|
باركوا لي شريت كاسكو .. بس ابي مشورتكم
صباح الخير
انا اشتريت كاسكو امس ويالله حصلت في سوق الحمام اللي ابي بس المشكله انه على وجهه يعني مب اليف وابي منكم المساعده من الاوووول اول شي كم مره انظف القفص وصناديق الاكل وهل اروشه من اللحين والا اصبر ومتى ابدا في الترويش الاكل طبعا مايآكل الا حب شمسي اتركه عليه وبعدين اعوده عادي مايضره والا من اللحين احط له سمعت انه في طارد للديدان وفيتمينات .. هذي متى احطه اللحين وهو جديد والا متى ؟ كيف اروضه من الاول شسوي ؟ اعذروني يااخوان على الاسئله بس شايله همه بعدين انا اشوفه مااحسه مريض بس من اليوم احس في صوت بنفسه يمكن علشان بسياره واللحين برد بالبيت كم درجه الحراره اللي تناسب له ؟ وهو اللحين اشوفه قاعد تحت بالقفص عادي والا مريض ؟؟؟ دخيلكم ساعدوني على اسئلتي |
رد: باركوا لي شريت كاسكو .. بس ابي مشورتكم
اقتباس:
صباح النور اختي ام ماجد .. الف مبروك على الطير ويتربى في عزك اقتباس:
طبعا بالنسبة للقفص يتم تنظيفه مرة باليوم وبالنسبة للمشربيات مع كل تغير للاكل يتم تنظيفه اقتباس:
حسب العمر اختي ممكن تقوليلنا كم عمره؟ اقتباس:
اقتباس:
اذا صحة طيرك ممتازة وشفتي انه نشيط في القفص لا تقربي الفيتامينات لكن اذا لاحظت ان فيه خمول ممكن تحطيله. وبالنسبة لطارد الديدان هو بطبيعته راح ينظف ويطردهم. اقتباس:
بالنسبة للترويش انصحك انك تأخذي لفة على المواضيع المثبتة وتشوفي الطريقة اللي تناسبك في الترويض اقتباس:
ابعديه عن تيارات الهواء المباشرة وخليه في درجة حرارة معتدلة لا تقل عن 24 درجة وبالنسبة للصوت ممكن توضحي اكثر كيف؟ اقتباس:
عادي ممكن يكون خايف لا تشيلي هم. |
رد: باركوا لي شريت كاسكو .. بس ابي مشورتكم
عمره تقريبا 8 يعني عادي اروشه وهو جديد ؟
والصوت كأن صدره شوي فيه خرفشه مادري هو مب طول الوقت بس كل بعد دقيقه اسمع هالصوت وبعد كأنه يعطس مادري ترا مااعرف عطسة الطير بس خمنت :/ |
رد: باركوا لي شريت كاسكو .. بس ابي مشورتكم
.
اعصري في الموية حقته نص ليمونه و حطيها من الصبح لين المغرب بعدين شيليها ، و اذا معاها شوية ثوم احلى واحلى وانشاء الله من بكرة تروح العطسه و الصوت واذا ما راح وديه التختور |
رد: باركوا لي شريت كاسكو .. بس ابي مشورتكم
جزاكم الله خير
واي واحد عنده شي يقولي علشان التدريب |
رد: باركوا لي شريت كاسكو .. بس ابي مشورتكم
ونسيت اقول الحب الشمسي اللي جبته في شوي ملح غير عن حقه عادي ؟؟
|
رد: باركوا لي شريت كاسكو .. بس ابي مشورتكم
.
لا الحب الشمسي ذا بالعافية عليك جيبي له واحد ثاني بدون ملح |
رد: باركوا لي شريت كاسكو .. بس ابي مشورتكم
الف الف الف مبروك ويتربى بعزك يارب اهم شي اختي لا تخلين احد يحاول يضايق الطير لانه راح ياخذ موقف واجلسي مع الطير بدون ماتعطينه وجه كأنه غير موجود واشغلي نفسك بأي شي وتفضلي هذا الرابط يفيدك اكثر http://www.2zoo.com/vb/showthread.php?t=149082 ويضا من المهم ان لا ينام طائرك ويلعب في مكان واحد الافضل ان ينام في مكان ويجلس ويتدرب في مكان اخر وتفضلي هذا الرابط http://www.2zoo.com/vb/showthread.php?t=171171 واسف ع الاطاله وتقبلي مروري |
رد: باركوا لي شريت كاسكو .. بس ابي مشورتكم
جزاكم الله خير والله يوفقكم
طيب ماعندي غير المالح وحطيت له ربع تفاحه اخا مايآكلها ويجوع لين العصر ماعندي احد يجيب الشمسي بدون ملح شسوي :( |
رد: باركوا لي شريت كاسكو .. بس ابي مشورتكم
اختي الحب المالح مضر بصحه الطير اعطيه خضراوات وفواكه
|
| جميع الأوقات بتوقيت GMT +3. الساعة الآن 01:06 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو