|
هل الكلب يغير من الكلب الجديد
السلام عليكم ورحمة الله وبركاته
انا عندي كلبي رعد ، عمره الحين 6 أشهر ، عنيد وشرس ، دوم يلحق عيالي ويبي يعضهم ، مع انه معاي مايعض ولايسوي لي شي ، وصاروا اليهال يخافون منه مع انهم كانوا يحبونه ويلعبون معاه من يوم عمره شهر ، المهم جبنا عليه ، كلبه لونق هير وعمرها تقريبا 3 أشهر ، تحب تلعب معاه وتروح له وتنبح ، لكن رعد دوم يبغي يعضها ، وانا حبيت انه يوالف معاها ويكون معاه أحد بدل يكون بروحه ، لكنه يعضها ، شنهو اسوي معاه ، انا ماأحب اربطه ، وهو دوم يبغي يكون معاي ، والحين أضطرينا نعزل عليه عنه ، هل هذا طبيعي بين الكلاب هل اخليها معاه ، والله شنهو اسوي ، واحط له اكله بروحه ، ويرجع يروح ياكل أكلها مع انه ماكان يرضى ياكل الدراي اول ، هل هذي غيره ، وهل هذا طبيعي |
رد: هل الكلب يغير من الكلب الجديد
نعم هذي غيره و هذا طبيعي و هو يحاول يفرض سيطرته عليها .
وهذي مشكله في كل الكلاب وليس فقط كلبك . لان نضام القطيع هرمي .. لازم الاقوى يطلع على اكتاف اللي تحته . هذا الكلام ما ينطبق على الذكر والانثى البالغين .. لذلك انا انصحك تتم عازلهم عن بعض لين تبلغ الانثى . بعدين تبدا توالفهم تحت الملاحظه شوي شوي . هذا اذا كنت حريص على شخصية الانثى طبعا . لانك اذا تركتهم مع بعض راح تدمر شخصية الانثى و تجعل من الذكر هاوي مشاكل مع الكلاب الثانيه . تقبل مروري . |
رد: هل الكلب يغير من الكلب الجديد
اقتباس:
بارك الله فيك ، نعم ، يهمني ان تكون عليه عندها شخصيه ، وباجتهد احافظ عليها ،وان شاء الله باعزلهم ، تقبل تحياتي أختك أم فيصل |
رد: هل الكلب يغير من الكلب الجديد
حاضرين يا ام فيصل .. موفقه ان شاء الله .
|
| جميع الأوقات بتوقيت GMT +3. الساعة الآن 09:56 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو