ساعدوني اشتريت ببغاء جديد ابغا توجيهات منكم
 

السلام عليكم ورحمة الله وبركاته ا

اخواني اشتريت ببغاء جديد نوع بلو فرنتد

الرجال قال انه فعمر سبعه شهور وراح اوريكم صور اتمني تقدرون عمره وفيه كم شغله اتعبتني معاه


اول شي رفضه الاكل لحاله لازم اقدم له الاكل بيدي او ماياكل وانا اغلب وقتي مشغول فزوجتي اتكلفت بالمهمه بس هلكها بالعض كل مامدت يدها يبي ياكل يعني مو يعضها قاصد لا يعضها لانه يبي ياكل



الاكل مانعرف وش نعطيه عطيته فول سوداني قالو حار علي بطنه وخليته علي دوار الشمس والله انه مايقرب منه ودايم زي ماهو

اعطيته قبل يومين ذره مسلوقه ومايكلها الا لما اقطعها واعطيه بيدي

عطيته تفاح وعنب وخيار وخس

هدا الي اعطيته الباقي يرفضه تماما

حطيت له نقطتين ليمونه فالمويه الي يشرب فيها

واعطيه عسل ثلاث مرات فاليوم من يدي

بس خايف اني اتعبت معدته لاني مااشوفه ياكل واضطر ااكله بنفسي

قالو عالسريلاك وسرت اعطيه وجبتين منه وبصراحه يتحمس له جدا ومايكل الا من يدي وهذا الشي اتعبني


فوق هذا مايتكلم ولايطلع اصوات الا قليل وشي بسيط حتي اني شكيت انه مريض من كثر انه هادئ


ابي اروضه مره رافض بس ياكل من يدي وغير كذا مايرضي يسوي شي

حاولت اني اطلعه علي يدي بالقوه طلع وعضني :D

بعدها سار يهرب مني

الطيران مستحيل يطير يخاف ماادري ليش



ولما افتح له القفص يجلس يرفر بجناحه فتره طويله



والايام هذي بديت الاحظه يحك جسمه ويحاول يشيل شوي من الريش مكان مايحكه

واليوم كمان لاحظت علي برازه انه مو صلب سائل وفيه قطع الله يكرم السامعين والقارئين


وش اسوي احترت فيه الحين اوريكم صوره له


الببغاء اسمو سكر


ماشاء الله لاحول ولاقوة الا بالله العلي العظيم


اسئلك بالله ان تقولو ماشاء الله لاحول ولاقوة الا بالله عند فتح الصوره


http://img103.herosh.com/2011/05/15/262237006.jpg

رد: ساعدوني اشتريت ببغاء جديد ابغا توجيهات منكم
 

اخوي اول شي الله يبارك لك

الي الثاني الطير لما يكون جديد على راعيه احيانناً ماياكل . انت حط له الاكل في المعلف حقه والمويا واتركه بلقفص شرط يكون في مكان مرتفع عشان يتعرف على البيت لمدة سبوع لا تحاول انك تخوفه او تطلعه على ايدك بس غير له الاكل الماء الصبح وانصرف عنه .
الشي الثالث عادي ياخوي نوع له بلأكل عطه حب شمسي وعطه فول سوداني نوع له بلأكل بس لاتكثر له خضار لانها تصيبه بسهآل الله يعزك ويكرم الزوار عطه خبز وبسكويت الكر عطه تفااح بس بدون الحب الي جواه عطه فراوله وبيض مسلوق مفيده له . بعد اسبوع من هل حال ابداء معه الترويض والصعود على اليد وعشان مايعضك لزم تحط على اصبعك مربى فواكه مشكله وتخليه يلعق اصبعك بيعض بيطعم طعم الفوكه بعدين بيقل عنده العض يبي لها سبوع هالطريقه . وفي نقطه حبيت انوه عليها انتبه انك تعطيه عسل كثير الحسل حااار على البطن والمعده والحويصله حقته لا تكثر له عسل . وبتوفيق اتمناء اني افدتك

رد: ساعدوني اشتريت ببغاء جديد ابغا توجيهات منكم
 

صح هالشي ملاحظه الطير صابه اسهال بسبب العسل والفواكهه الله يجزاك خير مراح اكثر له


يعني لو شريت له مربي افضل من العسل بكثير


طيب وش اسوي معه الحين لانه الاسهال زايد عليه بسبب الخضار والعسل


وابي اعرف كم عمره لو احد يعرف

رد: ساعدوني اشتريت ببغاء جديد ابغا توجيهات منكم
 

رد: ساعدوني اشتريت ببغاء جديد ابغا توجيهات منكم
 

اتمني سماع اراء جديده

فببغاءي هادئ جدا جدا جدا ولايصدر منه الا اصوات بسيطه وخفيفه ولايظهر صوته الا عند الخوف الشديد




ارجوكم اخاف ان يكون ببغاءي مريض

رد: ساعدوني اشتريت ببغاء جديد ابغا توجيهات منكم
 

ياعالم قولو وش عمر هالطير معقوله ولارد

رد: ساعدوني اشتريت ببغاء جديد ابغا توجيهات منكم
 

لو تجيب صورة اوضح لعين الطير يكون اسهل في معرفة عمره
وبخصوص النصايح ماقصروا الاخوان
موفق يااخوي