منتديات تو زوو - هل السمك مضر للـ german Shepherd

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - هل السمك مضر للـ german Shepherd (http://www.2zoo.com/vb/showthread.php?t=224064)

هل السمك مضر للـ german Shepherd

انا شريت دراي فود من نوع جونيور 25 كيلو وكان فود من نفس النوعية بس لحوم حمراء ,, ورحت اليوم عند مركز لترويش الكلب ومريت ع البيطري ,, شاف الكلبه ضعفانه شوي
قال وش نوع الاكل ,, قلت كان فود ودراي فود ,, فـرد بهالطريـقة (( ناوي تذبحها انت )) اعطاني علبتين كان فود سمك مع دجاج ,,
طبعا قـــولدآ عـمرها 3 اشهر ونص تقريبــاً ,,

فآ آتمنى احد ينصحني لان مكلفني الكآن فود هل استرجعه واخذ بداله سمك ودجاج او لا ؟

كل التحيـة

رد: هل السمك مضر للـ german Shepherd

بالنسبه للسمك مضر للكلاب بشكل عام لكن لو كان (كان فود) مخصص للكلاب>>>> مابي افتي

اخوي هل تقصد بالجونيور مال شركه رويال كانن ؟ مكسي ؟

اذا كان هذا الي قصدك عليه مع الكان فود ليش قالك البيطري ناوي تذبحه ؟ هل قصده ان هالاكل مضر ؟ لان الي اعرفه ان هالشركه الفرنسيه من افضل الشركات الي تنتج اغذيه للكلاب ....... انا ماني اخبر من الدكتور لكن انت سو بحث عن هالاكل وبتعرف

اخوي انا من رأيي الشخصي لاترجع الاكل لاكن حاول انك تنوعلها بالاكل مره لحم ومره دجاج ومره كبده ومره خضار اما السمك حاول انك تبعد عنه لانه فيه شكه..... (ابعد عن الشر وغنيله)

اذا كلبتك وايد ضعيفه انا افضل انك تعطيها بروتينات خاصه بالكلاب وانا شخصيا استخدم بروتين اسمه k9-buff وعطاني نتايج حلوه الصراحه

ومافيه اي سايد ايفكت وممكن تعطيه حق جرو عمره 9 اسابيع و فوق :)

بالتوفيق اخوي

رد: هل السمك مضر للـ german Shepherd

اخوي السمك مضر للكلاب عامه

رد: هل السمك مضر للـ german Shepherd

السمك يسبب حساسه للكلب

رد: هل السمك مضر للـ german Shepherd

الموضوع شوي اعقد من اننا نقول كلمة ورد غطاها .

شوف يالغالي ... السمك فيه زيوت الاوميقا اللي ما تلقاها باي لحوم اخرى .

وهي مفيده جدا جدا جدا .. لكن السمك ايضا فيه شوك وهذا يخوف .

و مو من طبيعة الكلب ياكل السمك في الحياة البريه .

عشان كذا انا افضل انك تعطي الكلب السمك مره بالاسبوعين ويكون خالي من الشوك .

او تستبدل السمك بزيت كبد الحوت لانه في نوعين او ثلاثه من زيوت الاوميقا المفيده .

اما بالنسبه للاكل فانت غير مطالب بانك تشتري can كل مره !! اللحوم الطبيعيه افضل

في نضري لانك متآكد على الاقل انها ما تحتوي على مواد حافضه .

استخدم صدور الدجاج و لحم الغنم او اللحم البقري المطبوخ مع شوية نشويات

مثل الرز او المكرونا او الشوفان .. وركز على الشوفان لانه مفيد جدا .

بالنسبة للرويال كانين انا انصح فيه وبشده و انا وكثير من الاخوان مجربينه ونتايجه ١٠٠٪ .

انا الى الان استخدمه بشكل يومي وجبتين او ثلاث باليوم لكنه حار على الكلب بالصيف .

فالافضل اعطائه الوجبات العصر و الثانيه بالليل .. اما بالنهار شوف له شي اخف ياكله .

انا اكيد مو افضل من البيطري الشاطر .. ولكن حط خط تحت الشاطر .

واحسب حساب ان بعض البياطره الله يهديهم يفكر كيف يصرف بضاعته فقط !! .

واخيرا وليس اخرا .. بالنسبه لوزن الجرو انصحك جدا تتابع برنامج مكافحة دود البطن .

اعطه الحبوب المناسبه على معده خاليه واتركه بدون اكل ٤ ساعات عشان تاخذ مفعولها

وكرر الجرعه بعد اسبوعين عشان تتخلص من البيوض اللي فقست في بطن الكلب .

غالب مشاكل الوزن ... الدوووود .

تقبل مروري .

رد: هل السمك مضر للـ german Shepherd

اقتباس:

او تستبدل السمك بزيت كبد الحوت لانه في نوعين او ثلاثه من زيوت الاوميقا المفيده .

هل فيه انواع معينه من الاكل تنصح بـها فيها زيت الاوميقا ؟!

اقتباس:

استخدم صدور الدجاج و لحم الغنم او اللحم البقري المطبوخ مع شوية نشويات

مثل الرز او المكرونا او الشوفان .. وركز على الشوفان لانه مفيد جدا .

هل تكوون نيـة ولا مطبوخه .. مع العلم ان الكلبة صغيره في السن ,,

اقتباس:

بالنسبة للرويال كانين انا انصح فيه وبشده و انا وكثير من الاخوان مجربينه ونتايجه ١٠٠٪ .

المشكلة شريت انا 25 كيلو دراي فود ,, وكنت مستعجل واخذته غالي شوي ,, ارميه مثلاً ؟

اقتباس:

بالنسبه لوزن الجرو انصحك جدا تتابع برنامج مكافحة دود البطن .

اعطه الحبوب المناسبه على معده خاليه واتركه بدون اكل ٤ ساعات عشان تاخذ مفعولها

عزيزي هل هناك حبوب معينه تنصح فيها وطريقة اعطائها للجرعه .,,

شــــــــــــــــــــــــــكرا للـــــــــــــــــــجميع

رد: هل السمك مضر للـ german Shepherd

اقتباس:

اخوي هل تقصد بالجونيور مال شركه رويال كانن ؟ مكسي ؟

لا عزيزي انا ممكن ارفق صور للاكل ,, فيما بعد او اكتب اسمه ,,

اقتباس:

اذا كلبتك وايد ضعيفه انا افضل انك تعطيها بروتينات خاصه بالكلاب وانا شخصيا استخدم بروتين اسمه k9-buff وعطاني نتايج حلوه الصراحه

ومافيه اي سايد ايفكت وممكن تعطيه حق جرو عمره 9 اسابيع و فوق :)

وين اقدر احصلها بالرياض اذا تكرمت ؟ :(

بالتوفيق اخوي[/QUOTE]

رد: هل السمك مضر للـ german Shepherd

والله ياخوي ماعندي خبر عن اماكن بيعه بالرياض لكن اتوقع يبيعونه بالمحلات الخاصه بالحيوانات

وبالنسبه لسؤالك تره الرويال كانن دراي فود من شركه صعبه عموما مدام انك شريت دراي فود استخدمه عادي المهم طعمه يعجب الكلب :)

رد: هل السمك مضر للـ german Shepherd

اقتباس:

المشاركة الأصلية كتبت بواسطة jassim99 (المشاركة 2161602)

للأسف اني اعطيها 300 غرام تقريباً ولا تاكل الا ربعه ممكن ,, والباقي تتركه

رد: هل السمك مضر للـ german Shepherd

اقتباس:

المشاركة الأصلية كتبت بواسطة luv German Shepherd (المشاركة 2161480)

هل فيه انواع معينه من الاكل تنصح بـها فيها زيت الاوميقا ؟!

مثل ما قلت لك زيت كبد الحوت تعطيه ملعقه كل اسبوع .

روح اي صيدلية بيطريه و قول له ابي زيت كبد الحوت .

هل تكوون نيـة ولا مطبوخه .. مع العلم ان الكلبة صغيره في السن ,,

الافضل مطبوخ عشان تتحاشى مشاكل اللحم الني .

مثل العفن والبكتيريا و غيرها .

المشكلة شريت انا 25 كيلو دراي فود ,, وكنت مستعجل واخذته غالي شوي ,, ارميه مثلاً ؟

لا ترميه .. اعط الكلب منه وراقب نشاط الكلب و وزنه .

استخدم منه وجبتين باليوم و اعطه وجبه اكل منزلي .

دجاج او لحم و غيرها .

عزيزي هل هناك حبوب معينه تنصح فيها وطريقة اعطائها للجرعه .,,

استخدم النوعيات الهاي كوالتي ... تلقى اسعارها غاليه شوي

وصناعاتها راقيه ،، امريكي ،، فرنسي ،، سويسري ومثل هذي الدول .

انا عن نفسي استخدم رويال كانين .

شــــــــــــــــــــــــــكرا للـــــــــــــــــــجميع

العفو يالغالي ... الاجابه باللون الاحمر .