|
جديد على الماء الملح ... ياليت المساعده الاوليه
السلام عليكم .. انا كان عندي حوض ماء حلو حولته الى ماء مالح غيرت كل شي واخذت الاغراض من المحل تقريباً بـ1300 ريال بس عندي مشكله مدري هي مشكله والا لا امس فرغة الماء كامل ونظفت التراب الي اخذته من المحل على كلام صاحب المحل يقول نظف التراب مثل ماتنظف الرز :confused: المهم حطيته بالحوض وصبيت الماء المالح عليه وبعدها تغير لون الماء الى ابيض يعني كأته اختلط مع التراب هذا الكلام من امس الفجر الى الان يعني صار له تقريباً 10 ساعات والماء لونه ابيض انا قلت يمكن يركد التراب ويصفى بس الى الان لم يتغير شي ؟ وثانياً بخصوص الملف .. اعطاني الي يقيس الملف بس كل مره اقيس يعطيني نسبه تختلف .. انا حوضي عرضه متر وعشرين كيف اوزن الملح فيه ؟ وياليت احد يعطنا وجه |
رد: جديد على الماء الملح ... ياليت المساعده الاوليه
اقتباس:
السلام عليكم بخصوص الماي مومشكله يبيله أكثر من 24 ساعه عشان ينظف تدريجيا و بخصوص الملح في جهاز يعطيك نسبه الملوحه بالظبط آنا ماأستخده لاني ماأحتاجه آنا أستخدم الترمو متر عندي معطيني نسبه الملوحه الصحيحه |
رد: جديد على الماء الملح ... ياليت المساعده الاوليه
وعليكم السلاام
أخووي عاادي مع الوقت رااح يصفى الماي بالتدريج وبالنسبة للمولحة فا تقدر تقيسها بالهيدروميتر وفيه منه 3 أنوااع الزئبقي والالكتروني وذو المؤشر بالتوفيق,,, |
رد: جديد على الماء الملح ... ياليت المساعده الاوليه
اقتباس:
اقتباس:
الحمدلله الماي صفا الحين .. بس في سؤال : كم يوم اخلي الماي يدون سمك وبعدين ادرج السمك فيه في ناس تقول شهر وناس تقول 50 يوم وين الصح .. وانا عندي الجهاز الي فيه مؤشر بس لما اقيس الماي من الجهه المينى من الحوض يعطيني المؤشر فل ولما احذف المقاس من الجهه اليسرى يعطني انه تقريباً 20 الحوش عرضه متر 100 في 40 في45 وايش افضل نوع من ((الزئبقي والالكتروني وذو المؤشر )) ووين احصل الاجهزه هذي بالشرقية لاني مالقيت الا المؤشر بس !! |
رد: جديد على الماء الملح ... ياليت المساعده الاوليه
اخوي انا نفسك قلبت حوضي الحلو الي ملاح وركبت كل شي والترااب نظفته يمكن ساعه كل ربع ساعه اغير مايه وقولبه عساس ينظف وعلى كلام صاحب المحل في كلور كل يوم تحط 3 مغاطي واول مره مغطتين ونص بكتيريا بس وانا على قولة الشباب بالتيرمو متر معطيني نسبة الماء تمام
|
رد: جديد على الماء الملح ... ياليت المساعده الاوليه
طيب عندي سؤال خطير ودي اعرفه ليه يقولون اذا حطيت الماي وحطيت الملح فيه اول مره لازم تخليه شهر وواحد ثاني قالي لازم 50 يوم بدون سمك ؟؟؟؟؟ ليه ... والمفروض كم يوم الصحيح ... وليه نخليه هالوقت بدون سمك ؟؟ |
رد: جديد على الماء الملح ... ياليت المساعده الاوليه
هلا أخوووي
بالنسبة للسمك فا تضيفها على حسب السياكل مو على حسب عدد الاياام يعني بس تعبي الحوض مااء وتركب الاجهزة وتشغل الاضااء يوميا كما لو أن بالحووض أسمااك وأذا تكونت طحاالب بنية فا هذا يدل أنك مااشي تماام فا تبدأ بأضاافة الاسمااك على دفعات سمكتين كل 3 أياام وبالنسبة للملح فا أعتقد أنك مو حااط ويف ميكر بالحووض عشاان تذوبة بالماااء وبالنسبة للهيدروميتر فا الالكترووني طبعا هو الافضل وأهل السعوودية يفيدوونك وين ممكن تحصلة وبالنسبة للماء تخلية شهر ؟؟ يمكن قصدهم أذا بديت بالحووض لازم تتركة الى أن يكمل السياكل ( الدورة النيتروجينية ) بالتوفيق,,, |
رد: جديد على الماء الملح ... ياليت المساعده الاوليه
لن أقول شيء سوى إنتظرونا فالعملاق قادم :)
|
رد: جديد على الماء الملح ... ياليت المساعده الاوليه
اخوي انتظار الحوض من غير سمك لمدة اكثر من شهر فهالشي ضروري .. لانك اذا شريت اي سمك وحطيته بالحوض قبل الشهرين السمك ما يطول ويموت .. لازم الحوض يتعبى بكتيريا وبهالشهرين تحطله دوا بكتيريا وتشغل الليت وتحطله صخر لايف روك عشان تتكون بيئه بحريه
|
| جميع الأوقات بتوقيت GMT +3. الساعة الآن 12:44 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو