|
حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
السلامـ عليكمـ ورحمهـ الله وبركاتهـ
بقولكم قصة صغيرونه صارتلي أمس .: قعدت من النوم واسمع صوت التلفون تررن تررن »» الصوت التقليدي :D انا : ألو .. صديقي : أقوول أبو فهـد يالله قوم بسرعه مانبي نتأخر على العشا »» ماكو سلام من العجله :p انا : يالله اوكي اروح احلق وامر عليك صديقي : حدك فااضي يالله بسررعة انا : يالله زين اخلص واتصل عليك صديقي : طوط طوط طوط »» ماكو مع السلامة من العجلة :D قمت من النوم وغسلت وبدلت وخذيت مفتاح سيارتي وبوكي وتلفوني نزلت تحت بس تذكرت اني ماصكرت الليتات الي فوق طلعت مرة ثانيه فوق الدور الثاني صكرت اللييتات ونزلت ورحت اشغل السياره .... فجأة قفل مخي أدور مفتاح السيارة مو محصلة !! الحين شسوي ... البيت فاضي مافيه احد وحدي متأخر ووراي حلاق ومشوار وزحمة العيد و و ... دخلت البيت ادوره بالغرفه ماحصلته ... نزلت الصالة تحت ادوره ماحصلته .. صعدت الصاله الي فوق قلت يمكن طايح بالصالة .. بس هم ماحصلته :mad: نزلت تحت وقعدت على الكرسي .. قلت دعاء بسييييط بس سبحان الله صادقة الوالدة الله يحفظها يارب قالت لي اي شي يضيع منك او اي مشكله تتوهق فيها قوله بصدق نية وتشوف الي يسرك (( اللهم اهدنا وسدد )) والعادة اذا قفلت بمشكله احك راسي وانا احك راسي ،، حسيت بشي !!.. شي حاد .. !! اوووه المفتاح :D صارلي ساعة ادوره وقلبت كل مكان وبالنهاية طوول الوقت انا ماسكه في ايدي :eek: -- العبرة يـ إخواني و أخواتي هو انك لما تطيح في أي مشكله لازم تتخذ خطوات تمشي عليها ولاتصير مستعجل في اتخاذ اي قرار تسويه »» تصعد وتنزل وتقلب البيت المفروض أول شي .: 1 - تجلس بهدوء وتقول الدعاء ( اللهم اهدنا وسدد ) 2 - حدد نوعية المشكله 3 - تفكر في الحل تبحث عن الحل حولك ولاتبحث في البعيد »» مثل ماانا سويت لأن مشكلتنا اننا نبحث عن البعييد وننسى القريب وهذا الي يضيعنا دائما -- يـ إخواني و أخواتي في طريقة قريتها بكتاب قدييم جدآ جدآ جدآ »» مو من أيام الغوص :D طريقة فعالة لحل المشاكل التي يصعب عليك حلها بنفسك !! وهي أنك .: 1 - تجيب دفتر وقلم 2- تختار مكان هادي جدآ وشبه مظلم وتخلي يمك ابجورة ومافيه حولك أي صوت 3 - تقعد تكتب كل الحلول الي تطري في راسك من غير تردد واقعد اكتب واكتب لو توصل عشرين صفحة مافيه مشكله بس ماتقرى اي حل كتبته 4 - الحين تصكر الدفتر وتسترخي لمدة ربع ساعة تريح فيها بالك من الكتابة ولو تطقلك كووب فررنش كوفي 10/10 5 - بعد الاسترخاء تفتح الدفتر وراح تنصدم من النتييجة لان حلك راح يكون موجود وانت الي راح تكون كاتبه :D -- وفي الختام أشكركم على حسن القراءة واستحمالي لدقائق معدوودات وابشركم تم الذهاب الى الحلاق والعشى بسلاام :D |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
السلام عليكم و رحمة الله وبركاته
يسعدني أني ارد على موضوعك الرائع جدا .. وبصراحه موضوع مفيد جدا .. وتحصل لي كثير .. يستحق التقييم و الختم لما فيه من الفائده .. :) لك فائق الاحترام والتقدير .. موفق |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
فعلا كلام راائع ومنطقي
انا بعـد ساعات يصير فيني كذاا ادور الموبايل واهو في يدي اساسـآ :D يعطيك العـآفيه اخوي وعساك ع القوه |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
اقتباس:
وعليكمـ السلامـ ورحمهـ الله وبركاتهـ وانا يسعدني بل يشرفني انك افتتحتي الردود وطلتك على الموضوع هي التقييم الأعلى بالنسبة لي والختم هو ردك بقلمك الذهبي كريمة ولبقة واللباقة يـ نونـا هي القدرة على وصف الآخرين كما يرون هم أنفسهم .. وأضيف عليها انك توصفين الناس بما ترين نفسك الاحترام والتقدير متبادل وبأضعاف مضاعفة |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
اقتباس:
شاكرلك على المرور الموبايل مشكلة الحمدالله جت على مفتاح سيارة :D |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
جميل يا أبو فهد
انا عندى نفس المشكلة فى البيت يقولون لى :wao: انتا عندك زهايمر ههههههههههههه مشكور يا باشا :) |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
فعلا موقف حدث معاي كثير كثير ونفس حالتك يابوفهد ..لاكن انا ضاع مني القلم ..وكان معاي خط على الجوال وكنت محتاجه انقل الرقم .. وجلست ابحث وابحث حتى الشخص الاخر سكر الخط او انفصل منه ..وانا لازلت ابحث عن القلم!! وفي الاخير لقيتو فووق اذني .. يعطيك الف عافيه على القصه ..جدا جدا اعجبتني وكل كلمه قلتها صحيحه قعلا دااائما مبدع يابوفهد ..ربي يسعد ايامك بالخير والمسرات. تقبل مروري |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
ما شاء الله عليك يابو فهد .. موضوعك رووعه .
وفيه اذكار ثانيه ممكن نستعين فيها مثل ( انه على رجعه لقادر ) و ( اللهم رد لي ضالتي ) و غيرها .. الحكمه : ذكر الله يقوي العلاقه بين المسلم و ربه ويطرد الشياطين و النسيان ويثبت الشخص . وما ننسى حديث الرسول صلى الله عليه وسلم : إن الله تعالى قال: من عادى لي وليا فقد آذنته بالحرب، وما تقرب إلي عبدي بشيء أحب إلي مما افترضته عليه، ولا يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، ولئن سألني لأعطينه، ولئن استعاذني لأعيذنه و من النوافل الاذكار طبعا .. فكيف يتوه شخص مثل المذكور بالحديث القدسي ؟ |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
وعليكم السلام
ماشاالله عليك يابوفهد عبره وحكمه الله الله وانا اقرا الموضوع صرت افكر في حلول لبعض مشكلي الصغيره وذكرتني في موقف وانا نازل من السياره كان صاحبي ع الجوال معي وانا ادور الجوال وارجع داخل السياره وبين المقاعد وتحت واقول لصاحبي مادري وين راح الجوال وسؤلني عجل انت تكلمني من ايش هههههههه واصل يابوفهد ابداعك ولا يوقف |
رد: حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
هههههههههههه .,
الحمدلله بسس ., لقيت المفتاح وحلقت ووصلت العشاء بسلام ., هذا أهم شي ., وماشاء الله عليكم ,, دوووم تسعدنا وتفاجئنا وتفيدنا بمواضيعك الرآئعه ,, بأنتضآرر جديدك يالغالي ., ولا تطوول .. :) .. ., موووفق |
| جميع الأوقات بتوقيت GMT +3. الساعة الآن 03:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو