|
سؤال عن التماسيح
السلام عليكم
ابغا اسأل عن اسعار التماسيح الصغيرة فالرياض ادري انو يمكن يختلف السعر حسب المكان اللي بتشتري منه لكن أنا معروض علي تماسيح صغيرة بحجم كف اليد او اكبر شوي وماابغا ينصب علي ياليت تفيدوني عن متوسط الأسعار وهل هي تاخذ وقت طويل على ماتكبر؟ وهل في فرق بين اسعار الصغار والكبار؟ وايش ممكن ااكلها؟؟ وانا عندي حوض سمك يجهزه لها هل هذا جيد؟ وآسف اني كثرت بالأسئلة مشكورين مقدما* |
رد: سؤال عن التماسيح
السعر بين الـ 100 - 350 ريال للي طولهم 30 سانتي
تكبر بشكل سريع نوعاً ما ، يعني تقريباً الي عمره سنتين طوله متر لو ماكل عادي ، لو توكله وايد يكبر أكثر لو اقل يكبر أقل .. و اكيد في فرق بين الكبير و الصغير بالسعر توكله سمج صغار و كبده او دجاج ني شكبر الحوض ؟ تذكر لازم ماي دافي فتاخذ هيتر و عشان يكون انظف و اريحلك تاخذ فلتر ، و لا تنسى يكون مكان ماي و مكان بر و مسلط عليه ضوء حراري .. |
رد: سؤال عن التماسيح
من اهم العوامل في تربية التماسيح :
التغذية الجيّده + مساحة الحوض لأن التمساح ينمو بشكل كبير ويحتاج الى تغذية جيده ومساحه ليصل الى اطوال متميزة , واما الطعام ممكن تأكله روبيان خاصةً الصغار منها , قطع من الدجاج أو اللحم , حاول تضع لها من وقت لآخر اسماك كالجولد فيش وممكن اذا كبرت بعض الشيء تستخدم في تغذيتها الفئران البيضاء وبالنسبه للأضائه كما ذكر لك الأخ بايثون لمبه حرارية أو ممكن تستغني عنها بضوء الشمس وهذا الأفضل من وجهة نظري حفظك الله |
رد: سؤال عن التماسيح
الف شكر لكم كلكم
ماقصرتوا |
| جميع الأوقات بتوقيت GMT +3. الساعة الآن 10:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو