منتديات تو زوو - استفسار عن الفقاسة

اقتباس:

المشاركة الأصلية كتبت بواسطة anas09 (المشاركة 1609444)

بسم الله الرحمن الرحيم

تحية لاعضاء المنتدى الكرام

اريد صنع فقاسة بيض منزلية........

قرأت موضوع الاخت صمت الامل وما شاء الله موضوع ممتاز واستفدت منه

عندي عدة اسئلة:

اهم سؤال: هل المروحة يجب ان تعمل طوال اليوم ام فقط عند عمل اللمبة؟؟؟؟

اريد صنع فقاسة ابعادها (40سم طول 40سم عرض 40سم ارتفاع)

كم قدرة اللمبة المناسبة (كم واط) وهل اضع اكثر من لمبة؟؟؟؟

كم حجم اناء الماء الخاص بالرطوبة؟؟؟؟

هل اضع مروحة واحدة ام مروحتين؟؟؟؟

كم عدد فتحات التهوية؟؟؟؟؟

وشكرا لكم مقدما ...................................

أهلين وسهلين ..

وأعتذر لكـ على التأخير في الرد .. بالنسبه لفقاستي اللي سويتها لي تجربتين مع الفقاسة المنزليهـ ..

وحدهـ ناااجحة .. والثانيهـ فااااشلهـ . وطبعا تعلمت وش الخطأ اللي سويتهـ وإيش الصح ..

وأول جواب لسؤالكـ هو ايهـ ,, لازم تكون المروحة شغالهـ طول الوقت بشرط ماتأثر على درجة الحرارة وتخفضها . ولازم يكون في المروحة تحكم في سرعتها عشان تزودها أو تخفضها على حسب اللي تبيهـ .

جواب سؤالكـ الثاني هو لمبة واحدهـ كفايهـ .. وجرب أول شيء 40 واط..

اذا شفت ان درجة الحرارة أقل من 37,5 جرب تخفف سرعة المروحة وشوف هل بتزيد درجة الحرارة أو لأ ..!!

إذا لازال مستمرة بالإنخفاض ممكن تغير اللمبة لـ 60 واط .

ومروحة واحدهـ أكثر من كافية .

عدد فتحات التهويه أول شيء جرب 3 .. لأنكـ تبغى الحرارة تكون موجودهـ في الفقاسة ماتبغاها تتسرب منها .

واذا ماتبغى فتحات التهوية أو صعب تنفيذها ممكن تخصص من وقتكـ 15 أو 10 دقائق تفتح الفقاسة وتخليها تتهوى شويه مع وقت التقليب .

والرطوبة أهم أهم شيء انه مهما كان حجم الإناء اللي عندكـ (( ويفضل معدني مثل علبة التونه أو القشطة )) انه في نهاية اليوم يكون ناااقص أو على وشكـ ينتهي ..

لأن هذا اللي أفسد البيض علي ,, ان الرطوبة ماكانت جيدة ومانقص الماء ولا إنتبهت لهالنقطة ..

لقيت البيض متصدع في الأسبوع الثاني وفاسد .

وأحسن شيء انكـ تجرب الفقاسة قبل تحط البيض فيها ..!!

يعني خليها تشتغل يوم كامل وحط الموية وهل هي تنقص أو لأ !!

والترمومتر لقياس درجة الحرارة .. شوف هل درجة الحرارة مضبوطه وثابتهـ أو لأ ..! لأن اذا درجة الحرارة متذبذبهـ وغير ثابتهـ راح تفقس لكـ الصيصان بتشوهات ..

أنا استخدمت المقياس اللي على البطارية وماكان دقيق .. اللي مضبوط هو الزئبقي .. وتلقاهـ متوفر عند أي صيدليهـ .

صحيح الكلام كثير ولخبطة وممكن تنجح أولأ .. لكن كلهـ راح تنساهـ اذا شفت الصيصان تطلع من البيض بالسلامة .

وأي أسألهـ ثانيهـ أو إجابة غير واضحة لاتتردد أبدا بالسؤال ...

تحياتي لكـ .

http://www.2zoo.org/get-7-2010-2zoo_org_trajjm7f.gif