منتديات تو زوو - ابغا نصيحه

وعليكم السلام ورحمة اللهـ وبركاتهـ ..

أهلا وسهلا فيكـ معنا ياديكو ودججتو ..

عادي الإسم حلو وأهم شيء الأخلاق وحب الوطن ..!!

ج1/كم عندكـ من مساحة تحطهم فيها ؟؟ اذا مساحة صغيرة جدا ممكن ديكـ ودجاجة ..

اذا وسط ممكن 2_3 دجاجات وديكـ ..

وتقدر تزيد من عدد الدجاجات براحتكـ على حسب مساحة المكان عندكـ بشرط ماتزيد من عدد الديوكـ . ديكـ واحد يكفي,,
لأنهم راح يتناقرون ويتهاوشون ومايرتاحون الا اذا شاف الديكـ الثاني ميت ..!!! (( مجرمين بس هاذي طبيعتهم ..))

ج2/ الصوص البلدي يعيش في المناخ الحار بشرط توفر لهـ ظروف تساعدهـ على تحملها ..

مثل في وقت الظهر ترش الأرض بماء عشان يبرد الجو شوي وتتكون رطوبهـ ..

ودائما تزودهم بالماء النظيف ,, وتخلي الجيكهـ تحت الظل مو مباشرة على أشعة الشمس ,

وتوفر لهم مكان يستظلون فيه مثلا تغطي قفصهم بسعف النخيل أو لوح خشب أو كرتون ثقيل ,,

يعني توفر لهم اللي تقدر عليهـ عشان يرتاحون ..

وطبعا ماتنسى الأكل والجح والفواكة والخضار والرز والمكرونهـ والزبادي أو الجبن أو البقدونس ,, والبصل والكراث لتقوية المناعهـ عندهم ,,

وأي أسألهـ أخرى تفضل بطرحها وسنجيب لكـ تساؤلاتكـ بإذن اللهـ ..

تحياتي لكـ .

http://www.2zoo.org/get-7-2010-2zoo_org_mobiyf3p.gif