|
ارجو من اهل الخبره المساعده في مشكلتي مع كلبي ..!!
السلام عليكم ورحمة الله وبركاته
عندي جرو جيرمن عمره 3 شهور ومطعم كامل تطعيماته وصارله اكثر من شهر عندي ومحد يعطيه اكل غيري بس مشكلته اكثر الوقت نايم ولما كنت امشيه برا اول الايام كان يمشي يمي بس الحين صار يوقف بروحه ويروح بعيد شوي عني بس اذا انا رحت عنه بعيد مرات يلحقني ومرات يقعد بالارض واذا مشيت اليراوه الثانيه معاي يلحقنا بس انا ابيه يمشي يمي مثل الباجي اذا مشيتهم بروحهم وابيه يكون حركي مثلهم اذا ناديتهم ييون على طول .. هل الي يصير له طبيعي ؟ لان في ناس قالولي قاعد يكبر وهذا شي طبيعي بس اليراوه الثانيه بنفس عمره بالضبط وعكس تصرفاته ! ياجماعه الكلب وايد عاجبني بس مابي اكره تصرفاته في حل حق هالمشكله ؟ واسف على الاطاله ..برفق صورته بس كل مارفقتها يطلعلي تجاوزت الحد المسموح بس نزلت فيديو على اليوتيوب وعطوني حل ورايكم ومشكورين مقدما ;) فيديو للكلب http://www.youtube.com/watch?v=tNcW3rPbwlo |
رد: ارجو من اهل الخبره المساعده في مشكلتي مع كلبي ..!!
صور للكلب مرفقه من موقع اخر اذا ماطلعت علموني وشكرآ
http://www4.0zz0.com/2011/04/07/06/561238103.jpg http://www7.0zz0.com/2011/04/07/06/546429085.jpg http://www7.0zz0.com/2011/04/07/06/101570543.jpg |
رد: ارجو من اهل الخبره المساعده في مشكلتي مع كلبي ..!!
وعليكم السلام ورحمة الله وبركاته
الصور والفديو طالعه و واضحات ومشاءلله كلب جميل بس اخوي انا اشوف ان الجرو طبيعي مافيه شي .. هو ياكل طبيعي ؟ قست حرارته ؟ عنده هشاشه ؟ انا اشوفه طبيعي بس ننتظر الخبراء |
رد: ارجو من اهل الخبره المساعده في مشكلتي مع كلبي ..!!
مشكوره نانا اي اكله واايد زين اوكلهم ثلاث مرات باليوم وحرارته مافيها شي بس شنو قصدج اذا فيه هشاشه ؟
|
رد: ارجو من اهل الخبره المساعده في مشكلتي مع كلبي ..!!
ماشاء الله الكلب جميل بااين عليه
عاادي مافيه اي مشكله مدام حرارته ما فيها شي بس شووف اخوي بالنسبة للتمشية بر انا بقوولك حاجة وانت جربها حااول تعطيه كل اهتمامك وتبين له انك مهتم فيه اكثر شي وطلعه معك برا والعب معه ومشه باليش مره وحده وشووف النتيجة .. |
رد: ارجو من اهل الخبره المساعده في مشكلتي مع كلبي ..!!
اخوي اقصد بهشاشه العظام.. مع انه مبين مشاءلله ان صحته كويسه
|
رد: ارجو من اهل الخبره المساعده في مشكلتي مع كلبي ..!!
انا بقول لك الحل يا صاحبي ..
شيل الجراوه عن بعض وحط كل واحد في قفص لحاله وخلهم ينسون شكل بعض . اذا طلعت معه خلكم لحالكم .. وخلك قريب منه الوقت اللي يتعب فيه ويتسدح . على فكره المفروض انك ما تمشي معه مسافات طويله لان الجرو يتعب بسرعه . خله يتدلع ويتسدح على حضنك ومسح عليه و سولف معه ولعبه شوي . لا تحط له الاكل بصحن وتمشي .. دايم اخذ نص كمية الوجبه وخله ياكلها من يدك كمكافئه .. وخل التدريب (come) .. قوله كم وكل ما جا عطه مكافئه . والنص الثاني من كمية الوجبه حطها بالصحن وخلك قريب منه وخله تحت المراقبه . الكلب يحتاجك حيل في هالمرحله لازم تقوي الروابط معاه . وان شاء الله تصير ثقته في نفسه وفيك عال العال ويطير من محله اذا شافك . تقبل مروري . |
رد: ارجو من اهل الخبره المساعده في مشكلتي مع كلبي ..!!
الجرو لازم مايمشي في اليوم اكتر من 15 دقيقه فقط لان باقي التمرينات بياخذها من اللعب معاك فا حاول انك ماتخرج الجراوه كتير وتمشيها واستمع لنصائح الاخوان والله يوفقك
|
رد: ارجو من اهل الخبره المساعده في مشكلتي مع كلبي ..!!
السلام عليكم ورحمة الله وبركاته ..
الله يعطيك العافيه اخوي خيال العروبه وماتقصر على ردك الجميل بس عندي سؤال لما امشيه بالليش مرات يرفض المشي الا اذا شديت عليه شوي:mad: هل هذا الحل ولا في حل افضل؟ عشان يتعود على الليش ؟ واختي نونا مشكوره ويعطيج العافيه وانا نزلت فيديو حق مشيته عشان اعرف اذا كان فيه هشاشه او صحته زينه؟ .. اخوي مصعب يعطيك العافيه علي المعلومات القيمه بصراحه كفيت ووفيت وماقصرت اليوم قريت الرد وببلش افصلهم من اليوم ان شالله وبعطيه اهتمام اكثر من قبل وعودتهم على كلمه sit وينطرون الاكل شوي الى ان اقولهم come واعطيهم بايدي شرايك بهالطريقه وهل في اقتراحات عليها ؟ واخوي عبدالله مشكور واايد على الاهتمام والرد وماقصرت صراحه وباخذ بنصحيتك وبمشيه 15 دقيقه الى ان يكبر شوي بس شنو تنصحني بافضل وقت للتمشيه غير الصبح ؟ فيديو المشيه اهو الي لونه اسود http://www.youtube.com/watch?v=ZVkgLA7fouU صورتين من قريب وارجو التقييم :) http://www4.0zz0.com/2011/04/08/10/226722256.png http://www9.0zz0.com/2011/04/08/10/150259290.png |
رد: ارجو من اهل الخبره المساعده في مشكلتي مع كلبي ..!!
مشاءلله .. مشاءلله تبارك الرحمن
شكله وهو يركض يجنن مشاءلله انا اشوف مافيه شي وبالصوره الاولى مشاءلله تبارك الرحمن اسد بس اخوي عطه اهتمام وشجعه اذا سمع كلامك .. وبالنسبه لليش انا اول كلبي من عمر كلبك كان يسوي نفس الشي .. سرت اربطه بـ الليش واتركه واجيب المكافئه واحطها بيدي واخليه يشمها ( بس مايياكلها )هو كذا ينجن يسير يبيها اقوم امسك الليش وامشي وهو يمشي معي بسهوله لان المكافئه بيدي وهو يبيها ولما يمشي كويس وبجهة اليسار اشجعه واعطيه المكافئه وكررتها لما عرفها .. والجيرمن شيبرد معروفين بالذكاء والطاعه ماراح تتعب معه ان شاءلله موفق اخوي ويتربى بعزك |
| جميع الأوقات بتوقيت GMT +3. الساعة الآن 09:42 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو