم اسويه له قولولي تكفون :( وشريت فتامينات .. عباره عن مرهم احطه على يده واخليه يلحسها .. اعطيها ايها الحين او لا ..؟ وهذي صورته |
رد: ابره للاذن !!! ..مستعجل
السلام عليكم ..
اول شي لاتخافين ان شاء الله خير ..بس اللي اعرفه ان مافيه ابره تعطى للقط تخلصه من العث بالاذن وكل الاسمين اللي كتبتيهم غلط ومافيه ابره اسمها كذا !! لاكن لو سالتي في المنتدى قبل لاتودينه للبيطري ..لان اغلب البيطريين الله بالخير ومايعرفون الا للبهايم وماهم متخصصين للقطط الا من رحم ربي. الان اعطيه من الفيتامينات وهي ممتازه وانا مجربتها قبل .وراح تفتح شهيته . لاكن انتي لحسيه بطرف اصباعك احسن ماتحطينها على يده .لانه ممكن يوصخ المكان ويمشي عليها. والعث علاجه جدا سهل فقط تنظيف الاذن بشكل دوري مره كل اسبوع وحطي قطره ديرمانتين نقطتين في كل اذن ..والقطره موجوده في الصيدليه البشريه . والله يشافيه لك |
رد: ابره للاذن !!! ..مستعجل
اول مره اسمع عن ابره لعث الاذن لاتعطينها اياه انتبهي
|
رد: ابره للاذن !!! ..مستعجل
اقتباس:
ان شاءالله يارب .. انا قريت بالمنتدى كثير .. بس كنت ابي البيطري يحط القطره وينضفها قدامي عشان اطبق زيه .. بس هو استعجل وعطاها الابره قبل ماوصل انا يعني الابره ماراح يكون لها اعارض جانبيه ...؟ ان شاءالله بعطيه من الفيتامين ..عشان تفتح شهيته عالاقل قطره الديرمانتين .. انضف فيها ولا اعتمده علاج.فقط .؟ آمين يارب .. ماقصرتي والله يجزاك خير على جهودك |
رد: ابره للاذن !!! ..مستعجل
اقتباس:
مالحقت عليه عطاها وخلص اخينا :64: |
رد: ابره للاذن !!! ..مستعجل
طلعت الابره اسمها
ivermectin إيفرمكتين وقريت الموضوع هذا الي كتبتيه اختي ناديا http://www.2zoo.com/vb/showthread.ph...CF%ED%CF%C7%E4 وش اسوي ؟؟ :( |
رد: ابره للاذن !!! ..مستعجل
استوديعها الله وان شاءالله ربي يحفظها
قولي اللهم اني استودعك وقولي اسم قطوتك فانه لاتضيع ودائعك |
رد: ابره للاذن !!! ..مستعجل
اقتباس:
اللهم اني استودعتك بسبس يامن لا تضيع ودائعه طيب لو حصل للقط شي .. وش اسوي للبيطري .. اقدر اشتكيه .؟ بصراحه القط هذا مو لي عشان كذا خايفه عليه بزياده هو بالاصل كان تايه وجا عندنا واهتمينا فيه .. وانا منزله له اعلان بمنطقتي وانتظر صاحبه يجي ياخذه ... يارب مايصيبه اي مكروه :( |
رد: ابره للاذن !!! ..مستعجل
:: فيه آبره لجرب الآذن اللي هو العث لكن للأسف ماآعرف آسمها وآعطيتها مره لقطو عندي والحمدلله ماضررت ولاآثرت عليه بشي .. قالي البيطري يدوم مفعولها شهر آو 3 شهور !! ماني ذاكره بالضبط ولاتخافين بأذن الله ماعليه ضرر آتكلي على ربك ولو آن البيطري غلطان يسوي شي بدون أذنك ماآدري بياطرتنا فيهم لقافه بشكل وآيدهم تحكم الا يتعبثون ويتفلسفون .. وشوفي هالرابط عن مشكلة العث راح يفيدك كثير http://www.2zoo.com/vb/showthread.php?t=167423 وطمنينا :: |
رد: ابره للاذن !!! ..مستعجل
اقتباس:
الابره اسمها _ ivermectin إيفرمكتين ان شاءالله ماراح تضره .. للحين وهو تمام والحمدلله والرابط هذا وموضوعك بعد عندي حاطتهم اختصار على سطح المكتب بس ابي اشوف الطريقه قدامي واطبقها "التقطير ودعك الاذن " والله يعطيك العافيه .. وان شاءالله انزل صورته وهو ينطط اذانه ورديه |
| جميع الأوقات بتوقيت GMT +3. الساعة الآن 12:02 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو