منتديات تو زوو - استفسار مهم .. أرجو المساعدة

صباحكم ومسائكم ورد ..

كيفكم ان شاء الله بخيير ..

بالبداية اعتذر لأني حطيت الموضوع مرة تانية بدا القسم .. مع إنه الحيوان اللي عندي ارنب مو قطة بس اتوقعت هنا بتفيدوني اكتر لأنه اكيد في لو أقلها شخص سافر مع قطته ويعرف الإجراءات العامة

أنا عايشة بألمانيا وبانزل فترة رمضان السعودية اجلس شهرين وارجع ..

مشكلتي انه عندي ارنب احبه ومتعلقة فيه ع الاخر ومااتخيل اني اقدر اسيبه هنا وارجع ..

مو عارفة ارجع على اية خطوط السعودية او اللوفتهانزا ؟؟

السعودية اريح بالنسبة ليا لانه بارجع ع رمضان وبتكون فترة صيام وباعرف موعد الافطار وكدا وكمان اريح

اللوفتهانزا اجرائاتها اوضح بالنسبة للحيوانات ..

سالت العيادة عن اجراءات السفر لميشا ارنوبي قالتلي عادي بدون تطعيمات وجواز سفر

بس خايفة يعملولي مشاكل ويرجعوه وانا باطلع المطار لوحدي يعني فين باخليه ؟؟؟؟

سمعت كمان انه في حجر صحي ؟؟

انا بانزل بمطار الملك عبدالعزيز بجدة ..

ممكن اي احد يعطيني فكرة عن سفر الحيوانات مو بالضرورة أرنب ابغا الاجراءات العامة ؟؟ ايش لازم اسوي وفين اروح ؟؟

الله يسعدكم سفري بيكون اما 5 او 12 رمضان وبابدا الاجراءات من دحين لو في ختم من السفارة ..

انتظر اجاباتكم