منتديات تو زوو - الكلب والسياره !!! السياره والكلب !!!

منتديات تو زوو (http://www.2zoo.com/vb/index.php)

- قسم تدريب الكلاب (http://www.2zoo.com/vb/forumdisplay.php?f=39)

- - الكلب والسياره !!! السياره والكلب !!! (http://www.2zoo.com/vb/showthread.php?t=227813)

الكلب والسياره !!! السياره والكلب !!!

السلام عليكم

اليوم شفت شخص مو عارف يدخل الكلب السياره فطرت على بالي فكره اني اكتب عن هالموضوع وتعم الفائده للجميع

اول شي بتكلم عن الكلاب الي تخاف تقرب من السياره

دائما حاول تلعب الكلب حوالين السياره وتطعمه بالقرب منها جميع وجباته عشان يعرف ان ما منها خوف وماتشكل اي خطوره
----------------------------------

*****السيارات ذات الدفع الرباعي او الشاحنات (الوانيت)

في كلاب مو متعوده على القفز للسيارات المرتفعه عن الارض وتخاف

يجب ان تستعين بشيء يكون بمثابه عتبه (اي شيء)

انا طرا على بالي الصندوق الثلاجه مثلا ice box لانه آمن ويتحمل وزن الكلب اذا كان ثقيل

سامحوني عالرسومات.... هذي يعني رسمه سياره دفع رباعي على جنب مفتوح صندوقها الخلفي

اول شي نحط الصندوق بهذي الطريقه بحيث ان الكلب يصعد عليها وبعدها يصعد عالسياره

http://www.2zoo.org/get-7-2011-2zoo_org_cfzsnk0i.png

وبعدها نبدأ ندخل الصندوق تحت السياره بالتدريج بهالطريقه

http://www.2zoo.org/get-7-2011-2zoo_org_mz1dxhwz.png

لغايه مانوصل لمرحله ان الكلب يصعد للسياره بدون ما يلمس الصندوق مثل هالطريقه

http://www.2zoo.org/get-7-2011-2zoo_org_450xiz18.png

وبعدها نخفي الصندوق نهائيا وخلال هالتدريب نكافئ الكلب كل ماصعد السياره ونعطيه الثقه بنفسه اكثر

بالنسبه للسيارات العاديه (الغير مرتفعه)

ممكن ان نعلم الكلب يصعد بطريقتين

الاولى انك تربطه بالليش وتدخل السياره وتناديه او تعطيه بسكوت او لعبه يحبها و ما يحصلها الا اذا ركب السياره

الطريقه الثانيه انك تربطه بالليش وتركظ معاه اتجاه الباب المفتوح وتخلي يقفز قبلك للسياره وطبعا يتكاف على كل خطوه صح يسويها

نصائح بسيطه :-

لاتخلي الكلب يجلس بالمقعد الامامي الي جنب السائق لانه ممكن باي لحظه ينط عليك و يبي يلعب معاك وانت تسوق ويسببلك عدم الانتباه بالطريق او الحوادث لاسمح الله

و ممكن انك تدوس عالفرامل ويضرب راس الكلب بالطبلوم (هذي حصلت مع صاحبي)

و اذا كان بالمقعد الخلفي و حاول انه يأتي للمقعد الامامي ادفعه للخلف و قوله نوووووو بصوت غاضب و ادفعه بأيدك او انك تحط الشبك المخصص للكلاب بالسياره

والطريقه المثاليه هي انط تضع صندوق للتنقل خاص بالكلاب

اتمنى يكون الموضوع نال اعجابكم :)

الموضوع من اعدادي (غير منقول)