|
ريحت الكلب اذتني وش الحل
السلام عليكم ويا هلا ورحب كلن بسمه وحسب دخوله
ادري اني اشغلتكم معي يا الربع ولكن الصبر زين والله لايحرمكم الأجر .. يا اخوان والله اني ربيت 12 كلب خلال اربع سنوات الي سرق ولا اهديته لناس غاليه علي والي فكيته بالبر ماينفع اخذه جرو ولاكبر تغيرت مواصفاته وماصلح لي والي ذبحهم البارفو منهم جعر ومنهم سلق ومنهم جيرمن ومنهم بيت بول من الــ 12 كلب ربيت ثلاث سلقان واحد اهديته لرجال شرواكم و واحد جاني عمره خمس سنوات ماصلح لي وسلقه ماتت مسمومه وكلهم ماشتكيت من ريحتهم اروشهم بالشهر مره بس السلقه الي الحين عندي مهتم فيها وحرصان عليها بس ريحتها مخيسه روشتها بشامبو خاص بالكلاب مانفع بشامبو بشري مافي فايده ودايم جسمها مغبر رغم حرصي على تنضيف مكانها بس قلت يمكن لأنها سوده يبان عليها الغبار في حل يا الربع السلقه لها اسبوعين روشتها مرتين في حل لريحه ولا لها علاقه بالجينات مالها علاج يعني مافي امل 12 كلب ماقد شميت فيهم هالريحه حتى الي ذبحهم البارفو ريحتهم تختلف يا الربع شورو على لها علاج ولا اشوف لها صرفه مانيب قادر اتحمل ريحتها وانتوا عارفين السلق يكون معك بالسياره طول وقت لاقنص ماهوب بالحوش ماعليك من ريحته والله لايهينكم يا الربع |
رد: ريحت الكلب اذتني وش الحل
على فكره يا الربع
تراي افكر افركها بالمسك والكافور مثل مايسون مغسلة الموتى بالموتى اقلب حانوتي وفكرها بكافور كود تقضي على ريحتها |
رد: ريحت الكلب اذتني وش الحل
والله مدري يفيدونك الاعضاء بس ممكن الرائحه صادرة من الفم ولا الاذن؟؟
|
رد: ريحت الكلب اذتني وش الحل
للرائحه الكريهه اسباب كثير ولكن السؤال الاهم
من تصدر الريحه . كان احد اصدقائي يشتكي من رائحة كلبه واكتشفت انه يتبول ويجلس على بوله عشان يبرد شوي . صديق اخر لااازم ينضف اذان كلبه باستمرار واذا اهملها على طول ريحتها تطلع . شووف من وين الريحه واذا عرف السبب بطل العجب . تقبل مروري |
رد: ريحت الكلب اذتني وش الحل
السلام عليكم
اخي كمان اذا الكلبة تعرضت للضرب بتصير تبول عحالها لا اراديا و تصير تطلع هالريحة |
رد: ريحت الكلب اذتني وش الحل
الله يسعد ايامكم على المرور والرد جميع لاهنتوا
يا استاذي مصعب من ناحيت الأدن نظفتها بالماء مرتين خلال اسبوعين اما من ناحيت البول على نفسها لا ابشرك ماتبول على نفسها خبرك براد وماتحتاج لهسوات الرديه هههه اخوي سلير لا وانا اخوك الكلبه ماضربتها وانا ضد وبعنف ضرب الكلاب تخسر الكلب لاضربته وبذات السلق ولكن ابشرو ابروشها لاصار يوم مشمس ودافي واركز من وين الريحه لكن الحين مايمديني اعرف منين الريحه تصدع من كل مكان فيها وبذات لاكانت نايمه اتوقع انها غازات ابروشها وراقبها وعلمكم ان شاء الله وش العلم |
رد: ريحت الكلب اذتني وش الحل
ملاحضه..!.. أخوي ترا كثرت الترويش يضر جلدة الكلب والطبقة الزيتيه _______________________________________________________ |
رد: ريحت الكلب اذتني وش الحل
الاخوان ما قصروو معك
|
رد: ريحت الكلب اذتني وش الحل
انا بعطيك احتملات وممكن تكون منها
انا راعي سلق 1- ممكن من الفم يكون عندها التهاب او دود 2-كثره الحلبه إذا انت تعطيها مع العب تفوح 3- ممكن يوجد فيها براغيث 4-المكان يكون الرمله قديمه والتراب مغبر لان الرمله النظيفه ما تبين على الجسم حتي ولو كانت سوداء اتمني قد افتك |
رد: ريحت الكلب اذتني وش الحل
السلام عليكم
هلا اخوي اخبارك ان شاء الله بصحة وعافية بالنسبة لريحة كلبك بقولك وش اسوي مع كلبتي وافعل زي ما ا سوي انظف غرفة الكلب يوميا واذا انت ما تقدر خل السواق نظفها ب الديتول والكلوركس والصابون وتبعد الكلب عن غرفته مدة ساعة عشان ما يضرها رائحه الكلوركس والديتول وتحط عطر الجو بعد غسيل الغرفه وتخلي الغرفه مفتوحه عشان تتهوا حتى اذا طلعت كلبك من الغرفه لا تسكر باب الغرفه ابدا اروشها كل جمعة بس ترويش في مركز فخم يحطون بودرة عليها اللي ضد القراد والريحه ويقصون اظافرها ويحطون عطر جسم خاص للكلابه وشامبو خاص وتجفيف بأله زي الفرن وتشتري لها البودرة كل يومين تحطلها وراح تلاحظ الفرق انا كلبتي نوعها هايسكي ان شاء الله اكون افدتك اخوي اخوك : ابو عبدالله |
| جميع الأوقات بتوقيت GMT +3. الساعة الآن 12:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو