استفسار بخصوص صغار الهامستر
 

السلام عليكم


اول شئ قولوا لي مبروووك

بكيزة ولدت .. وجابت لنا صغار :D

تاريخ الولادة 15-1-2007


ثانيا اريد اعرف كم يوم يبقى الصغار بدون تحرك؟

هل ابعد الذكر عنهم؟ .. مع اني اشوف وايد مؤدب معاهم ويقوم بمساعدة الام كثيرا .. ماشوف ازعاج

وهل اغير نظام الاكل عنهم .. مع اني اشتري اكل خاص للهامستر في اكياس جاهزة .



وهل من نصائح او ملاحظات .؟؟

بصراحة لان اول مرة ؟؟:D

رد: استفسار بخصوص صغار الهامستر
 

وعليكم السلام أهلين

طبعا حبيت أبارك لك ... و انتبهك على مشكلة اكل الأم لصغارها فهي من المشاكل الشائعة

http://www.2zoo.com/vb/showthread.php?t=8198

اعتقد انه من اللإضل فصل الذكر عن الباقين، وتذكر ان اهم شي في هالفترة هو الهدوء والراحة للأم و صغارها .

ويتربوا في عز امهم وابوهم :D

رد: استفسار بخصوص صغار الهامستر
 

السلام عليكم

مبروووووووووووووك على ولادة الهامستر بالسلامه إذا كان الهامستر من النوع السوري فيفضل فصله لأن الذكر ياكل الأولاد وإذا كان الهامستر روسي عادي خليهم مع بعض لكن إذا الذكر بدا يعمل مشاكل لاسمح الله أفصلهم

رد: استفسار بخصوص صغار الهامستر
 

ألف مبروووووووووكـ و ما شاء الله على الأعضاء ردود مفيده . :)

سيبدأ الصغار بالمشي بقرب العش قبل أن يفتحون عيونهم من عمر 10 أيام ..
و إذا كان الأب قزم و مسالم ماله داعي تعزله ممكن تخليه إلا إذا لاحظت إن الأم منزعجه منه !

نصائح لراحه المواليد مع الأم :
- حاول تغطي قفص الصغار مع أمهم بغطاء يعني يوصل بس هواء و نور خفيف ..
- حط القفص بغرفة هاااااااااااديه ما فيها أحد و خلها و تقدر تراقبها من على بعد ..
- عط الأم بعض الأكل مثل الجبن و البيض و خل الماء قريب من منطقة العش .
- عط الأم مناديل الكلينكس او (خامات) مقطعة راح تفيد بتدفئة الصغار بينما هي بعيدة عنهم ..
- زيد إرتفاع العجلة من على الأرضيه .


و مبروووووووكـ مره ثانيه :)

رد: استفسار بخصوص صغار الهامستر
 

مشكورين على هذي الردود

والحمدلله ان الام مرتاحة من الذكر .. يعني دائما الذكر مقترب منهم ويدفئهم او يناولهم الاكل

عائلة متماسكة :)