|
ممكن مساعده
السلام عليكم ورحمة الله وبركاته
هلا اخواني واخواتي الصراحه انا وحده اموت في الحيوانات خصوصا الخيول والقطط:p وانا ناويه ان شاء الله اشتري خيل وانا من الامارات بس ماعرف وين يبيعون الخيل!! فممكن اذا حد يعرف مكان يبيعون فيه الخيول يقولي وابا اعرف كم يكون اسعاره وانا ابي خيل ابيض وعمرها بحدود 15 سنه يعني شابه وياليت اتقولولي كم السعر ووين يبيعون وجزااكم الله خير:) |
رد: ممكن مساعده
حبيت أقولك 15 سنة تعتبر كبيرة بسن شوي انا أنصحك من بين 4 إلى 7 سنين
|
رد: ممكن مساعده
وعليكم السلام ..
كلامي مثل الاخ " بوعوف" يفضل انج تاخذين خيلة عمرها بين الاربع والسبع سنوات .. لانها بتكون بعز شبابها .. اما بخصوص اماكن البيع .. تقدرين تزورين الاسطبلات اللي عندكم بالامارات وتسألينهم لان اكيد بيكون عندهم كم خيلة يبون يبيعونهم .. وان شاء الله اتحصلين المطلوب .. وبالتوفيق |
رد: ممكن مساعده
السلام عليكم اتمنا ارد على هذه السؤال
الصراحة المشكلة مافي امتلاك الخيول لكن المشكلة في الاعتناء بالخيول انا اول مامتلكت اشتريت قبل لايكون عندي اي خلفية عن العناية بالخيول سوى اني اعرف الركوب من 1995 وامتلكت الخيول في 2004 لكن في التعليم يفضل التعلم على الخيول الكبيرة في السن لان لديها خبرة وتعرف التصرف واذاسقط الفارس منه تحاول ان تتجنب رفسه او تفزع اما عن اللون انا انصح باللون الاصفر او البني الداكن للعلم الخيول البيضاء تتعب في الصيف وجلدها سهل التمزق في الحرارة ///// وماشاء الله جونا حلو في الامارات. انا انصح بالفحص الجيد قبل شراء اي خيل او فرس لان تجار الخيول ماشاء الله عليهم مايكذبون, ولايغشون . وانصح بشراء الخيول العربية الاصيلة التي تمتلك جوازات WAHO . وقراءة بصمات الجسم جيداا لمطابقاتها بالجواز ....... اعتقد ان فحص الخيول تعتمد على 45 نقطة ولكن انا اعتبر نفسي مبتدا . وانصح كل من يريد تعلم ركوب الخيول ان لاينسى دعاء الركوب . ومن لديه اي استفسار يراسلني وانا في الخدمة . |
رد: ممكن مساعده
بو نوف .. عزيزي :)
حبيـت أسالك , من باب الفضول !! على كم تتراوح اسعار الخيول العربية الاصيلة ؟؟ !! |
رد: ممكن مساعده
هلا ناصر,
لو تبي خيل بأوراق وأم وأبو معروفين وpure عربي أخرص شئ ب 60 ألف ريال |
رد: ممكن مساعده
بالنسبة للأخت السائلة اعمار الخيول تتراوح على حسب الرغبة ولكن اذا حبيت ان تشترين فشتري الصغير الذي عمره يتراوح بين سنة ونصف والى اربع سنوات ممتاز ويكون معسوف وهادئ ولا يكون حار ولا بارد طبعه وسط وحاولي تشترين الرفيع الطويل العربي وانا ما راح اقول الاصيل لأنه من كلامك جديده في هذا المجال ولكن اخذي العربي افضل من الانجليزي بكثير واما الاصيل الاصيل هذا بيكون سعره غالي جدا وله جواز سفر وشهادات واوراق ومعرف امه من وابوه من والشغلة كبيرة وواسعة ولكن اخذي واحد عربي وغير مسجل وبحيث انه يكون جميل وخالي من الامراض وسليم واذا كانت فرس ( مهره ) افضل وهي طبعا بتكون اغلى من الخيل وارغب منه للاستفادة من بطنها ولابد من جعل مكان مخصص له وتنظيف دائما والاعتناء به وتمشيطه و و و و الخ واذا في اي استفسار انا حاضر وانا هاوي الخيل من فترة واغتنيها واحبها حب جنوووووون ولا يهون الحاضرين ولعلي قد افدتكم بهذه المعلومات البسيطة الميسرة وسامحوني على القصور
اخوكم ومحبكم ابو العيناء maf788@hotmail.com |
رد: ممكن مساعده
نسيت اقول اسعار الخيول العربي تتراوح تقريبا من 4000 الى 10000 ريال وفيه اكثر طبعا وهذا لغير المسجل واما الفرس من 7000 الى 20000 ريال تقريبا وحسب الجمال والطول والعمر
وانشاء الله بكون وصلة المعلومة |
رد: ممكن مساعده
رخيــص بصـــراحة !! :) توقعت بالملاييــن وفوق ..:rolleyes: |
رد: ممكن مساعده
فيه بالملاااااااااااين وفوق يا غالي ولكن لكل شيء بمقداااااااااااااااار وانا اقول المبتدأ ياخذ عربي يعني حليوووووووووووو مو هاي هاي والهاي هاي يخليه بعجين ( حلوه الهاي هاي ها ) ههههههههههه
|
| جميع الأوقات بتوقيت GMT +3. الساعة الآن 11:46 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو