|
تكفووون ساعدوني عندي كاسكو تصكر على رجله الباب
السلام عليكم ورحمه الله وبركاته
انا عضو يديد بهذا المنتدى الجميل وياريت تساعدوني عندي كاسكو نوعيه ( تيمنه ) حلو صعد فوق باب الامنيوم ويا اخوي الصغير وصكر على الباب بلغلط بس مو حيل بس رده عاديه بعدين صرخ الكاسكو وطلع من ريله دم وصار يرفعها على طول وانا ابي الحل لنا اول مره انجرحت ريله وهم رفعها بس الحين الجرح على اصابع ريوله شنو الحل ساعدوني هل في ادويه شي او انه بروحه يطيب مع الايام ابي المساعده تكفوووون |
رد: تكفووون ساعدوني عندي كاسكو تصكر على رجله الباب
السلام عليكم
اخوي اولا اسعفه وحاول تعقم الجرح بالرش من دون متلمس رجله واعطيه مضاد حيوي ولازم تعرضه علي طبيب تتاكد انو مافي كسر واتمني اكون افدتك |
رد: تكفووون ساعدوني عندي كاسكو تصكر على رجله الباب
وانا كلامي من كلام اخوي king of dragon
واول العافية انشاء الله |
رد: تكفووون ساعدوني عندي كاسكو تصكر على رجله الباب
يا حبيبي شفلك طبيب بيطري تمام ونشالله عنده الحل لا تلعب في الطير
|
رد: تكفووون ساعدوني عندي كاسكو تصكر على رجله الباب
اخوي كنغ مو المشكله هني عندنا قليل تحص بيطري زين يعالج باجر بروح اشوووف
مشكور اخوي طير جديد ان شاء الله يصير زين مشكور اخوي اف جي وان شاء الله اشولي واحد زين مشكور |
رد: تكفووون ساعدوني عندي كاسكو تصكر على رجله الباب
لازم ضروري تعرضة على طبيب بطري علشان تتأكد اذا في كسر اولا
وان شاء الله مافي الا كل خيير |
رد: تكفووون ساعدوني عندي كاسكو تصكر على رجله الباب
اخوي هل اصابع البغبغاء مشدوده اذا كانت مشدوده يعني مافيه كسر الحمدلله ولاتحاتي ولاشيء عطه مضاد حيوي وراح يخف ان شاء الله الامور ان شاء الله طبيعيه اما اذا كانت اصابع رجله غير مشدوده هذا يعتبر كسر لازم توديه للبيطيري
|
رد: تكفووون ساعدوني عندي كاسكو تصكر على رجله الباب
والله مادري شقولكم مشكورين واخجلتوني بتوضعكم واهتمامكم لي
اخوي الغالي فواز رجوله مشدوده ومافيهم بس جرح مشدوده وحتى يحك وجها فيها بس رافعها ومخليها زاويه مو سيده اسمع يالغالي وكلكم رحلتي للبيطري وحكموو انتو اخبر مني بلطيور ______________________________________________________________________ شنو هذا يا اخوان رحت رويال بيت بس تاخذ موعد 12 دينار والعلاج كله يطلع 30 دينار مادري اكثر الطير انا شاري 30 دينار مو عن مابي اغط على بلعكس والله لو عندي قطيت على بس هذا نصب بعينه وعلمه بني ادم فحص ما ياخذ هلكثر وغير فحص الاشعه 15 دينار علشان يشوفون كسر ولالا انزين قلت باجر امركم رحت الي يمه مستشفى المسكرب قلت حق الهندي الي داخل وين دكتور يا الدكتور شافه ما مسكه بس قال لا هذا تفخ ورم عادي عطه مضاد حيوي ويصير زين دخلت عند الدكتوره قالت اول شي دينار ونص بس اشوفه قلت اوكي ولا قالت لي انت طلعه ومسكه طلعت الكاسكو وفريته رويتها ريله مسكتها من المفصل شويه جان تقول هني كسر ومسكت اصبعه قالت اثنين مكسورين جان تقولي وده اشعه خلي يشوفونه !!!!!!!!!! غريب توج تقولين كسر قلت اوكي والحل قالت مادري قلت لها مضاد حيوي زين قالت اي زين بس مو دهان حط له بلماي عطتني علبه مصكره يديده شكبرها بطلتها ولا القا بس شووووووووويه حاطين شدعوه شكبر العبه بس شويه فيها قلت بجم 4 دنانير مو مشكله عطيتها اسم العبه لون العلبه ابيض بزرق مال ارنب وفار وكاسكو وكناري beapher bogena astricycline السؤال لو الانسان في ريله كسر ويا الدكتور مسكه ما يصارخ ؟؟؟؟؟؟؟ شلون هذا حيوان طير مسكت ريله ما صارخ ساكت ؟؟ بس يعض ايدي وما صارخ كلش ولا عافر ولا شي لو في كسر اكيد يصارخ الشي الثاني ريله المصابه تتحرك عادي يحركها بس يعري لنا فيها تفخه وارمه من جذي مو قادر يمشي عليها واصبعه متفوخه اثنينهم من جذي ما يقدر يصكرهم مادري شنو الحل بس كسر ما اعتقد يمكن تفخ لنا يحركها عادي وذا عطيته شي يبي يمسك فيها بس مو قادر يجفس صبعه لنا متفوخ انا بصبر جم يوم بعطي المضاد بلماي نص قفشه وبشووف شيصير مشكورين |
رد: تكفووون ساعدوني عندي كاسكو تصكر على رجله الباب
اخواني اذا في كسر شلحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عطوني مضاد حيوي :( ماكو بيطري يعلمني شلون اسوي ريله وانا بلبيت اسوله |
رد: تكفووون ساعدوني عندي كاسكو تصكر على رجله الباب
اشكناني طيرك ما فيه شي
كلها كم يوم ويطيب رويال غالين حيل انصحك ما تراجعهم شوف المحلات الي بره سوق الحمام فيهم بيطرين زينين وراح اطرش لك بالخاص وين مكانه بالضبط |
| جميع الأوقات بتوقيت GMT +3. الساعة الآن 07:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو